ក្នុងឱកាសអញ្ជើញចូលជួបធ្វើសវនាការ ការងារជាមួយ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន នៅព្រឹកថ្ងៃទី ១៣ ខែ កុម្ភៈ ឆ្នាំ ២០១៩ គណៈប្រតិភូ គណៈកម្មការទី ៥ ព្រឹទ្ធសភា ដឹកនាំដោយលោកជំទាវ ទី បូរ៉ាស៊ី ប្រធាន គណៈកម្មការ កិច្ចការបរទេស សហប្រតិបត្តិការ អន្តរជាតិ ឃោសនាការ និង ព័ត៌មាន នៃព្រឹទ្ធសភា បានបញ្ជាក់ពីគោលបំណង ដើម្បីស្វែងយល់អំពីការងារ ដែលក្រសួងព័ត៌មានសម្រេចបានក្នុងឆ្នាំ ២០១៨ និងទិសដៅអនុវត្តន៏បន្ត សម្រាប់ឆ្នាំ ២០១៩ ។
ទន្ទឹមជាមួយគ្នានេះដែរ គណៈកម្មការទី ៥ ព្រឹទ្ធសភា ក៏ចង់ដឹងពីយន្តការ និងវិធានការនៃការគ្រប់គ្រងការសែត វិទ្យុ ទូរទស្សន៏ រោងពុម្ព និងព្រឹត្តបត្រ សារព័ត៌មានផ្សេងៗ និងបញ្ហាផ្សព្វផ្សាយ ពាណិជ្ជកម្មដែលកំពុងដំណើរការ នា ពេលបច្ចុប្បន្ន រួមទាំងដំណើរការ កសាងសេចក្តីព្រាងច្បាប់ស្តីពីសិទ្ធទទួល ព័ត៌មាន។
លោកជំទាវ ទី បូរ៉ាស៊ី មានប្រសាសន៍លើកឡើងថា យ៉ាងហោច ក្នុង១ឆ្នាំម្តង គណៈកម្មការទី ៥ ព្រឹទ្ធសភា តែមកជួបថ្នាក់ដឹកនាំក្រសួងព័ត៌មាន ដើម្បីទទួល បានព័ត៌មានថ្មីៗ ហើយក៏ជាការបន្តកិច្ចសហការល្អជាមួយគ្នា ទើបរាល់កិច្ច ការងារសម្រេចបានជោគជ័យ។ លោកជំទាវ ក៏បានដ្លែងការអរគុណដល់ក្រសួង ព័ត៌មាន ដែលតែងតែផ្តល់ជារបាយការណ៏ច្បាស់លាស់ ជារៀងរាល់ខែដល់ គណៈកម្មការទី ៥ ព្រឹទ្ធសភា ហើយនៅពេលមានចំណុចខ្វះចន្លោះអ្វីមួយ គឺធ្វើ ការទំនាក់ទំនងជាមួយគ្នា ដើម្បីបំពេញបន្ថែមបានល្អទៅមុខទៀត។
បន្ទាប់ពីថ្នាក់ដឹកនាំ ទាំង ៥ អគ្គនាយកដ្ឋាន តាំង៥ចំណុះអោយក្រសួង ព័ត៌មាន ជម្រាបជូនពីដំណើរការងារសំខាន់ៗ ដែលបានអនុវត្តន៏សម្រេចបាន ក្នុងរយះពេលកន្លងមក រួចមក ឯ ឧ រដ្ឋមន្ត្រី ខៀវ កាញារីទ្ធ មានប្រសាសន៍ បញ្ជាក់ជូនពី ដំណើរការងាររួមដែល ក្រសួងព័ត៌មាន ខិតខំបំពេញ និងសម្រេច បានយ៉ាងច្រើន ក្នុងរយះពេលជាបន្តបន្ទាប់មកនេះ ពិសេសលើវិស័យព័ត៌មាន និងសោតទស្សន៏ ។
ទាក់ទងទៅនិងខ្លឹមសារសំខាន់នៃជំនួបសវនាការ រវាង ឯ ឧ រដ្ឋមន្ត្រី ខៀវ កាញារីទ្ធ និង លោកជំទាវ ទី បូរ៉ាស៊ី ប្រធានគណៈកម្មការទី ៥ នៃ ព្រឹទ្ធសភា នាឱកាសនេះ ឯ ឧ មាស សុភ័ណ្ឌ អនុរដ្ឋលេខាធិការ និងជាអ្នកនាំពាក្យ ក្រសួងព័ត៌មាន បានធ្វើការបញ្ជាក់បន្ថែមថា+++សំលេងដើម+++មាននៅក្នុងវីដេអូ៕
អត្ថបទ និង រូបថត ៖ ក្រសួងព័ត៌មាន
