ស្ថិតនៅតំបន់អភិវឌ្ឍន៍ភូមិធម្មជាតិរុនតាឯក ស្រុកបន្ទាយស្រី ហើយគ្រួសារដែលមិនយល់ព្រមនឹងចាត់វិធានការរដ្ឋបាលនៅថ្ងៃទី២៦នេះ
លោក ហែន ពុទ្ឋី នាយករងរដ្ឋបាលសាលាខេត្តសៀមរាប បានមានប្រសាសន៍ថា ប្រជាពលរដ្ឋចំនួន ១០គ្រួសារ ក្នុងចំណោម១៩គ្រួសារ ដែលបានរស់នៅលើទីតាំងដីរដ្ឋនៃផ្លូវអតីតប្រព័ន្ឋការពាររបស់ខេត្ត ស្ថិតក្នុងភូមិធ្លកអណ្ដូង សង្កាត់ស្លក្រាម ក្រុងសៀមរាប ដែលបច្ចុប្បន្នបានប៉ះពាល់ដល់ការសាងសង់ហេដ្ឋារចនាសម្ព័ន្ធផ្លូវថ្នល់ចំនួន៣៨ខ្សៃ ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន ដើម្បីលើកកម្ពស់សោភ័ណភាពក្រុងសៀមរាបនោះ បានស្ម័គ្រចិត្តទទួលយកដំណោះស្រាយគោលនយោបាយរបស់រដ្ឋ ទៅរស់នៅលើទីតាំងដីឡូតិ៍ថ្មី ស្ថិតនៅតំបន់អភិវឌ្ឍន៍ភូមិធម្មជាតិរុនតាឯក ស្ថិតក្នុងភូមិតានី ឃុំរុនតាឯក ស្រុកបន្ទាយស្រី តាមរយៈនៃការចាប់ឆ្នោត និងផ្តិតមេដៃឯកភាពទទួលយកដីឡូតិ៍លំនៅឋានថ្មី ដែលរៀបចំឡើងដោយរដ្ឋបាលខេត្តសៀមរាប កាលពីព្រឹកថ្ងៃទី២៥ ខែឧសភា ឆ្នាំ២០២១នេះ ។
លោក ហែន ពុទ្ឋី បានឲ្យដឹងទៀតថា វាមិនមែនជារឿងសាមញ្ញនោះទេ ចំពោះការរុះរើ និងផ្លាស់ប្តូរលំនៅឋានចាស់មកសាងសង់និងរស់នៅក្នុងទីតាំងថ្មីនោះ ព្រោះវាពិតជាជួបនូវផលលំបាកច្រើន ប៉ុន្តែរដ្ឋបាលខេត្ត នឹងសហការជាមួយ អង្គភាពនិងអាជ្ញាធរពាក់ព័ន្ឋ ដើម្បីជួយសម្រួលដល់ការដឹកជញ្ជូនសម្ភាររបស់បងប្អូនទៅកាន់ទីតាំងថ្មី ខណៈដែលកាលពីប៉ុន្មានខែមុននេះ មានបងប្អូនប្រជាពលរដ្ឋប្រមាណជាង៤០០គ្រួសារ បានស្ម័គ្រចិត្តទទួលយកដំណោះស្រាយគោលនយោបាយ ផ្លាស់ប្តូរការរស់នៅចេញពីសំណង់មិនរៀបរយលើចំណីដងស្ទឹងសៀមរាប ទៅកសាងលំនៅដ្មានលើទីតាំងថ្មី រស់នៅភូមិអភិវឌ្ឍ រុនតាឯក នេះដែរ ដែលក្នុងមួយគ្រួសារទទួលបានដីទំហំ២០ម៉ែត្រគុណនឹង៣០ម៉ែត្រ
។
លោក ហែន ពុទ្ឋី បានឲ្យដឹងបន្ថែមទៀតថា នៅថ្ងៃទី២៦ ខែឧសភានេះ ក្រុមការងារចម្រុះនៃរដ្ឋបាលខេត្តសៀមរាប នឹងប្រើប្រាស់វិធានការរដ្ឋបាលឲ្យមានប្រសិទ្ធភាព ចំពោះអ្នកដែលមិនព្រមទទួលយកការសម្របសម្រួលនោះ ព្រោះមកដល់ពេលនេះ វាមិនតិចជាងរយៈពេល៣ខែនោះឡើយ ដែលយន្តការនៃការសម្របសម្រួល ត្រូវបានប្រើប្រាស់ ហើយមុននឹងឈានដល់ដំណាក់កាលនេះ ក៏មានការជូនដំណឹងជាមុនផងដែរ ក៏ប៉ុន្តែរដ្ឋបាលខេត្តនៅតែមានក្តីសង្ឃឹមថា ប្រជាពលរដ្ឋដែលមិនទាន់យល់អំពីវិធានការដោះស្រាយថ្ងៃនេះ នឹងអាចបានយល់នៅថ្ងៃក្រោយ តែមិនទុកឲ្យហួសពេលនោះឡើយ ៕
អត្ថបទ និង រូបភាព៖ លោក ងិន គឹមឡេង និង លោក យូ វង្ស
កែសម្រួលអត្ថបទ ៖ លោក លីវ សាន្ត
អត្ថបទ និង រូបភាព៖ លោក ងិន គឹមឡេង, លោក យូ វង្ស
កែសម្រួលអត្ថបទ ៖ លោក លីវ សាន្ត