សមត្ថកិច្ចនគរបាលខេត្តសៀមរាប បានឲ្យដឹងថា ជនសង្ស័យម្នាក់ ឈ្មោះ ឆៃ ឈេន ភេទប្រុសឆ្នាំកំណើត២០០៣ មុខរបរគ្មាន មានទីលំនៅភូមិត្រពាំងសេះ សង្កាត់គោកចក ក្រុងសៀមរាប ជាប់ពាក់ព័ន្ធនឹងករណីរក្សាទុក និងជួញដូរ ហើយមានសារធាតុញៀនក្នុងខ្លួន រួមជាមួយនឹងវត្ថុតាង ដែលកម្លាំងនគរបាលជំនាញដកហូតបាន មានម្សៅមេតំហ្វេតាមីនប្រភេទទឹកកកចំនួន០២កញ្ចប់ ស្មើនឹងទំងន់០,២ក្រាម (ទំងន់សុទ្ធ) និង ទូរស័ព្ទដៃចំនួន០២គ្រឿង ត្រូវបានសមត្ថកិច្ចនគរបាលជំនាញបញ្ជូនខ្លួនទៅសាលាដំបូងខេត្ត នាព្រឹកថ្ងៃទី០៨ ខែកុម្ភៈ ឆ្នាំ២០១៩នេះ ដើម្បីចាត់ការទៅតាមនីតិវិធីច្បាប់បន្ត បន្ទាប់ពីកម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្ត សហការជាមួយកម្លាំងអធិការដ្ឋាននគរបាលក្រុងសៀមរាប ចុះប្រតិបត្តិការបង្ក្រាបករណីរក្សាទុកជួញដូរដោយខុសច្បាប់ នូវសារធាតុញៀននៅចំនុចភូមិត្រពាំងសេះ សង្កាត់គោកចក ក្រុងសៀមរាប កាលពីវេលាម៉ោង១៨ នាថ្ងៃទី០៦ ខែកុម្ភៈ ឆ្នាំ ២០១៩ កន្លងទៅនេះ ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
