នាព្រឹកថ្ងៃទី ២៨ ខែឧសភា ឆ្នាំ២០២១ ក្នុងឱកាសចុះបំពេញបេសកកម្មការងារនៅ ខេត្តកំពង់ចាម ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន អនុប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពង់ចាម និង ជាប្រធានក្រុមការងារថ្នាក់ជាតិ ចុះមូលដ្ឋានស្រុកកោះសូទិន បានអញ្ជើញជួបប្រជុំពិនិត្យ ការងារ របស់ថ្នាកដឹកនាំ ក្រុមប្រឹក្សាស្រុក ឃុំ នៃស្រុកកោះសូទិន ខេត្តកំពង់ចាម ។
លោក យី វណ្ណះ អភិបាល នៃគណះអភិបាលស្រុក កោះសូទិន ខេត្តកំពង់ចាម បានធ្វើ របាយការណ៏បូកសរុបលទ្ធផលការងារ និង បានបង្ហាញពីសមិទ្ធិផលថ្មីៗដែល ក្រុមការងារ រាជរដ្ឋាភិបាលចុះជួយស្រុកកោះសូទិន សម្រេចអនុវត្តបាន ក្នុងរយះពេលកន្លងមក ទាំងលើ កិច្ចការស្ថារ កសាងនូវរាល់សមិទ្ធិផលនានា បានជាច្រើន ដែលបំរើដល់វិស័យពុទ្ធចក្រ និង អាណាចក្រ បានកាន់តែរីកចម្រើនជាបន្តបន្ទាប់។ ជាមួយនេះការងារ មនុស្សធម៏ ឯកឧត្តម ខៀវ កាញារីទ្ធ និងលោកជំទាវ រួមទាំងក្រុមការងារទាំងអស់ តែងបាននាំយកនូវ អំណោយ ចែកជូនដល់ប្រជាពលរដ្ឋក្រក្រី អ្នកជួបវិប្បត្តិក្នុងគ្រួសារខ្វះខាតក្នុងជីវភាពរស់ នៅក៏ដូចជា បងប្អូន ដែលជួបគ្រោះធម្មជាតិ ស្រ្តីឆ្លងទន្លេ មានជំងឺប្រចាំកាយជាដើម។ ទាក់ទងសភាព ការណ៏ការពារទប់ស្កាត់ជំងឺកូវីដ-១៩ គឺស្រុកបានខិតខំផ្សព្វផ្សាយតាមការប្រជុំ តាមឃោសន សព្ទ័ តាមមូលដ្ឋាន ភូមិ ឃុំ អំពីវិធានការណ៏ របស់រាជរដ្ឋាភិបាល និង ក្រសួងសុខាភិបាល ពិសេសការអនុវត្តន៏ ៣ កុំ ៣ ការពារ ។ នៅទូទាំងស្រុកកោះសូទិន មាន មណ្ឌលចត្តាឡីស័ក ១ កន្លែង សាលាពុទ្ធិក:វត្តដំណាក់ព្រីង ។ ក្នុងរយះពេលមកនេះ រកឃើញវិជ្ជមានជំងឺកូវីដ ចំនួន៣ នាក់ សុទ្ធតែនាំចូលពីក្រៅ ក្នុងនោះជាសះស្បើយ២ នាក់ នៅសម្រាកព្យាបាល ១ នាក់ ។ ប្រជាពលរដ្ឋប៉ះពាល់ដោយផ្ទាល់ចំនួន ៨ នាក់។ ប៉ះពាល់ដោយ ប្រយោល ៣៦ នាក់ ។
ឯកឧត្តម រដ្ឋមន្រ្តី ខៀវ កាញារីទ្ធ បានចាត់ទុកលទ្ធផលការងារ ដែលក្រុមការងារថ្នាក់ជាតិចុះជួយស្រុកកោះសូទិន អនុវត្តន៏បាននាពេលកន្លងមកនេះ គឺជាការបង្ហាញនូវកិច្ចខិតខំប្រឹងប្រែងរួមសហការគ្នា ធ្វើអោយសម្រេចបាន នូវផែនការសម្មភាព ដែលបានដាក់ចេញ ពិសេស កិច្ចការងារមនុស្សធម៏ ជួយដល់ជនទីទាល់ក្រ ខ្វះខាត ជីវភាព រសប្រចាំថ្ងៃ និងអ្នកជួបគ្រោះធម្មជាតិផ្សេងៗ រួមទាំងការចូលរួមកសាងសមិទ្ធផលនានាជា ច្រើនទៀតផងដែរ។ ឯកឧត្តម រដ្ឋមន្រ្តី ក៏បានលើកឡើងពីបញ្ហាសំខាន់ៗចំនួនបី ដែលអាជ្ញាធរដែនដី មន្រ្តី សមត្ថិកច្ចគ្រប់លំដាប់ថ្នាក់ ត្រូវរួមគ្នាទប់ស្កាត់អោយបាន