លោកវរសេនីយ៍ទោ សុខ ម៉េងអ៊ាង នាយការិយាល័យនគរបាលព្រហ្មទណ្ឌកម្រិតធ្ងន់ ខេត្តសៀមរាប នៅថ្ងៃទី១២ ខែសីហា ឆ្នាំ២០២១ កម្លាំងកាយការិយាល័យនគរបាលព្រហ្មទណ្ឌកំរិតធ្ងន់ បានធ្វើការស្រាវជ្រាវរហូតឃាត់ជនសង្ស័យម្នាក់ ជាប់ពាក់ព័ន្ធករណីលួចមានស្ថានទម្ងន់ទោស។ ជនសង្ស័យមានឈ្មោះ កែរ ណាលុច ហៅបារាំង ភេទប្រុស អាយុ១៧ឆ្នាំ មុខរបរបើកឡានដឹកគ្រឿងសំណង់ មានទីលំនៅបច្ចុប្បន្នក្នុងភូមិវិហារចិន សង្កាត់ស្វាយដង្គំ ក្រុង/ខេត្តសៀមរាប។
លោកវរសេនីយ៍ទោ សុខ ម៉េងអ៊ា បានបញ្ចាក់ថា ក្រោយឃាត់ខ្លួនជនសង្ស័យបានសារភាពថា ពិតជាបានបរព្រឹតតិករណីនេះពិតប្រាកដមែន ដោយកាលពីវេលាម៉ោង ០២ និង៣០នាទី យប់ថ្ងៃទី១១ ខែសីហា ឆ្នាំ២០២១ រូបគេបានឡើងលើដំបូលគាស់ស័ង្កសីចូលក្នុងហាងលក់កុំព្យូទ័រមួយកន្លែង ស្ថិតក្នុងភូមិវត្តបូព៌ សង្កាត់សាលាកំរើក ដោយបានលួចយក កុំព្យូទ័រ ២គ្រឿង , IPad ១១គ្រឿង ,កាបូបស្ពាយ១ និងឯកសារមួយចំនួនផងដែរ។ ហើយបច្ចុប្បន្នជនសង្ស័យ និងវត្ថុតាំងត្រូវបានកម្លាំងកាយការិយាល័យនគរបាលព្រហ្មទណ្ឌកំរិតធ្ងន់ខេត្ត រៀបចំសំណុំរឿងបញ្ជូនបន្តទៅតុលាការនីតិវិធីដើម្បីដើម្បីចាត់ការតាមនីតិវិធីច្បាប់៕
អត្ថបទ និង រូបភាព៖ លោក ស៊ាន សុផាត
កែសម្រួល៖ លោក អ៊ុន ណារាជ្យ
