បណ្ណ័សមាជិក ប.ស.ស និង គោលនយោបាយ ការអនុវត្តរបបសន្តិសុខសង្គម ត្រូវបានក្រុមការងារ បេឡាជាតិរបបសន្តិសុខសង្គម យកមកប្រគល់ជូនថ្នាក់ដឹកនាំ មន្ត្រី រាជការ ក្រសួង ព័ត៌មាន និងធ្វើពិធីផ្សព្វផ្សាយ ជូនបានយល់ចាស់ ពីគោលនយោបាយ នេះ នៅ ព្រឹកថ្ងៃទី ១២ ខែ កុម្ភះឆ្នាំ ២០១៩ នាទីស្តីការក្រសួងព័ត៌មាន ក្រោមអធិបតីភាព ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន។
ឯកឧត្តម កង សុវណ្ណ ទីប្រឹក្សាក្រសួងព័ត៌មាន និងជាប្រធាននាយកដ្ឋាន បុគ្គលិក បានធ្វើរបាយការណ៏ជម្រាបជូន ពីចំនួនក្របខណ្ឌ ថ្នាក់ដឹកនាំ មន្ត្រីរាជការ ក្រសួងព័ត៌មាន ឆ្នាំ ២០១៩ សរុបទាំងអស់ ១ ៨៩៦ រូប ស្រី ៦៩៣ រូប និង និងមន្ត្រីជាប់កិច្ចសន្យា ចំនួន ៧១៥ រូប ស្រី ៣០០ រូប ។
ឯកឧត្តម វេជ្ជបណ្ឌិត ស៊ុ សោភ័ណ នាយករង បេឡាជាតិរបបសន្តិសុខសង្គម បានបញ្ជាក់ ថា ចាប់តាំងពីដំណើរការដំបូង ក្នុងឆ្នាំ ២០០៨ រហូតមកដល់ឆ្នាំ ២០១៨ បសស បានពង្រីក វិសាលភាព គ្របដណ្តប់ទូទាំប្រទេស ដែលមានមន្ត្រីរាជការ បុគ្គលិក សរុប ១ ៤៣១ នាក់ ។ ក្នុងខែ កក្កដា ឆ្នាំ ២០១៦ បានចុះកិច្ចព្រមព្រៀង ជាមួយមូលដ្ឋានសុខាភិបាល សម្រាប់ថែទាំ សុខភាព ចាប់ពីថ្នាក់មណ្ឌលសុខភាព រហូតដល់ ថ្នាក់ជាតិ ចំនួន ១ ៣៥២ មូលដ្ឋាន សុខា ភិបាល និងមន្ទីរពេទ្យ ឯកជន ចំនួន ៥០ មូលដ្ឋាន ដើម្បីសម្រួលដល់ការផ្តល់សេវាជូន សមាជិក ប.ស.ស អោយបានទាន់ពេលវេលា និងមានប្រសិទ្ធភាព ។
ឯកឧត្តម វេជ្ជបណ្ឌិត ស៊ុ សោភ័ណ បានជម្រាបជូនពី ជូនដែរថា ចាប់តាំង ពីឆ្នាំ ២០០៨ មកដល់ ២០១៨ ប.ស.ស បាន ផ្តល់ តាវកាលិក ផ្នែកហានិភ័យ ការងារជូនជនរងគ្រោះ ជាកម្មករ និយោជិត ចំនួន ជាង ២ សែន នាក់ ។ ដោយឡែកផ្នែកថែទាំសុខភាព បានផ្តល់ជិត ២ លានដង ក្នុងចំណោម កម្មករ និយោជិត ប្រមាណជាង ១ លាននាក់ នៃសហគ្រាស ចំនួន ៩ ២០០ សហគ្រាស។ ប.ស.ស បានចុះបញ្ជី មន្ត្រីសាធារណះ អតីត មន្ត្រីរាជការ និងអតីត យុទ្ធជន សរុប ៣១៧ ៥០៩ នាក់ ហើយបានទៅទទួល សេវា ថែទាំសុខភាព ៣០ ៧២៧ ដង នាក់។
ឯកឧត្តម រដ្ខមន្ត្រី ខៀវ កាញារីទ្ធ មានប្រសាសន៏ លើកឡើងថា ជោគជ័យ និងជ័យជនះ នៃការខិតខំប្រឹងប្រែង របស់ប្រមុខថ្នាក់ដឹកនាំ កម្ពុជា រយះពេល ៤០ ឆ្នាំ កន្លងមកនេះ បានធ្វើ អោយកើតមានឡើងនូវ បេឡាជាតិ របបសន្តិសុខសង្គម ប.ស.ស ដែលមានសំខាន់បំផុត សម្រាប់មន្ត្រីរាជការ ក៏ដូចជា កម្មករ កម្មការិនីទាំងអស់ បានទទួលសេវា ព្យាបាលជំងឺដោយ ឥតគិតថ្លៃ ។ ឯកឧត្តម បានលើកឡើងថា កាលពីមុន មន្ត្រីរាជការ នៅពេលចាស់ទៅ ហើយចូល និវត្តន៏ពីការងារ បារម្មណ៏ជាងគេ គឺ អត់មានលុយព្យាបាលជម្ងឺ ប៉ុន្តែពេលនេះ យើងមានបណ្ណ័ ប.ស.ស នៅពេលដែលយើងឈឺ ទៅព្យាបាលនៅមន្ទីរពេទ្យ ជាដៃគួរ របស់ ប.ស.ស គឺមិន អស់លុយនោះទេ ដែលជាការចំណាយរបស់ ប.ស.ស ដោយមានការជួយ បង់វិភាគទានពី រាជរដ្ឋាភិបាលយ៉ាងច្រើន ដើម្បីដំណើរការងារនេះ ។
ទាក់ទងទៅនិងសារះសំខាន់ របស់ សមាជិក បេឡាសជាតិ របបសន្តិសង្គម ប.ស.ស នេះ ឯកឧត្តម រដ្ឋមន្ត្រី ខៀវ កាញារីទ្ធ និង ឯកឧត្តម វេជ្ជបណ្ឌិត ស៊ុ សោភ័ណ មានប្រសាសន៏ បញ្ជាក់ បន្ថែមថា ,,,, សំលេងដើម,,, ក្នុងវីដេអូ។
អត្ថបទ និង រូបថត : ក្រសួងព័ត៌មាន
