នៅព្រឹកថ្ងៃទី ១៦ ខែកញ្ញា ឆ្នាំ ២០២១ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានទទួលជួប និងទទួលអំណោយ ទឹកថ្នាំបន្តក់ភ្នែក អ៊ីសូទិន ពីឧកញ៉ា ផាសុកបណ្ឌិត គាង សេង នាយកក្រុមហ៊ុន KEANG SENG SIMON និងជាសមាជិកសភាពាណិជ្ជកម្មរាជធានីភ្នំពេញ។
លោកប្រធានក្រុមហ៊ុន បានជម្រាបជូនថា ការដែលលោកយកទឹកបន្តក់ភ្នែក អ៊ីសូទិន មកជូនដល់ ឯកឧត្តមរដ្ឋមន្រ្តីក្រសួងព័ត៌មាននាឱកាសនេះ គឺដើម្បីបញ្ជាក់ជូន ពីផលិតផលពិតជាទឹកថ្នាំបន្តក់ភ្នែក ផលិតក្នុងប្រទេសឥណ្ឌា ដែលអាចជួយព្យាបាលជម្ងឺបាយភ្នែក ជម្ងឺកន្ទុយថ្លែនភ្នែក ជម្ងឺទឹកដក់ក្នុងភ្នែក ជម្ងឺក្រហមភ្នែក ជម្ងឺស្ងួតភ្នែក អាឡែកស៊ី ជម្ងឺរលាកបាតភ្នែក ភ្នែកម្ហូបដោយកុំព្យូទ័រ ឬទូរទស្សន៍ ការងងឹតដោយជម្ងឺទឹកនោមផ្អែម ការងងឹតពណ៌ ការងងឹតពេលជរា ការងងឹតរ៉េទីនភ្នែក ជាដើម។ល។ និងបង្កើនការមើលឃើញទាំងជិត និងឆ្ងាយ។ អ៊ីសូទីន ផលិតឡើងដោយ លោកសាស្ត្រាចារ្យបណ្ឌិត បា ស៊ូ អ្នកប្រាជ្ញជំនាញខាងកែវភ្នែក របស់ប្រទេសឥណ្ឌា តាំងពីឆ្នាំ១៩៨៨មកម្លេះ។ សម្រាប់ទីផ្សារក្នុងប្រទេសកម្ពុជា ក្រុមហ៊ុន KEANG SENG SIMON បាននាំចូលមកលក់រយះពេល១២ ឆ្នាំមកហើយ ដោយក្នុង ១ប្រអប់ មាន ៦ដប តំលៃ ៦០ដុល្លា ដែលជាតំលៃតាំងពីដើមរហូតមក។
ឆ្លៀតក្នុងឱកាសនោះដែរ ឧកញ៉ាផាសុកបណ្ឌិត គាង សេង បានជម្រាបជូនថា ដោយសារមានភាពល្បីនៃ ថ្នាំបន្តក់ភ្នែក អ៊ីសូទីន ជាផលិតផលរបស់ក្រុមហ៊ុន JAGAT PHARMA ប្រទេសឥណ្ឌានេះ ទើបមានអ្នករកស៊ីខ្លះ បានលួចធ្វើជាផលិតផលក្លែងក្លាយ យកមកលក់ក្នុងទីផ្សារកម្ពុជា ដែលធ្វើប៉ះពាល់សុខភាពអ្នកប្រើប្រាស់។
ព័ត៌មានជាតិ ថ្មីៗ
ឯកឧត្តម រដ្ឋមន្រ្តី ខៀវ កាញារីទ្ធ បានសំដែងនូវការអរគុណចំពោះ ឧកញ៉ា ផាសុកបណ្ឌិត គាង សេង នាយកក្រុមហ៊ុន KEANG SENG SIMON ដែលបានផ្តល់ជូននៅទឹកថ្នាំបន្តក់ភ្នែក ចំនួន ៩០ដប ដែលមានគុណភាពល្អ ជាផលិតផលមានប្រភពច្បាស់លាស់ និងទទួលស្គាល់ពីក្រសួងសុខាភិបាល។ ដូច្នេះហើយជាទំនុកចិត្តក្នុងការប្រើប្រាស់ អ៊ីសូទីន នេះ។
តមកនៅព្រឹកថ្ងៃដដែលនេះ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន បានទទួលជួប លោកស្រី បូ រ៉ានិច នាយិកាក្រុមហ៊ុន BN EVENTS និង Advertising ដោយក្នុងឱកាសនោះ លោកស្រី បានគោរពស្នើសុំការគាំទ្រ និងជួយផ្សព្វផ្សាយពីសកម្មភាពការងាររបស់ក្រុមហ៊ុន ដែលបានធ្វើកន្លងមក និងបន្តធ្វើ ក្រោយពេលជំងឺកូវីដ-១៩ បានធូរស្បើយទៅវិញ។
លោកស្រី បូ រ៉ានិច បានជម្រាបជូនថា ក្រុមហ៊ុន BN ផ្តោតលើការងារផ្នែកពិធីការ ដោយទទួលរៀបចំកម្មវីធីផ្សេងៗ ដូចជារៀបចំកម្មវិធី និងគ្រប់គ្រងពិធី អាពាហ៍ពិពាហ៍ ពិធីសម្ពោធផលិតផល ឬសេវាកម្មគ្រប់ប្រភេទ ពិធីបើកការសម្ពោធក្រុមហ៊ុន/អគារ/ហាង រៀបចំកញ្ចប់សេវាកម្មខួបកំណើត/ឡើងគេហដ្ឋាន/ពិធីភ្ជាប់ពាក្យ ព្រីនប៊ែនន័រ ស្ទីកគ័រ ពិធីសិក្ខាសាលា ជប់លៀង បុគ្គលិកក្រុមហ៊ុន រៀបចំប្រព័ន្ធភ្លើង ក្រុមភ្លេង និងតារាចម្រៀងល្បីៗ រៀបចំការប្រគុំតន្ត្រី ខនសឺត (Concert) តូចធំគ្រប់ប្រភេទ និងក្រុមម៉ូឌែលប្រុសស្រីល្បីៗ រួមទាំងសម្រាប់កញ្ចប់អាពាហ៍ពិពាហ៍ផងដែរ។
ឯកឧត្តម រដ្ឋមន្រ្តី ខៀវ កាញារីទ្ធ បានសំដែងនូវការគាំទ្រ ចំពោះសកម្ម ភាពការងាររបស់ក្រុមហ៊ុន BN EVENTSនិង Advertising និងជួយផ្សព្វផ្សាយ អោយសាធារណជនបានដឹង និងមានតម្រូវការអោយក្រុមហ៊ុនជួយរៀបចំកម្មវិធី អោយបានកាន់តែច្រេីន នៅពេលវិប្បត្តិកូវីដ-១៩ មានសភាពថមថយ ទៅវិញ ក្នុងពេលខាងមុខឆាប់ៗនេះ៕
