សមត្ថកិច្ចនគរបាលខេត្តសៀមរាប បានឲ្យដឹងថា ជនសង្ស័យចំនួន០២នាក់ ដែលជាប់ពាក់ព័ន្ធនឹងករណីគ្រឿងញៀន គឺ ទី១.ឈ្មោះ ហៀន យឺត ភេទប្រុស ឆ្នាំកំណើត១៩៨៩ មុខរបរគ្មានទីលំនៅភូមិកំពង់ថ្កូវ ឃុំកំពង់ថ្កូវ ស្រុកក្រឡាញ់ ខេត្តសៀមរាប ជាប់ពាក់ព័ន្ធនឹងករណី រក្សាទុកជួញដូរនិងចាត់ចែង ហើយមានសារធាតុ ញៀនក្នុងខ្លួន , ទី២. ឈ្មោះ យន់ មុនីរៈ ភេទប្រុសឆ្នាំកំណើត១៩៩៣ មុខរបរគ្មានទីលំនៅភូមិក្រឡាញ់ ឃុំក្រឡាញ់ ស្រុកក្រឡាញ់ ខេត្តសៀមរាប ជាប់ពាក់ព័ន្ធនឹងករណីរក្សាទុកជួញដូរ ប្រើប្រាស់ និងមានសារធាតុញៀនក្នុងខ្លួន។
សមត្ថកិច្ចនគរបាលខេត្តសៀមរាប បានឲ្យដឹងទៀតថា ជនសង្ស័យទាំង០២នាក់នេះ ត្រូវសមត្ថកិច្ចឃាត់ខ្លួនបាន ក្នុងប្រតិបត្តិការមួយរបស់កំលាំងការិយាល័យប្រឆាំងគ្រឿងញៀន បានចូលរួមសហការជាមួយកំលាំងការិយាល័យចរាចរណ៏ផ្លូវគោក និងកំលាំងការិយាល័យការពារ និងអន្តរាគមន៏ ដែលបានចុះបង្ក្រាបករណីរក្សាទុកជួញដូរ និងចាត់ចែងឲ្យប្រើប្រាស់ដោយខុសច្បាប់នូវសារធាតុញៀន នៅលំនៅដ្ឋានស្ថិតនៅភូមិ មណ្ឌល២ សង្កាត់ស្វាយដង្គំ ក្រុងខេត្តសៀមរាប កាលវេលាម៉ោង២២ និង៣០នាទីនាថ្ងៃទី១២ ខែកុម្ភៈ ឆ្នាំ២០១៩ ម្សិលមិញនេះ។
សូមបញ្ជាក់ថា ក្នុងប្រតិបត្តិការនេះ សមត្ថកិច្ចបានដកហូតវត្ថុតាងបានមួយចំនួនរួមមាន៖ ម្សៅមេតំហ្វេ តាមីនប្រភេទទឹកកក ចំនួន០៣កញ្ចប់ ស្មើនឹងទំងន់១១,៤ក្រាម(ទំងន់សុទ្ធ) សម្ភារៈវេចខ្ចប់គ្រឿងញៀនមួយចំនួន- ទូរស័ព្ទដៃចំនួន ០៣គ្រឿង មិងបានបញ្ចូនខ្លួនជនសង្ស័យទាំងពីអ្នកទៅសាលាដំបូង ដើម្បីចាត់ការតាមនីតិវិធីបន្ត។
ព័ត៌មានជាតិ ថ្មីៗ
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ អ៊ុន ណារាជ្យ
