នៅល្ងាចថ្ងៃទី១៧ ខែកុម្ភៈឆ្នាំ ២០១៩ កម្លាំងនគរបាលគ្រឿងញៀនខេត្តសៀមរាប បានបញ្ចូនខ្លួនជនសង្ស័យចំនួន ០៥នាក់ ជាប់់ពាក់ព័ន្ធកណីគ្រឿងញៀនទៅសាលាដំបូងខេត្ត ។
ជនសង្ស័យទាំង ០៥នាក់រួមមាន៖ ទី១.ឈ្មោះ ហេង វណ្ណា ភេទប្រុស ឆ្នាំកំណើត ២០០២ មុខរបរគ្មាន មានទីលំនៅភូមិ បន្ទាយចាស់ សង្កាត់ ស្លក្រាម ក្រុង ខេត្តសៀមរាប ជាប់ពាក់ព័ន្ធករណីរក្សាទុក ជួញដូរ ហើយមានសារធាតុញៀនក្នុងខ្លួន, ទី២. ឈ្មោះ ម៉ិច បូរិន ភេទប្រុស ឆ្នាំកំណើត ១៩៩៧ មុខរបរគ្មាន មានទីលំនៅភូមិ បឹងដូនប៉ា សង្កាត់ស្លក្រាម ក្រុងខេត្តសៀមរាប ជាប់ពាក់ព័ន្ធករណីជួញដូរ និងប្រើប្រាស់ ហើយមានសារធាតុ ញៀនក្នុងខ្លួន , ទី៣ .ឈ្មោះ ហេង សុខវៀត ភេទប្រុស ឆ្នាំកំណើត១៩៩៩មុខរបរគ្មានទីលំនៅ ភូមិដកពោធិ៏ សង្កាត់ស្លក្រាម ក្រុងខេត្តសៀមរាប ជាប់ពាក់ព័ន្ធករណី ប្រើប្រាស់ និងមានសារធាតុញៀនក្នុងខ្លួន , ទី៤. ឈ្មោះ ឈឿន ដារ៉ាដេវីត ភេទប្រុស ឆ្នាំកំណើត២០០២ មុខរបរកម្មករលើកបន្លែ មានទីលំនៅភូមិ បុស្សក្រឡាញ់ សង្កាត់ជ្រាវ ក្រុង ខេត្តសៀមរាប ជាប់ពាក់ព័ន្ធករណី រក្សាទុក និងជួញដូរ ហើយមានសារធាតុញៀនក្នុងខ្លួន និង ទី៥. ឈ្មោះ ព្រុច គារ ភេទប្រុស ឆ្នាំកំណើត១៩៨៧ មុខរបរគ្មានទីលំនៅភូមិ បន្ទាយចាស់ សង្កាត់ស្លក្រាម ក្រុងខេត្តសៀមរាប ជាប់ពាក់ព័ន្ធករណីចាត់ចែង និងប្រើប្រាស់ ហើយមានសារធាតុញៀនក្នុងខ្លួន ។
ជនសង្ស័យទាំង ០៥នាក់ ត្រូវបានកំលាំងការិយាល័យប្រឆាំងគ្រឿងញៀន ចូលរួមសហការជាមួយកំលាំងនគរបាលនៃអធិការដ្ឋានក្រុងសៀមរាបឃាត់ខ្លួនបានកាលពី ថ្ងៃទី ១៦ ខែកុម្ភៈ ឆ្នាំ២០១៩ នៅចំនុចភូមិ ខ្នារ សង្កាត់ជ្រាវ និងភូមិ ដកពោធិ៍ សង្កាត់ស្លក្រាម ក្រុងខេត្តសៀមរាប។
ព័ត៌មានជាតិ ថ្មីៗ
សូមបញ្ជាក់ថា ក្នុងប្រតិបត្តិការណ៍នេះកម្លាំងនគរបាលបានដកហូតវត្ថុតាងរួមមាន៖ ម្សៅមេតំហ្វេតាមីនចំនួន០៨កញ្ចប់ ទំងន់៣,១ក្រាម (ទំងន់សុទ្ធ)ទូរស័ព្ទដៃចំនួន០៤គ្រឿង និងម៉ូតូចំនួន០១គ្រឿង និងបានបញ្ចូនខ្លួនជនសង្ស័យទាំង ០៥នាក់ ទៅសាលាដំបូងខេត្តកាលពីថ្ងៃទី ១៧ ខែកុម្ភៈល្ងាចម្សិលមិញនេះ ដើម្បីចាត់ការតាមនីតិវិធីជាបន្ត ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ អ៊ុន ណារាជ្យ
