ដើមី្បចូលរួមជាមួយរាជរដ្ឋាភិបាល ក៏ដូចជាភាពចាំបាច់របស់រដ្ឋបាលខេត្តសៀមរាប នៅព្រឹកថ្ងៃទី០៩ សីហានេះ នៅសាលាខេត្តសៀមរាប លោក ពិន ប្រាកដ អភិបាលរងខេត្ត តំណាងឯកឧត្តម ទៀ សីហា អភិបាលខេត្តសៀមរាប បានអញ្ជើញទទួលអំណោយជាសម្ភារៈប្រើប្រាស់ពីក្រុមហ៊ុន ST Premier Residence ដើម្បីចូលរួមក្នុងការប្រប្រយុទ្ធប្រឆាំងជំងឺកូវីដ-១៩ ដោយអំណោយមាន៖ ប៉ៅអ៊ីចល័ត ចំនួន៥០គ្រឿង និងក្តារម្ឈូសចំនួន៣០ ផងដែរ។
តាមការបញ្ជាក់ពីតំណាងក្រុមហ៊ុន ST Premier Residence បានឲ្យដឹងថា ក្នុងពេលវេលានេះ យើងត្រូវតែចាំបាច់ចូលរួមជាមួយរាជរដ្ឋាភិបាលដែលមានសម្តេចតេជោ ហ៊ុន សែន ជានាយករដ្ឋមន្ត្រី ក្នុងពេលដែលប្រជាពលរដ្ឋបានកំពុងជួបនូវវិបត្តិជំងឺកូវីដ-១៩ សំខាន់ក្នុងពេលតម្រូវការចាំបាច់ចំពោះមុខរបស់រដ្ឋបាលខេត្តសៀមរាប ក្នុងការប្រយុទ្ធប្រឆាំង បង្កាទប់ស្កាត់ និងកាត់ផ្តាច់ខ្សែចម្លងជំងឺកូវីដ-១៩ ។
មានប្រសាសន៍ក្នុងឱកាសនោះក្នុងនាមអាជ្ញាធរខេត្ត លោក ពិន ប្រាកដ បានថ្លែងអំណរគុណដល់ទឹកចិត្តដ៏សប្បុរសធម៌ របស់ក្រុមហ៊ុន ST Premier Residence ដែលបានផ្តល់ជូននូវសម្ភារៈ ក្នុងកិច្ចបម្រើដល់យុទ្ធនាការប្រយុទ្ធប្រឆាំងបង្កាទប់ស្កាត់ជំងឺកូវីដ-១៩ ដល់រដ្ឋបាលខេត្តសៀមរាបសំខាន់សម្រាប់យកទៅប្រើប្រាស់នៅតាមមណ្ឌល ចត្តាឡីស័កនាពេលនេះ។ ស្របពេលដែលកម្ពុជាយើងបាននឹកកំពុងជួបនូវវិបត្តិជំងឺកូវីដ-១៩ ក្នុងព្រឹត្តការណ៍សហគមន៍ ២០កុម្ភះ ២០២១នេះដែរ អាជ្ញាធរខេត្ត បានកំពុងមមាញឹកក្នុងការពង្រីកបន្ថែមនូវមណ្ឌលចត្តាឡីស័កជាច្រើនកន្លែង ក្នុងការទទួលបងប្អូនធ្វើចំណាកស្រុកមកពីក្រៅប្រទេស ព្រមទាំងទីកន្លែងសម្រាប់ធ្វើការព្យាបាល អ្នកវិជ្ជមានជំងឺកូវីដ-១៩។ លោកក៏បានសំណូមពរ ដល់ក្រុមហ៊ុនក៏ដូចសប្បុរសជនផ្សេងៗទៀត សូមបន្តនូវប្រពៃណីវប្បធម៌ចែករំលែកនេះ ទៅតាមបណ្តាក្រុង/ស្រុកទៀតផងដែរ។
លោកអភិបាលរងខេត្ត ក៏បានឲ្យដឹងផងដែរថា ក្នុងជំហានទី២ នៃការចាក់វ៉ាក់សាំងការពារជំងឺកូវីដ-១៩ ជូនប្រជាពលរដ្ឋនៅខេត្តសៀមរាប បានបន្តចាក់វ៉ាក់សាំងនូវដូសទី២ ជូនប្រជាពលរដ្ឋក្នុងក្រុង/ស្រុកទាំង១២របស់ខេត្តហើយ។ ជាមួយគ្នានេះដែរចំពោះសម្ភារៈទាំងនេះ អាជ្ញាធរខេត្តនឹងបន្តយកទៅដាក់សម្រាប់ប្រើប្រាស់នៅតាមមណ្ឌលក្នុងក្រុង និងតាមបណ្តាស្រុកផងដែរ៕
អត្ថបទ និង រូបភាព៖ លោក ម៉ី សុខារិទ្ធ
កែសម្រួល៖ លោក អ៊ុន ណារាជ្យ
