នៅព្រឹកថ្ងៃទី២៨ ខែមិថុនា ឆ្នាំ២០២១ ឯកឧត្តម ខៀវ កាញារីទ្ធ បានដឹកនាំកិច្ចប្រជុំសាមញ្ញប្រចាំសប្តាហ៍ទី៤ ដោយធ្វើឡើងជាលក្ខណៈ Hybrid ប្រជុំចូលរួមដោយផ្ទាល់ និងតាមប្រព័ន្ធ Zoom សម្រាប់លេខាកត់ត្រាទាំងអស់ចូលរួមប្រជុំ និងកត់ត្រាតាមរយះប្រព័ន្ធZoom នៅតាមបន្ទប់រៀងៗខ្លួន ដើម្បីកាត់បន្ថយនៅហានិភ័យនៃការឆ្លងរាលដាលជម្ងឺកូវីដ-១៩ ។
ក្នុងកិច្ចប្រជុំនោះដែរ ឯកឧត្តម មាស សុភ័ណ្ឌ អនុរដ្ឋលេខាធិការ និងជាអ្នកនាំពាក្យ ក្រសួងព័ត៌មាន បានជម្រាបជូនពីខ្លឹមសារសំខាន់ៗ នៃកិច្ចប្រជុំប្រចាំសប្តាហ៏ថ្នាក់ដឹកនាំក្រសួងព័ត៌មាន ដោយក្នុងឱកាសនោះ ឯកឧត្តមលោកជំទាវ ជាអគ្គនាយកអគ្គនាយិកានៃអគ្គនាយកដ្ឋានទាំង៥ ក្រោមឱវាទក្រសួងព័ត៌មាន ឯកឧត្តម លោកជំទាវជារដ្ឋលេខាធិការ អនុរដ្ឋលេខាធិការ ដែលទទួលបន្ទុកការងារតាមជំនាញនីមួយៗ បានធ្វើការជម្រាបជូននូវរាល់សកម្មភាពការងារដែលបានបំពេញកន្លងមក និងផែនការសកម្មភាពការងារដែលត្រូវធ្វើនៅសប្តាហ៏នេះ និងបន្តទៅពេលខាងមុខទៀត។ ជាមួយនេះអគ្គនាយកដ្ឋានទូរទស្សន៏ជាតិកម្ពុជា អគ្គនាយកដ្ឋានវិទ្យុ ជាតិកម្ពុជា និងអគ្គនាយកដ្ឋានទីភ្នាក់ងារសារព័ត៌មានកម្ពុជា បានដាក់ចេញនូវគម្រោងសម្ម ភាពការងារក្នុងការផលិតបទយកការណ៏ ការចុះផ្សាយអត្ថបទ រួមទាំងបង្កើនកម្មវិធីនៃកិច្ច សំភាសន៏ វាគ្មិនសំខាន់ៗ រួមទាំងកម្មវិធីថ្មីប្លែក ដែលបំរើដល់ អារម្មណ៏អ្នកស្តាប់ និងទស្សនា ។
មានប្រសាសន៍ក្នុងឱកាសនោះ ឯកឧត្តម រដ្ឋមន្រ្តី ខៀវ កាញារីទ្ធ បានបញ្ជាក់ថា ក្រសួងព័ត៌មានមិនមែនជាមន្រ្តីយុត្តិធម៏នោះទេ គឺអាជ្ញាធរនៅតាមតំបន់នីមួយៗដែលខ្លួនជាអ្នកត្រួតត្រាជាអ្នកសម្រេចអោយ អ្នកសារព័ត៌មានចូល ឬមិនចូល នៅពេលចុះបំពេញបេសកកម្មការងារណាមួយ ហើយអាចចាត់វិធានការណ៏នៅពេលអ្នកសែតបានសរសេរអត្ថបទធ្វើអោយប៉ះពាល់ផលប្រយោជន៏សាធារណ: ដោយអោយកាសែតនោះសរសេរកែតម្រូវ និងសុំទោសជាសាធារណ: បើសិននៅតែមិនកែតម្រូវ គឺអាចធ្វើការប្តឹងទៅស្ថាប័នតុលាការតែម្តង។ អ្នកកាសែតមានសិទ្ធិសរសេរព័ត៌មាន អាជ្ញាធរមានសិទ្ធិក្នុងការបំភ្លឺ និងមានសិទ្ធិប្តឹង បើសិនអ្នកកាសែតនោះបំពានវិជ្ជាជីវ:ជាអ្នកសារព័ត៌មាន