នៅព្រឹកថ្ងៃទី០៤ ខែសីហា ឆ្នាំ២០២១ លោក គាំ សាវី សមាជិកសកម្មរបស់សមាគមចលនាយុវជនកម្ពុជា ក្រុម១៥៧ សាខាខេត្តសៀមរាប តំណាងលោក ហ៊ុន ប៉ូគា ប្រធានសមាគមចលនាយុវជនកម្ពុជា ក្រុម១៥៧ សាខាខេត្តសៀមរាប រួមនឹងសមាជិកសមាជិកា បាននាំយកនូវទានព្រះវស្សា និងទេយ្យទានមួយចំនួន យកទៅប្រគេនដល់ព្រះសង្ឃដែលគង់ចាំព្រះវស្សា ក្នុងវត្តមរតកតេជោ ស្ថិតនៅភូមិខ្នាសង្រ្គាម ឃុំបាល័ង្គ ស្រុកប្រាសាទបាគង ខេត្តសៀមរាប ដោយទេយ្យវត្ថុ និងបច្ច័យប្រគេនដល់ព្រះសង្ឃមាន៖ ទៀន ១គូរ ,អង្ករ ១០០គីឡូក្រាម ,ទឹកបរិសុទ្ធ ២២យួរ ,មី ២កេស ,ត្រីខចំនួន ២យួរ ,ទឹកត្រី ២យួរ ,ទឹកស៊ីអ៊ីវ ២យួរ ,អំបិល ២គីឡូក្រាម ,ស្ករសរ ២គីឡូក្រាម និងប្រេងឆាចំនួន ២លីត្រ។
លោក គាំ សាវី មានប្រសាសន៍ថា សម្ភារៈ និងទេយ្យវត្ថុទាំងនេះ គឺបានមកពីការចូលរួមរបស់សមាជិកសមាជិកាសមាគមចលនាយុវជនកម្ពុជា ក្រុម១៥៧ ដែលបានបរិច្ចាគធនធានថវិកាផ្ទាល់ខ្លួន សម្រាប់ចំណាយទិញ និងប្រគេនដល់ព្រះសង្ឃនៅក្នុងវត្ត នៅរដូវកាលដែលព្រះសង្ឃ ត្រូវធ្វើវដ្តប្រតិបត្តិ ចូលព្រះវស្សាអស់កាលត្រីមាស សម្រាប់ជាចតុប្បច្ច័យភិក្ខុសង្ឃប្រើប្រាស់ ក៏ដូចជាតបទៅនឹងតម្រូវការចាំបាច់នៃដំណាក់កាលជួបការលំបាក ដោយវិបត្តិជំងឺកូវីដ-១៩ ដែលកំពុងរាតត្បាតឆ្លងចូលសហគមន៍ជាបន្តបន្ទាប់។
លោកមានប្រសាសន៍ទៀតថា នៅក្នុងបរិបទជំងឺកូវីដ-១៩ នេះដែរ ក៏សូមឲ្យបងប្អូនប្រជាពលរដ្ឋទាំងអស់ មេត្តាយកចិត្តទុកដាក់ឲ្យបានខ្ពស់បន្ថែមទៀត ក្នុងការធ្វើអនាម័យជាប្រចាំ ដើម្បីការពារខ្លួនយើង ក្រុមគ្រួសារយើង ក៏ដូចជាសង្គមជាតិទាំងមូល។ ជាពិសេសត្រូវអនុវត្តជាប្រចាំនូវិធានការរបស់រាជរដ្ឋាភិបាល គឺ៣កុំ និង ៣ការពារ និងអនុវត្តសេចក្តីណែនាំរបស់ក្រសួងសុខាភិបាលឲ្យបានគ្រប់ៗគ្នា ដើម្បីរួមគ្នាការពារទប់ស្កាត់កុំឱ្យមេរោគដ៍សាហាវនេះរីករាលដាលបន្តឆ្លងចូលសហគមន៍ និងប្រទេសកម្ពុចាយើង៕
ព័ត៌មានជាតិ ថ្មីៗ
