នៅព្រឹកថ្ងៃទី០១ ខែតុលា ឆ្នាំ២០២១ ឯកឧត្តម រដ្ឋមន្រី្ត ខៀវ កាញារីទ្ធ បានអញ្ជើញទៅពិនិត្យមើលដំណើរការងារផ្សព្វផ្សាយ នៅអគ្គនាយកដ្ឋានទូរទស្សន៍ជាតិកម្ពុជា។
នៅក្នុងឱកាសនោះ ឯកឧត្តម ឃឹម វុទ្ធី អគ្គនាយកទូរទស្សន៍ជាតិកម្ពុជា បានជម្រាបជូនពីការងារសំខាន់ៗមួយចំនួន ដែលទូរទស្សន៍ជាតិបាននឹងកំពុងធ្វើ គម្រោងធ្វើទៅពេលបន្តបន្ទាប់ខាងមុខទៀត រួមទាំងការងារកែលំម្អរ ជួសជុលអគារ បំពាក់បរិក្ខា សំភារៈផ្សាយថ្មីៗមួយចំនួនទៀត ដើម្បីធានាអោយការផ្សាយបានកាន់តែល្អប្រសើរបន្ថែមទៀត។
នៅក្នុងពេលចូលទៅពិនិត្យ និងទស្សនាសកម្មភាពការថតកម្មវិធី ស្បៃរាត្រី នៅក្នុងស្ទីតយោលេខ១ ទូរទស្សន៏ជាតិកម្ពុជា ឯកឧត្តម រដ្ឋមន្រ្តី ខៀវ កាញារីទ្ធ បានជួយឧបត្តម្ភ នូវថវិកាសម្រាប់កាត់សម្លៀកបំពាក់ ក្រុមតន្រ្តីករ ទាំងអស់ផងដែរ។ ឆ្លៀតក្នុងឱកាសនោះដែរ ក្រុមតន្រ្តីករទាំងអស់បានសំដែងនូវការអរគុណយ៉ាងជ្រាលជ្រៅ ចំពោះឯកឧត្តម រដ្ឋមន្រី ខៀវ កាញារីទ្ធ ដែលជានិច្ចកាលតែងបានគាំទ្រដល់សិល្បករ និងតន្រ្តីករ ដោយក្នុងនោះបានជួយទិញសំភារៈលេងមួយកំប្លេរសម្រាប់វង្សតន្រ្តីសម័យ។
បន្ទាប់ពីបានពិនិត្យការងាររួមនៅក្នុងអគ្គនាយកដ្ឋានទូរទស្សន៏ជាតិកម្ពុជា រួចមក ឯកឧត្តម រដ្ឋមន្រ្តី ខៀវ កាញារីទ្ធ បានជម្រុញលើកទឹកចិត្តដល់ថ្នាក់ដឹកនាំ មន្រ្តីរាជការគ្រប់លំដាប់ថ្នាក់ បន្តសហការសាមគ្គីគ្នាបំពេញកិច្ចការងារផ្សព្វផ្សាយបានកាន់តែល្អ និងស៊ីជម្រៅបន្ថែមទៀត ជាពិសេសត្រូវបន្តការអនុវត្តន៏ នូវវិធានការសុខាភិបាល និងប្រមុខរាជរដ្ឋាភិបាល ៣កុំ និង៣ការពារ៕
#ទូរទស្សន៍ជាតិកម្ពុជា
