ដើម្បីជាការចូលរួមចំណែកជាមួយរាជរដ្ឋាភិបាល ក្នុងការប្រយុទ្ធប្រឆាំងការឆ្លងរីករាលដាលនៃជំងឺកូវីដ-១៩ អំណោយជាម៉ាសចំនួន ២,៥០០ម៉ាស ,អាកុល ៩០លីត្រ រួមជាមួយផលិតផលបំប៉នសុខភាព ដែរជាអំណោយរបស់អង្គភាពសារព័ត៌មាន និងបណ្តាក្រុមហ៊ុនជាសប្បុរសជនមួយចំនួន ត្រូវបានលោក វណ្ណ សុភានោ អគ្គនាយកក្រុមហ៊ុន RS3WORL CAMBODIA និងជាចាងហ្វាងអង្គភាពសារព័ត៌មានកម្ពុជា នាំយកមកប្រគល់ជូនឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន នៅព្រឹកថ្ងៃទី១៧ ខែសីហា ឆ្នាំ២០២១នេះ។
នៅក្នុងឱកាសនោះ អស់លោកលោកស្រីជាចាងហ្វាង និពន្ធនាយកក៏ដូចជាអ្នកសារព័ត៌មានរបស់អង្គភាពកម្ពុជាសន្តិភាពTNM បានគោរពស្នើសុំជាមតិយោបល់ពីឯកឧត្តម រដ្ឋមន្រ្តី ខៀវ កាញារីទ្ធ ដើម្បីធ្វើយ៉ាងណាអោយសារព័ត៌មានកម្ពុជាសន្តិភាព ដែលទើបបង្កើតឡើងនេះ បានដំណើរទៅដោយរលូន និងមានការគាំទ្រច្រើន។
ឯកឧត្តម ខៀវ កាញារីទ្ធ បានបញ្ជាក់ថា ការងារសារព័ត៌មានសំខាន់ គឺការមានទំនាក់ទំនងល្អរវាងបុគ្គលគ្រប់កន្លែងការងារ មានក្រមសីលធម៌ វិជ្ជាជីវ:ត្រឹមត្រូវ មានការទទួលខុស ត្រូវចំពោះអ្វីដែលអង្គភាពរបស់បានផ្សាយជាការពិត ត្រឹមត្រូវ នូវរាល់គ្រប់ដំណឹងដែលបានផ្សាយ ទើបធ្វើអោយមានទំនុកចិត្តសម្រាប់អ្នកអាន ស្តាប់ ទស្សនា។ ទាក់ទងការលើក ឡើងរបស់អ្នកសារព័ត៌មានមួយចំនួនដែលនិយាយថា ក្រសួងព័ត៌មានរិតត្បិតចំពោះ ការស្នើបើកកាសែត និងការបន្តអាជ្ញាបណ្ឌតម្រូវអោយទៅចុះបញ្ជីនៅក្រសួងពាណិជ្ជកម្ម ដែលខុសពីលើកមុនបង្ករអោយមានការលំបាកនោះ ឯកឧត្តម រដ្ឋមន្រ្តី ខៀវ កាញារីទ្ធ បានញ្ជាក់ថា សម្រាប់ការចុះបញ្ជីនៅក្រសួងពាណិជ្ជកម្ម គឺជាការចុះបញ្ជីពាណិជ្ជកម្មទទួលស្គាល់កម្មសិទ្ធិ ឈ្មោះអង្គភាពសារព័ត៌មាន នោះជាផ្លូវការព្រមជាមួយនិងច្បាប់ការងារផ្សេងៗ ទៀតដែលជួយដល់អ្នកសារព័ត៌មាន។ ការដែលធ្វើដូច្នេះបានជួយច្រើនដល់អ្នកសារព័ត៌មានតែខ្លួនមិនបានយល់ និងមើលអោយអស់នូវខ្លឹមសារ។ បើសិនជាអង្គភាពសារព័ត៌មានចុះបញ្ជីផ្លូវការស្របច្បាប់ បុគ្គលិកបំរើការងារក៏បានចុះឈ្មោះផងដែរ គឺនៅពេលណាមួយមានគ្រោះក្នុងពេលបំពេញការងារចាងហ្វាង ឬអ្នកគ្រប់គ្រងអង្គភាពសារព័ត៌មាន ជួយចេញថ្លៃព្យាបាលអោយ ពិសេសការចុះឈ្មោះក្នុង បេឡាជាតិសន្តិសង្គម.