នៅព្រឹកថ្ងៃទី០៨ ខែកុម្ភៈ ឆ្នាំ២០១៩នេះ ក្រុមហ៊ុនស្រាបៀរ Tiger បានរៀបចំព្រឹត្តិការណ៍Tiger stret football festival ២០១៩ រដូវកាលទី៧ ដោយមានវគ្គជ្រើសរើសជើងឯកនៅតាមបណ្តាខេត្ត ដើម្បីយកទៅប្រគួតផ្តាច់ព្រ័តនៅរាជធានីភ្នំពេញ ខណៈពេលនេះខេត្តសៀមរាប គឺបានរៀបចំការប្រកួតក្នុងរយៈពេល៣ថ្ងៃ ចាប់ពីថ្ងៃទី០៨ ដល់ថ្ងៃទី១០ ខែកុម្ភៈ ដោយមានក្រុមកីឡាចូលរួមចំនួនច្រើនក្រុម ហើយជ្រើសរើសយកជើងខ្លាំងៗចំនួន១២ក្រុម សម្រាប់យកទៅប្រកួតផ្តាច់ព្រ័ត្រនៅរាជធានីភ្នំពេញនៅពេលខាងមុខនេះ។
លោក ម៉ៃ តុលាង អគ្គលេខាធិការរងនៃសហពន្ធ័កីឡាបាល់ទាត់កម្ពុជា បានថ្លែងថា ព្រឹត្តិការណ៍ប្រកួតបាល់ទាត់ Tiger steet football festival ២០១៩ រដូវកាលទី៧នេះ ជាផ្នែកមួយ ក្នុងការរួមចំណែកលើកស្ទួយដល់វិស័យកីឡានៅកម្ពុជា ហើយព្រឹត្តិការណ៍នេះ បានធ្វើឡើងនៅតាមបណ្តាខេត្តធំៗចំនួន៩ រួមមាន ខេត្តព្រះសីហនុ , ខេត្តតាកែវ , ខេត្តកំពង់ស្ពឺ , ខេត្តបាត់ដំបង , ខេត្តបន្ទាយមានជ័យ , ខេត្តសៀមរាប , ខេត្តកំពង់ចាម , ខេត្តកណ្តាល និង នៅរាជធានីភ្នំពេញ ដោយក្នុងខេត្តនីមួយៗ បានរៀបចំប្រកួតជម្រុះវិលជុំយកជើងខ្លាំង ដើម្បីចូលវគ្គប្រកួតផ្តាច់ព្រ័ត្រនៅ រាជធានីភ្នំពេញនាពេលខាងនេះ ក្នុងការដណ្តើមពានរង្វាន់ទឹកប្រាក់ចំនួន៥ម៉ឺនដុល្លារអាមេរិក ។
លោក ម៉ៃ តុលាង មានប្រសាសន៍ទៀតថា ការលេងកីឡាបាននាំមកនូវសុខភាពល្អ បង្កើនសាមគ្គីភាព និងជៀសឆ្ងាយពីគ្រឿងញៀន។ លោកបានអំពាវនាវឲ្យយុវជនទាំងអស់ចូលរួមកីឡាឲ្យបានគ្រប់ៗគ្នាដើម្បីសុខភាព ហើយសម្រាប់ការប្រកួតជុំជម្រុះវិលជុំនៅខេត្តសៀមរាបឆ្នាំនេះឃើញថា ការចូលរួមរបស់យុវជន មានសន្ទុះច្រើនជាឆ្នាំមុន ដែលនេះ គឺជាភាពជោគជ័យមួយ ក្នុងការលើកកម្ពស់វិស័យកីឡានៅកម្ពុជា ពិសេសនៅប៉ុន្មានឆ្នាំចុងក្រោយនេះ វិស័យកីឡាកម្ពុជា មានការរីកចម្រើនគួរឲ្យកត់សម្គាល់ និងមានភាពល្បីល្បាញនៅលើឆាកអន្តរជាតិ ខណៈដែលព្រឹត្តិការណ៍ Tiger steet footballfestival២០១៩រដូវកាលទី៧នេះ ក៏ជាចំណែកមួយដ៏សំខាន់ ក្នុងចូលរួមលើកកម្ពស់វិស័យកីឡាកម្ពុជាផងដែរ ហើយនៅសប្តាហ៍ក្រោយនេះ ព្រឹត្តិការណ៍ Tiger steet footballfestival២០១៩រដូវកាលទី៧ នឹងបន្តទៅលេងនៅខេត្តកំពង់ចាម ៕
អត្ថបទ និង រូបថត ៖ លោក ទ្រា ពន្លឺ
កែសម្រួលអត្ថបទ ៖ លោក លីវ សាន្ត
