នៅព្រឹកថ្ងៃទី២៨ ខែមិថុនា ឆ្នាំ២០២១នេះ លោក សូរ ប្លាតុង អភិបាលស្រុកប្រាសាទបាគង បានដឹកនាំក្រុមការងារអាជ្ញាធរស្រុក និងអាជ្ញាធរឃុំ អញ្ជើញចុះជួបសួរសុខទុក្ខ និងនាំគ្រឿងឧបភោគបរិភោគចែកជូនដល់គ្រួសារបងប្អូនប្រជាពលរដ្ឋចំនួន ២៥២គ្រួសារ នៅតាមឃុំទាំង៩ នៃស្រុកប្រាសាទបាគង ដើម្បីរួមចំណែកជាមួយរាជរដ្ឋាភិបាលកម្ពុជា ក៏ដូចជាអាជ្ញាធរខេត្ត ក្នុងការជួយសម្រាលដល់ការលំបាកបងប្អូនប្រជាពលរដ្ឋ ក្នុងអំឡុងមានការឆ្លងរីករាលដាលនៃជំងឺកូវីដ-១៩ ។
ក្នុងនាមអាជ្ញាធរស្រុក ក៏ដូចជាអាជ្ញាធរខេត្ត លោក សូរ ប្លាតុង បានបង្ហាញនូវក្តីបារម្ភពីសុខទុក្ខរបស់បងប្អូនប្រជាពលរដ្ឋទូទាំងខេត្ត ជាមួយនឹងការប្រឈមទៅនឹងវិបត្តិជំងឺកូវីដ-១៩ ដែលបញ្ហានេះយើងទាំងអស់គ្នាត្រូវតែចូលរួមការពារ ទប់ស្កាត់ ប្រយុទ្ឋប្រឆាំង ដើម្បីកាត់ផ្តាច់ខ្សែចម្លងជំងឺបានឆាប់ ហើយបញ្ហានេះក៏ជាមិនមែនបញ្ហារបស់បុគ្គលណាម្នាក់ឡើយ ទាំងថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ ព្រះសង្ឃ ប្រជាពលរដ្ឋទូទៅ ត្រូវតែចូលរួមបង្ការទប់ស្កាត់ជំងឺឆ្លងដ៏កាចសាហាវនេះ ពីព្រោះបច្ចុប្បន្ននេះជំងឺនេះបាននឹងកំពុងបន្តតាមយាយីដល់សុខភាពរបស់មនុស្ស នៅទូទាំងពិភពលោកនៅឡើយ សំខាន់នៅកម្ពុជាយើង។ ចំពោះអំណោយជាគ្រឿងឧបភោគបរិភោគដែលបាននាំយកមកនៅពេលនេះ វា គឺជាចំណែកតូចមួយ ជួយដល់រាជរដ្ឋាភិបាល ក្នុងការទប់ស្កាត់ និងកាត់បន្ថយការឆ្លងរាលដាលជំងឺងកូវីដ-១៩ ដែលកំពុងបង្កជាហានិភ័យ ដោយគម្រាមកំហែងលើសុខភាព និងអាយុជីវិតប្រជាជនកម្ពុជានាពេលបច្ចុប្បន្ន ។
ជាមួយគ្នានោះដែរ លោកអភិបាលស្រុក មានប្រសាសន៍ទៀតថា ទោះបីជាប្រទេសកម្ពុជា ក៏ដូចជាខេត្តសៀមរាបយើង កំពុងស្ថិតនៅក្នុងស្ថានភាពនៃការរីករាលដាលជំងឺកូវីដ-១៩ ក៏ដោយ តែលោកក៏បានអំពាវនាវដល់បងប្អូនប្រជាពលរដ្ឋទាំងអស់គ្នា ត្រូវខិតខំបង្កបង្កើនផលដំណាំផ្សេងៗ ដើម្បីឱ្យជីវភាពបានល្អប្រសើរ ពីព្រោះថាពេលនេះ គឺជាពេលរដូវវស្សាដែលបងប្អូនអាចធ្វើបាន។ ក្នុងនោះក៏សូមបងប្អូនយកចិត្តទុកដាក់ថែទាំសុខភាព ដោយត្រូវចូលរួមអនុវត្តតាមសេចក្តីជូនដំណឹង និងសេចក្តីណែនាំនានារបស់រដ្ឋបាលខេត្ត ដើម្បីការពារការឆ្លងជំងឺកូវីដ-១៩ និងជាពិសេសត្រូវប្រកាន់ខ្ជាប់ នូវវិធានការរបស់ក្រសួងសុខាភិបាល ពិសេសវិធានការរបស់រាជរដ្ឋាភិបាល គឺ៣ការពារនិង៣កុំ ។
ព័ត៌មានជាតិ ថ្មីៗ
សូមជម្រាបថា ចំពោះគ្រឿងឧបភោគបរិភោគ ដែលបានចែកជូននាពេលនោះដែរ គឺក្នុងមួយគ្រួសារទទួលបានមាន៖ អង្ករ២០ គីឡូក្រាម មី ,ទឹកត្រី ,ទឹកស៊ីអ៊ីវ ,ស្ករស ,អំបិល ,ខ្ទឹមស ,ម្សៅស៊ុប ,ប្រេងឆា ,ទឹកសុទ្ធ ,សាប៊ូ២ដុំ ,ម៉ាស់០១ប្រអប់ រួមនឹងថវិការមួយចំនួនទៀតផង៕