ប.ស.ស.ជាការល្អ នៅពេលមានជំងឺ និងគ្រោះថ្នាក់ផ្សេងៗ រដ្ឋនឹងជួយចេញថ្លៃព្យាបាលអោយដោយមិនចាំបាច់ពេលឈឺ ប្រកាសសុំជំនួយបន្តិចបន្ទូចមកព្យាបាលទៀតនោះទេ។ ចំពោះការដែលក្រសួងបង្កើតគណ:កម្មការតាមដានវាយតំលៃ និងលើកសរសើរ ក្រមសីលធម៌វិជ្ជាជីវ:សារព័ត៌មាន បានបង្កើតឡើងមិនមែនជ្រើសរើសមន្ត្រីក្រសួងព័ត៌មាននោះទេ គឺមានការយកនូវសមាជិកសមាគមសារព័ត៌មានមួយចំនួនមករួមគ្នាធ្វើការវាយតំលៃ លើកិច្ចការងារនេះ ហើយក៏មិនមែនវាយតំលៃគ្រប់អត្ថបទនោះទេ គឺពិនិត្យនៅពេលមានបញ្ហាដោយមានការកោះប្រជុំពិនិត្យពិភាក្សា ជាមួយគ្នាដោយមិនមានសិទ្ធិដាក់ទោសកំហុសអ្នកសារព័ត៌មានទេ មានតែជួយលើកតម្កើងវិជ្ជាជីវ:សារព័ត៌មានមាន លើកតម្កើងតូនាទីសារព័ត៌មាននៅក្នុងសង្គម និងលើកពីតំលៃនៃអត្ថបទនីមួយៗ របស់អ្នកសារព័ត៌មា អោយកាន់តែមានតំលៃ។
ព័ត៌មានជាតិ ថ្មីៗ
តមកនៅព្រឹកថ្ងៃដដែលនេះដែរ ឯកឧត្តម រដ្ឋមន្រ្តី ខៀវ កាញារីទ្ធ បានទទួលជួប និងទទួលអំណោយជាទឹកបរិសុទ្ធ ចំនួន ១៥០កេស ពីឯកឧត្តម ឈាង លាង អនុរដ្ឋលេខាធិការក្រសួងព័ត៌មាន។
ឯកឧត្តម ឈាង លាង បានជម្រាបជូនថា ទឹកបរិសុទ្ធនេះ ជាប្រភេទទឹករ៉ែធម្មជាតិ ម៉ាកបាយឈាន់ ផលិតនៅរោងចក្រខេត្តព្រះសីហនុ ដែលមានគុណភាពល្អសម្រាប់សុខភាព ពេលពិសាច្រើន។ សម្រាប់អំណោយជាទឹករ៉ែធម្មតាជាតិ ទាំង ១៥០កេសនេះ ទុកជូនឯកឧត្តមរដ្ឋមន្រ្តី ពិសាក្នុងគ្រួសារ ចែកជូនមន្រ្តីរាជការ និងសម្រាប់សកម្មភាពមនុស្សធម៏ផ្សេងៗទៀត ដែលឯកឧត្តម និងលោកជំទាវតែងតែធ្វើឡើង។ ជាមួយគ្នានោះដែរឯកឧត្តម រដ្ឋមន្រ្តី ខៀវ កាញារីទ្ធ បានសំដែងការអរគុណចំពោះ ឯកឧត្តម ឈាង លាង ដែលបានផ្តល់ជូននូវទឹកបរិសុទ្ធទាំងនេះ ស្របពេលដែលក្រុមការងាររាជរដ្ឋាភិបាលចុះជួយមូលដ្ឋានស្រុកកោះសូទិន ខេត្តកំពង់ចាម កំពុងចុះជួយផ្តល់ ស្បៀងអាហារ ជូនដល់បងប្អូនប្រជាពលរដ្ឋកំពុងធ្វើចត្តាឡីស័កតាមបណ្តាខ្នងផ្ទះក្នុងស្រុកកោះសូទិន ៕