គឺការឆ្លងរីករាលដាល នៃជំងឺកូវីដ ១៩ ក្នុងមូលដ្ឋាន និងផ្សព្វផ្សាយបានទូលំទូលាយ ពីវិធានការពារ អោយបានល្អ ដើម្បីកាត់ បន្ថយការចំលង ។ ជាមួយនេះត្រូវបន្តសកម្មភាបពការងារង្ការ និងទប់ស្កាត់ លុបបំបាត់បញ្ហា គ្រឿងញឿន និងល្បែងស៊ីសង ក្នុងមូលដ្ឋាន ភូមិ ឃុំ ដើម្បីរក្សាសុខសុវត្ថិភាពជូនដល់ បងប្អូន ប្រជាពលរដ្ឋ ។
ឯកឧត្តម រដ្ឋមន្រ្តី ខៀវ កាញារីទ្ធ បានជម្រុញ លើកទឹកចិត្តដល់អាជ្ញាធរដែនដីគ្រប់លំដាប់ថ្នាក់ មន្រ្តី ក៏ដូចជាក្រុមការងារទាំងអស់ដែលបានចុះមកជួយការងារនៅក្នុងស្រុកកោះសូទិន ត្រូវបន្តរួមសហការសាមគ្គីគ្នា អោយបានកាន់ តែរឹងមាំថែមទៀត ហើយសម្រាប់ថ្នាក់ដឹកនាំ ស្រុក ឃុំ ភូមិ ត្រូវមានស្មារតីសាមគ្គីភាពផ្ទៃក្នុង ល្អ ផ្អែកលើយុត្តិធម៏ មានភាពស្មោះត្រង់ និងមានវិន័យក្នុងកិច្ចការងារ ទើបអាចរួមគ្នា បំពេញ រាល់ភារកិច្ចទទួលបានជោគជ័យថ្មីៗបន្ថែមទៀតក្នុងការបំរើដល់ប្រជាពលរដ្ឋ ស្រមតាមគោល ការណ៏ និងផែនការសម្មភាពការងារ របស់ប្រមុខរាជរដ្ឋាភិបាលបានដាក់ចេញ ដើម្បីរួមគ្នា អនុវត្តន៏អោយបានល្អ។ ក្នុងឱការនោះដែរ ឯកឧត្តម រដ្ឋមន្រ្តី ខៀវ កាញារីទ្ធ បាននាំយកនូវថវិកាចែកជូនដល់ សមាជិក សមាជិកា នៃអង្គប្រជុំ ដែលបានអញ្ជើញចូលរួមក្នុងកិច្ចប្រជុំ និងជូនដល់កងកំលាំង នគរបាល កងរាជអាវុធហត្ថ និងយោធាស្រុកកោះសូទិន ។ ជាមួយនេះ ផ្តល់ជូនថវិកា ជាង ៧ លានរៀល សម្រាប់ជួសជុល ផ្លូវ ក្នុងឃុំ មហាលាភ និង សន្យាជួយទិញឡានពេទ្យ ១ គឿង ប្រគល់ជូនដល់ មន្ទីរពេទ្យបង្អែកស្រុកកោះសូទិន ទុកសម្រាប់ដឹកបងប្អូនប្រជាពលរដ្ឋ ក្នុង មូលដ្ឋាន ដែលត្រូវទៅព្យាបាលសង្រ្គោះបន្ទាន់ នៅមន្ទីរពេទ្យខេត្ត ឬមករាជធានីភ្នំពេញ។
តមកនៅព្រឹកថ្ងៃដដែលនេះដែរ ឯកឧត្តម រដ្ឋមន្រ្តី ខៀវ កាញារីទ្ធ រួមដំណើរដោយ ឯកឧត្តមជារដ្ឋលេខាធិការ អនុរដ្ឋលេខាធិការ ទីប្រក្សាក្រសួងព័ត៌មាន បានអញ្ជើញទៅពិនិត្យ មើលទីតាំងត្រៀមរៀបចំកន្លែងធ្វើចក្តាឡីស័ក និងព្យាបាលកំរិតស្រាល សម្រាប់អ្នក សង្ស័យ ឬឆ្លងជំងឺកូវីដ១៩ ដែលទីតាំងថ្មីនេះ ធ្វើក្នុងអគារ វិទ្យាល័យជីហែ ស្រុកកោះសូទិន ខេត្តកំពង់ ចាម។ សម្រាប់ទីតាំងមុនដែលគ្រោងទុកសម្រាប់ធ្វើជាកន្លែងមណ្ឌលចត្តាឡីស័ក គឺស្ថិតក្នុង សាលាពុទ្ធិកសិក្សា វត្តដំណាក់ព្រីង ឃុំមហាលាភ ដែលបានរៀបចំហើយរួចរាល់ ដោយ ចំណាយថវិកា ពី ឯកឧត្តម រដ្ឋមន្រ្តី ខៀវ កាញារីទ្ធ ដែលមណ្ឌលចក្តាឡីស័កនោះ មិនទាន់ បានប្រើប្រាស់នៅឡើយនោះទេ ប៉ុន្តែសម្រាប់ឱកាសនេះ គឺមករៀបចំនៅវិទ្យាល័យ ជីហែ វិញ ៕
#ក្រសួងព័ត៌មាន
