នៅព្រឹកថ្ងៃទី១៩ ខែតុលា ឆ្នាំ២០២១ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន បានទទួលជួបពិភាក្សាការងារ និងទទួលអំណោយជា ភេសជ្ជៈ B’lue ចំនួន ១០កេស និងម៉ាសមិនជ្រាបទឹក ចំនួន ១០កេស ពីលោក ខូវ ឆាយ អគ្គនាយកក្រុមហ៊ុន B’lue Cambodia ទុកសម្រាប់ចែកជូនដល់មន្រ្តីរាជការ ក្រសួងព័ត៌មានប្រើប្រាស់ប្រចាំថ្ងៃ។
លោក ខូវ ឆាយ បានជម្រាបជូនថា ម៉ាស់ចំនួន ១០កេស ស្មើនិង ៣.៦០០ម៉ាស់ គឺក្រុមហ៊ុន B’lue Cambodia ទទួលបានពីសហរដ្ឋអាមេរិក ដែលមានគុណភាពល្អ ប្រើប្រាស់បានច្រើនដង អា បោកទឹកសម្អាតបាន។ ហើយចំពោះទឹកវីតាមីន ជំនួយសុខភាព B’lue គឺក្រុមហ៊ុន នាំយកមកពីប្រទេសថៃ លក់ក្នុងផ្សារទំនើបៗ ប្រទេសកម្ពុជា មានគុណភាពជំនួយដល់សុខភាព ពិសេសសម្រាប់អ្នកលេង និងហាត់កីឡា ពិសា មានសុខភាពល្អ អាចជួយពង្រឹងភាព ប្រពន្ធ័ផ្សាំក្នុងរាងកាយ យ៉ាងល្អ។ ក្រុមហ៊ុន B’lue Cambodia បាននាំចូលផ្តាច់មុខនូវផលិតផលភេសជ្ជៈ ប្លូ និង ប្លូជេលី ពីប្រទេសថៃ មកលក់ក្នុងទីផ្សារប្រទេសកម្ពុជា ទើបតែក្នុងឆ្នាំ២០២១ នេះទេ ដោយសារភេសជ្ជៈ ទាំង ២ប្រភេទនេះ មានភាពល្បីនៅក្នុងប្រទេសថៃ។
ក្នុងឱកាសនោះ ឯកឧត្តម រដ្ឋមន្រ្តី ខៀវ កាញារីទ្ធ បានសំដែងការអរគុណ ចំពោះលោក ខូវ ឆាយ អគ្គនាយកក្រុមហ៊ុន B’lue Cambodia ដែលបានផ្តល់នូវអំណោយជូនដល់ក្រសួងព័ត៌មានទុកសម្រាប់ប្រើប្រាស់នាពេលនេះ។ ឯកឧត្តម រដ្ឋមន្រ្តី បានជម្រាបជូនថា អំណោយជាម៉ាស់ គឺមន្ត្រីក្រសួងព័ត៌មាន ពិសេសក្រុមព័ត៌មាន និងក្រុមផលិតបទយកការណ៏ ឯកសារផ្សេងៗ ត្រូវការប្រើប្រាស់ជាប្រចាំថ្ងៃ ដោយសារជួបសំភាសន៌ និងយកព័ត៌មាន។ ឯកឧត្តម រដ្ឋមន្រ្តី ជូនពរអោយក្រុមហ៊ុន B’lue Cambodia ទទួលបានជោគជ័យក្នុងមុខរបរ រកស៊ីមានការគាំទ្រច្រើនពីអតិថិជន៕
អត្តបទនិងរូបភាព៖ទូរទស្សន៍ជាតិកម្ពុជា
