តាមការឲ្យដឹងពី លោកវរសេនីយ៏ឯក សុខសុ ទ្ធាវុធ អធិការនគរបាលស្រុកជីក្រែង បានឲ្យដឹងថា នៅវេលាម៉ោង ១៩និង ១០នាទីថ្ងៃទី១២ ខែ កុម្ភះ ឆ្នាំ ២០១៩ ម្សិលមិញនេះ មានករណីគ្រោះថ្នាក់ចរាចរណ៍មួយបានកើតឡើងត្រង់ចំណុចទល់មុខដេប៉ូសាំង ឈ្មោះស្រី ចំរើន ស្ថិតក្នុងភូមិកកោះ ឃុំគោកធ្លកក្រោម ស្រុកជីក្រែង ខេត្តសៀមរាប តាមបណ្តោយលើផ្លូវជាតិលេខ៦ រវាងរថយន្តកែឆ្នៃ និងម៉ូតូមួយគ្រឿង បណ្ដាលឲ្យបុរសម្នាក់ស្លាប់ភ្លាមៗនៅកន្លែងកើតហេតុ។
លោកវរសេនីយ៏ឯក បានឲ្យដឹងថា ហេតុការនេះគឺមានរថយន្ត ០១គ្រឿង ជាប្រភេទរថយន្តកែឆ្នៃ ពណ៌ទឹកសមុទ្រ បើកបរដោយជនមិនស្គាល់អត្តសញ្ញាណ បានបើកបរទិសដៅពីត្បូងទៅជើង លុះមកដល់កន្លែងកើតហេតុរថយន្តក៏បានបត់ទៅទិសខាងលិចដើម្បីឆ្លងថ្នល់ ក៏បានបុកពេញទំហឹងជាមួយម៉ូតូ ០១គ្រឿង ម៉ាកហុងដាឌ្រីម សេរី ២០១៦ ពណ៌ខ្មៅ ពាក់ផ្លាកលេខសៀមរាប1W-3983 ដែលបើកបញ្ច្រាស់ទិសគ្នា បើកបរឈ្មោះ ខុន ភារិទ្ធ ភេទប្រុស អាយុ១៩ឆ្នាំ មានទីលំនៅភូមិប្រាសាទ ឃុំកំពង់ក្តី ស្រុកជីក្រែង ខេត្តសៀមរាប បណ្តាលឲ្យអ្នកបើកបរម៉ូតូបោកក្បាលទៅនឹងថ្នល់ស្លាប់ភ្លាមៗ នៅនឹងកន្លែងកើតហេតុ រីឯជនបង្កបានរត់គេចខ្លួនបាត់ស្រមោល។
ក្រោយពេលកើតហេតុកំលាំងជំនាញបានចុះដល់កន្លែងកើតហេតុ ដើម្បីពិនិត្យវាស់វែង និងបានប្រគល់សពឲ្យទៅក្រុមគ្រួសារធ្វើបុណ្យតាមប្រពៃណី ។ ចំណែកឯវត្ថុតាងត្រូវបានកម្លាំងនគរបាលជំនាញបានយកមករក្សាទុកនៅអធិការដ្ឋាននគរបាលស្រុក រីឯជនបង្កសមត្ថកិច្ចកំពុងតែស្រាជ្រាវដើម្បីឃាតខ្លួនយកមកដោះស្រាយតាមនីតិវិធី។
ព័ត៌មានជាតិ ថ្មីៗ
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ អ៊ុន ណារាជ្យ
