នាយកខុទ្ធការល័យសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ ដឹកនាំដោយឯកឧត្ដម ខៀវ ឆេន នាយកខុទ្ធការល័យសម្ដេចពិជ័យសេនា ចុះសួរសុខទុក្ខ សំណេះសំណាល និងចែកអំណោយ ដល់ក្រុមគ្រូពេទ្យ ក្រុមយុវជន ដែលបានបំរើការងារចាក់វ៉ាក់សាំងបង្ការជំងឺកូវីដ-១៩ ដល់ប្រជាពលរដ្ឋនៅស្រុកអង្គរធំ ខេត្ដសៀមរាប។ សកម្មភាពនេះ បានធ្វើឡើង កាលពីថ្ងៃទី២៦ ខែកក្កដាឆ្នាំ២០២១នេះ នៅវិទ្យាល័យសម្ដេចតេជោ ហ៊ុន សែនអង្គរធំ ។
ឯកឧត្ដម ផៃ សុខខេង នាយរងខុទ្ធការល័យសម្ដេចពិជ័យសេនា ទៀ បាញ់ បានមានប្រសាសន៍ថា អំណោយមានទឹកសុទ្ធ, នំបុ័ង ៊ ដែលជាអំណោយថ្នាក់ដឹកនាំក្រសួងការពារជាតិ ហើយមិនច្រើនក៏ពិតមែន ប៉ុន្ដែជាការផ្ដល់នូវកម្លាំងចិត្ដកម្លាំងកាយដល់កងកម្លាំងគ្រូពេទ្យជួរមុខ ដែលពួកគាត់មមាញឹកបំរើដល់ប្រជាលរដ្ឋ ដោយមិនគិតខ្លាចនឿយហត់ ចាប់ព្រឹករហូតដល់ល្ងាច។ ក្រុមគ្រូពេទ្យយោធា ពួកគាត់មកពីកងពលធំអន្ដរាគមន៍តូចលេខ៨ ដែលចំណុះអោយកងពលធំអន្ដរាគមន៍លេខ៣ នៅខេត្ដព្រះវិហារ ក៏ដូចក្រុមយុវជនសសយកនេះ ពួកគាត់បានលះបង់កម្លាំងកាយចិត្ដបំរើពលរដ្ឋដោយមិនគិតពីការហត់នឿយនោះឡើយ ដូច្ននេះ ក្រុមការងាររបស់ខុទ្ធកាល័យសម្ដេចពិជ័យសេនា តែងតែយកចិត្ដទុកដាក់ជានិច្ចដល់ពួកគាត់។ឯកឧត្ដមបានបន្ដថា វប្បធម៌ចែករំលែកលើស្បៀងអាហារ ដល់ក្រុមការងារចាក់វ៉ាក់សាំងបង្ការកូវីដ-១៩ គឺការងារដែលបង្ហាញពីការយកចិត្ដទុកដាក់ពីថ្នាក់នាំគ្រប់លំដាប់ថ្នាក់ជានិច្ច ជាពិសេសមានការយកចិត្ដទុកដាក់ពីរាជរដ្ឋាភិបាលកម្ពុជា។
លោក ឡុង រដ្ឋារក្ស អភិបាលស្រុកអង្គរធំ ខេត្ដសៀមរាប បានបង្ហាញអារម្មណ៍សប្បាយរីករាយ ដែលរាជរដ្ឋាភិបាលបានយកចិត្ដទុកដាក់រៀបចំក្រុមគ្រូពេទ្យរបស់កងកម្លាំងយោធា មកពីខេត្ដព្រះវិហារ ចាក់វ៉ាក់សាំងការពារជំងឺកូវីដ-១៩ ជូនពលរដ្ឋនៅមូលដ្ឋានរបស់លោក។ លោកបានបន្ថែមថា ក្រុមគ្រូពេទ្យ និងក្រុមការងាររបស់ក្រុមយុវជនសសយក ដែលបានជួយបំរើការងារក្នុងការរៀបចំចាក់វ៉ាក់សាំងនេះ មានជាង១០០នាក់ ជាកងកម្លាំងយោធា និងក្រុមយុវជនសសយក និងយុវជនក្រុម១៥៨។
ព័ត៌មានជាតិ ថ្មីៗ
លោក ឡុង រដ្ឋារក្ស បានអោយដឹងបន្ថែមថា ចំនួនប្រជាពលរដែលត្រូវចាក់សំាងបង្ការជំងឺកូវីដ-១៩ស្រុកនេះ មានចំនួន៤ឃុំ ហើយមានពលរដ្ឋ គ្រប់អាយុត្រូវទទួលវ៉ាក់សាំងប្រហែលចំនួន១៨,០០០នាក់។ ក្នុងយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋនៅស្រុកអង្គរធំ គិតមកដល់ថ្ងៃទី២៥ ខែកក្កដាឆ្នាំ២០២១នេះ មានចំនួនជាង១៤,០០០នាក់ ក្នុងចំណោមប្រជាពលរដ្ឋត្រូវចាក់វ៉ាក់សាំងប្រហែលចំនួន១៨,០០០នាក់។ ជាមួយគ្នានោះផងដែរ ឯកឧត្ដម ផៃសុខខេង ក៏បានសួរសុខទុក្ខ និងពាំនាំនូវការសួរសុខទុក្ខពីសំណាក់សម្ដេចពិជ័យសេសនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ ដល់ប្រជាពលរដ្ឋនៅ ស្រុកប្រាសាទបាគង ព្រមទាំងនាំយកសេចក្ដីសម្រេច ស្ដីពីការតែងតាំងជាទីប្រឹក្សាផ្ទាល់សម្ដេចព្រះមហាសុមេធាធីបតីកិត្ដិយសបណ្ឌិត នន្ទ ង៉ែត សម្ដេចព្រះសង្ឃនាយក នៃព្រះរាជណាចក្រកម្ពុជា ប្រគេនដល់ព្រះតេជគុណ នូ ឡែម ព្រះចៅអធិការវត្ដរលួស ក្នុងឃុំរលួស ស្រុកប្រាសាទបាគង ខេត្ដសៀមរាបផងដែរ ៕
អត្ថបទ និងរូបភាព: លោកបូ សាវី កែសម្រួលដោយ លីវ សុខុន!!!