ហើយការផ្សាយរបស់អ្នកសារព័ត៌មានត្រូវតែមានតុល្យភាព។ ឯកឧត្តមក៏បានជម្រុញ អោយថ្នាក់ដឹកនាំអគ្គនាយកដ្ឋានទូរទស្សន៏ជាតិកម្ពុជា ក្នុងការពិនិត្យជ្រើសរើសអ្នកគ្រប់គ្រង ប៉ុស្ត៏ទូរទស្សន៏ ទទក ២ ព្រោះថានៅពេលខាងមុខនេះ នឹងមានធ្វើការផ្សាយកម្មវិធីសំខាន់ៗ ផ្នែកអប់រំច្បាប់ កិច្ចពិភាក្សាពន្យល់ការងារផ្សេងៗ រួមទាំងកម្មវិធីដ៏ទៃទៀត ដែលខុសពីការ ផ្សាយនៅក្នុង កម្មវិធីទូរទស្សន៏ជាតិកម្ពុជា ទទក ១ បច្ចុប្បន្ននេះ ។
ឯកឧត្តម រដ្ឋមន្រ្តី ខៀវ កាញារីទ្ធ ក៏បានថ្លែងការកោតសរសេរចំពោះកិច្ចខិតខំប្រឹងប្រែង របស់ ឯកឧត្តម លោកជំទាវ ជាថ្នាក់ដឹកនាំគ្រប់ផ្នែក និងមន្រ្តីរាជការគ្រប់ជំនាញ ដែលបាន ខិតខំប្រឹងប្រែង បំពេញកិច្ចការងារអោយទទួលបានជោគជ័យ និងធានាបាននិរន្តភាពក្នុងការ អនុវត្តន៏ កិច្ចការងារប្រចាំថ្ងៃល្អប្រសើរ។ ជាមួយនោះ ឯកឧត្តម ខៀវ កាញារីទ្ធ ក៏បានណែនាំដល់អគ្គនាយកដ្ឋានទីភ្នាក់ងារសារព័ត៌មានកម្ពុជា សរសេរអត្ថបទ និងផ្សាយរូបភាពស្តីពី វត្តមានសត្វព្រៃដ៏កម្រ នៅក្នុងដែនជម្រកប្រទេសកម្ពុជា ហើយជាមួយនេះ ទស្សនាវដ្តីកម្ពុជា ត្រូវដកស្រង់អត្ថបទស្តីពី ខ្លាលឿងដែលជាប្រភេទសត្វកម្រនៅលើ ពិភពលោក មានវត្តមានក្នុងតំបន់ការពារធម្មជាតិកម្ពុជាមកធ្វើការចុះផ្សាយផងដែរ ។ ទាក់ទងកម្មវិធីវប្បធម៏ និងសាសនា ដែលផ្សាយនៅស្ថានីយ៏ទូរទស្សនជាតិកម្ពុជា គឺត្រូវបន្តធ្វើយ៉ាងណាយកចិត្តទុកដាក់លើកកម្ពស់ ការយល់ដឹងផ្នែកសីលធម៏សង្គម ហើយផ្សព្វផ្សាយអោយបានទូលំទូលាយ។ ទន្ទឹមនេះ ក៏ត្រូវបង្កើនការផ្សាយពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក៏ដូចជាសមិទ្ធិផលថ្មីៗដែលសម្រេចបានក្នុងពេលថ្មីៗកន្លងមកនេះ។ ជាមួយគ្នានោះដែរប្រពន្ធ័ផ្សព្វផ្សាយរបស់ជាតិ ត្រូវផ្តល់ជូននូវរាល់ព័ត៌មានបែបពន្យល់ បកស្រាយទៅតាមច្បាប់ និងឯកសារគតិយុត្តដែលមានជាធរមាន ដើម្បីធ្វើយ៉ាងណាអោយសាធារណ:ជនទូទៅកាន់តែទទួលនូវការយល់ដឹងស៊ីជម្រៅ ពាក់ពន្ធ័ការអនុវត្តន៏សេចក្តីសម្រេច និងវិធានការច្បាប់នានា របស់រាជរដ្ឋាភិបាល ដែលត្រូវអនុវត្តន៏ ក្នុងកិច្ចការងារដែលមានផលប្រយោជន៏ជារួមសម្រាប់ប្រទេសជាតិ។
