មនុស្សតែម្នាក់គត់ដែលនៅរស់រានមានជីវិត នៃការវាយប្រហារភេរវកម្ម នៅទីក្រុងប៉ារីស ឆ្នាំ ២០១៥ បាននិយាយ អាចជាការធ្វើដោយ ទាហានរបស់ក្រុមឧទ្ទាម Daesh ។ នេះបើតាមសារព័ត៌មាន BFMTV នៅថ្ងៃពុធ។
សវនាការដ៏សំខាន់ បានចាប់ផ្តើមនៅក្នុងតុលាការ ឧក្រិដ្ឋកម្មពិសេសមួយ នៅទីក្រុងប៉ារីស នៅព្រឹកថ្ងៃ ក្នុងចំណោមមនុស្ស ២០ នាក់ ដែលត្រូវបានចោទប្រកាន់ ពីបទជាប់ពាក់ព័ន្ធ ក្នុងការវាយប្រហារ ភេរវកម្មជាបន្តបន្ទាប់ នៅក្នុងខែវិច្ឆិកាឆ្នាំ ២០១៥ , មនុស្សចំនួន ១៤ នាក់ រួមទាំងលោក Salah Abdeslam នឹងត្រូវបង្ហាញខ្លួន នៅតុលាការ ខណៈ ៦ នាក់ទៀត នឹងត្រូវជំនុំជម្រះ ដោយកំបាំងមុខ។
Abdeslam អាយុ ៣១ ឆ្នាំ ដែលជាកូនប្រុស របស់ជនអន្តោប្រវេសន៍ម៉ារ៉ុក គឺត្រូវបានស្តីបន្ទោស ចំពោះការដឹកភេរវករចំនួន ២នាក់ ដែលបំផ្ទុះខ្សែក្រវ៉ាត់គ្រាប់បែក នៅស្តាត Stade de France ។ គាត់ត្រូវបានគេរាយការណ៍ថា នឹងត្រូវសួរដេញដោលជាច្រើនដង ក្នុងអំឡុងពេលសវនាការ ដែលត្រូវបានគេរំពឹងថា នឹងមានរយៈពេល ៩ ខែ៕
