នៅវេលាម៉ោង ២០និង៣០នាទី ថ្ងៃទី១៣ ខែកុម្ភៈ ឆ្នាំ២០១៩ កំលាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្ត ដឹកនាំដោយលោកវរសេនីយ៏ឯក អ៊ុ សាអាត នាយការិយាល័យប្រឆាំងបទល្មើសគ្រឿងញៀន ចូលរួមសហការជាមួយកំលាំងនៃការិយាល័យចរាចរណ៏ផ្លូវគោក និងកំលាំងការិយាល័យការពារ និងអន្តរាគមន៏ បានចុះបង្ក្រាបករណីរក្សាទុកជួញដូរ និងចាត់ចែងឲ្យប្រើប្រាស់ដោយខុសច្បាប់នូវសារធាតុញៀន នៅចំនុចនៅភូមិសាលាកន្សែង សង្កាត់ស្វាយដង្គំ ក្រុងខេត្តសៀមរាប ។
លោកវរសេនីយ៏ឯក អ៊ុ សាអាត បានឲ្យដឹងថា ក្នុងកិច្ចប្រតិបត្តិការណ៍បង្ក្រាបនេះកម្លាំងសមត្ថកិច្ចបានឃាត់ខ្លួនជនសង្ស័យចំនួន០៤នាក់ ដែលជាប់ពាក់ព័ន្ធនឹងករណីគ្រឿងញៀន ៖គឺ ទី១. ឈ្មោះ កេន សុខចាម ភេទប្រុសឆ្នាំ
កំណើត២០០០ មុខរបរសិស្ស មានទីលំនៅភូមិក្រចាប់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ ជាប់ពាក់ព័ន្ធនឹងករណីរក្សាទុកជួញដូរ និងចាត់ចែង ហើយមានសារធាតុញៀនក្នុងខ្លួន , ទី២.ឈ្មោះ អ៉ី ហ៉ី ភេទប្រុស ឆ្នាំកំណើត ២០០៣ មុខរបរគ្មាន មានទីលំនៅភូមិថ្នល់បែក ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ជាប់ពាក់ព័ន្ធនឹងករណីចាត់ចែង និងប្រើប្រាស់ ហើយមានសារធាតុ ញៀនក្នុងខ្លួន ។
ទី៣. ឈ្មោះ វ៉ា សុខលីម ភេទប្រុស ឆ្នាំកំណើត១៩៩៩ មុខរបរគ្មាន មានទីលំនៅភូមិព្រៃតាហ៊ូ ឃុំព្រៃតាហ៊ូ ក្រុងស្ទឹងសែន ខេត្តកំពង់ធំ ជាប់ពាក់ព័ន្ធនឹងករណីចាត់ចែង និងប្រើប្រាស់ ហើយមានសារធាតុញៀនក្នុងខ្លួន ,និងទី៤. ឈ្មោះ ពិន សុផា ភេទប្រុស ឆ្នាំកំណើត១៩៩៨ មុខរបរគ្មាន មានទីលំនៅភូមិត្រពាំងចំបក់ ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ជាប់ពាក់ព័ន្ធនឹងករណីចាត់ចែង និងប្រើប្រាស់ ហើយមានសារធាតុញៀនក្នុងខ្លួន ។
ព័ត៌មានជាតិ ថ្មីៗ
សូមបញ្ជាក់ថា ក្នុងប្រតិបត្តិការនេះ សមត្ថកិច្ចបានដកហូតវត្ថុតាងមួយចំនួនរួមមាន ៖ ម្សៅមេតំហ្វេតាមីនប្រភេទទឹកកក ចំនួន០៥កញ្ចប់ ស្មើនឹងទំងន់១,៧ក្រាម (ទាំងសំបក) ឧបករណ៍ប្រើប្រាស់គ្រឿងញៀនមួយចំនួន- ទូរស័ព្ទដៃ ចំនួន០៤គ្រឿង និងបានបញ្ចូនខ្លួនជនសង្ស័យទាំង០៤នាក់ ទៅកាន់សាលាដំបូងខេត្ត ដើម្បីចាត់ការតាមនីតិវិធីបន្ត។
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ អ៊ុន ណារាជ្យ
