នៅថ្ងៃទី១២ ខែកុម្ភះ ឆ្នាំ២០១៩ កម្លាំងនគរបាលស្រុកស្វាយលើបានសហការជាមួយកម្លាំងកងរាជអាវុធហត្ថស្រុក ផ្នែកសឹករងស្រុក លោកមេឃុំ និងកម្លាំងប៉ុស្តិ៍នគរបាលរដ្ឋបាលឃុំខ្នងភ្នំ បានចុះធ្វើការផ្សព្វផ្សាយគោនយោបាយភូមិឃុំមានសុវត្តិភាពជូនប្រជាពលរដ្ឋនៅសាលាដំណាក់ស្ថិតក្នុងភូមិថ្មជ្រួញ ឃុំខ្នង ភ្នំស្រុកស្វាយលើ ដោយផ្តោតលើគោលការណ៍សំខាន់ៗ ៥យ៉ាង៖គឺ
១-គ្មានសកម្មភាពលួច ឆក់ ប្លន់ គ្រប់ប្រភេទ
២-គ្មានអំពើហិង្សាក្នុងគ្រួសារ
៣-គ្មានក្មេងទំនើង
៤-គ្មានគ្រោះថ្នាក់ចរាចរណ៌
៥-គ្មានការលេងល្បែងស៊ីសងខុសច្បាប់និងការប្រើប្រាស់អាវុធខុសច្បាប់គ្រប់ប្រភេទ ហើយនៅក្នុងយុទ្ធនាការចុះផ្សព្វផ្សាយនេះ មានការចូលរួមពីសំណាក់ប្រជាពលរដ្ឋចំនួន ៤៩នាក់ ស្រី២៤នាក់។
ក្នុងឱកាសនោះដែរដោយប្រជាពលរដ្ឋមានការយល់ដឹងកាន់តែច្បាស់លាល់ពីការផ្សព្វផ្សាយភូមិឃុំមានសុវត្ថិភាពនេះ បងប្អូនប្រជាពលរដ្ឋនៅក្នុងឃុំខ្នងភ្នំ ក៏បានប្រគល់កាំភ្លើងកែច្នៃចំនួន ១១ដើម ក្នុងនោះមានកាំភ្លើងខ្យល់,ចំនួន៧ដើម,កាំភ្លើងឆ្នុក៤ដើម និងឧបករណ៍ឆក់ត្រីចំនួន៥គ្រឿង ជូនដល់សមត្ថកិច្ចនគរបាល យកមករក្សាទុកនៅប៉ុស្តិ៍នគរបាលរដ្ឋបាលផងដែរ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ អ៊ុន ណារាជ្យ