ខណៈដែលខេត្ដសៀមរាប បាននឹងកំពុងមានរីករាលដាលនូវជំងឺកូវីដ-១៩ កាន់តែធ្ងន់ធ្ងរពីមួយថ្ងៃទៅមួយថ្ងៃ គួរឱ្យព្រួយបារម្ភនោះ គម្រោងបើកគ្រិះស្ថានសិក្សាឡើងវិញ ទាំងរដ្ឋ និងទាំងឯកនៅខេត្ដនេះ ត្រូវបានអាជ្ញាធរពន្យាពេលគ្មានពេលកំណត់។
លោក លី ប៊ុណ្ណា ប្រធានមន្ទីរអប់រំ យុវជន និងកីឡាខេត្ដសៀមរាប បានឱ្យដឹងនៅថ្ងៃទី២២ ខែកញ្ញា ឆ្នាំ២០២១នេះថា ការពន្យាពេលគម្រោងបើកសាលារៀនឡើងវិញនៅខេត្ដនេះ ដោយសារជំងឺកូវីដ-១៩នេះ បាននឹងកំពុងរីករាលដាលយ៉ាងធ្ងន់ធ្ងរ ដោយបារម្ភខ្លាចមានហានីភ័យដល់សិស្សានុសិស្ស។ លោកបន្ដថា លោកបានប្រជុំពិភាក្សាការងារជួយក្រុមការងារ នៃមន្ទីរអប់រំ និតាមការិយាល័យ ដើម្បីពិភាក្សា និងឱ្យមានការវាយតម្លៃពីរដ្ឋបាលតាមបណ្ដាក្រុងស្រុក ដើម្បីដាក់សំណើរសុំបើកសាលារៀនឡើវិញក្នុតំបន់ដែលមានហានីភ័យទាប តាមការណែនាំរបស់ក្រសួងអប់រំយុវជន និងកីឡាកន្លងមក ដែលមកដល់ពេលនេះលោកថា ត្រូវបានអាជ្ញាធរមិនទាន់កំណត់ពេលវេលាច្បាស់លាស់នៅឡើយទេ ដោយរងចាំនាពេលក្រោយទៀត ព្រោះមានផលប៉ះពាល់ពីជំងឺកូវីដ-១៩ មានការកើនឡើង និងមានការប្រែប្រួលស្ថានភាពតំបន់ហានីភ័យ ត្រូវការពិនិត្យឡើងវិញនិងធ្វើបច្ចុប្បន្នភាព។
គម្រោងបើកគ្រឹះស្ថានសិក្សាសាធារណៈ និងឯកជនឡើងវិញ នៅក្នុងខេត្ដសៀមរាប មានប្រមាណ៤០០កន្លែង និងសាលាឯកជនប្រមាណ៥០កន្លែង ដែលស្មើប្រមាណ៦០ភាគរយ នៃចំនួនសាលារៀនសរុប។ សាលាររៀនដែលអនុញ្ញាតឱ្យបើកដំណើរនោះ គឺសាលាររៀនដែលប្រឈមហានីភ័យទាប នៃការឆ្លងជំងឺកូវីដ១៩ ព្រោះសិស្សានុសិស្សមានការប្រឈមក្នុងការសិក្សា។
ព័ត៌មានជាតិ ថ្មីៗ
សូមបញ្ជាក់ថា ខេត្ដសៀមរាប ត្រូវបានរកឃើញថា មានការឆ្លងជំងឺកូវីដ-១៩ យ៉ាងគំហ៊ក់ក្នុងមួយរយៈពេលចុងក្រោយនេះ បណ្ដាលឱ្យក្រុងសៀមរាប ត្រូវបានបិទមិនចេញចូលជាបណ្ដោះអាសន្ន និងសង្កាត់ទាំង១២ នៃក្រុងសៀមរាប ត្រូវបានកំណត់ជាតំបន់ក្រហម និងតំបន់លឿងផងដែរ។ ក្រោយមានការកំណត់នូវតំបន់មានគ្រោះថ្នាក់ដោយសារជំងឺកូវីដ-១៩នេះ ក្រុងទេសចរណ៍មួយនេះ មានសភាពស្ងប់ស្ងាត់ គ្មានមនុស្សធ្វើដំណើរ តូបលក់ដូរស្ទើរទាំងអស់ត្រូវបានបិទទ្វារបណ្ដោះអាសន្នផងដែរ៕
អត្ថបទ និង រូបភាព៖ លោក ឈិត សាវី
