យោធាអ៊ីស្រាអែលបាននិយាយថា កងកម្លាំងអាកាសប្រទេសចំនួន៨ បានចាប់ផ្តើមធ្វើសមយុទ្ធប្រយុទ្ធតាមអាកាស « Blue Flag » អន្តរជាតិកាលពីថ្ងៃអាទិត្យ។ នេះបើតាមសារព៧ត៌មានចិនស៊ីនហួរ ដកស្រង់ចេញផ្សាយដោយទីភ្នាក់ងារសារព័ត៌មានកម្ពុចា AKP នៅថ្ងៃចន្ទម្សិលមិញ។
អ្នកនាំពាក្យយោធាអ៊ីស្រាអែលម្នាក់បាននិយាយនៅក្នុងសេចក្តីថ្លែងការណ៍មួយថា សមយុទ្ធប្រចាំ ឆ្នាំនេះ កំពុងធ្វើឡើងនៅឯមូលដ្ឋានកងកម្លាំងអាកាស Ovda ក្នុងប្រទេសអ៊ីស្រាអែលភាគខាងត្បូង ដោយមានការចូលរួមដោយកងកម្លាំងអាកាសមកពី ស.រ.អា , អាល្លឺម៉ង់ , អ៊ីតាលី , អង់គ្លេស , បារាំង , ឥណ្ឌា និង ក្រិក ។
យោធាអ៊ីស្រាអែលបាននិយាយថា សមយុទ្ធរយៈពេល១២ថ្ងៃនេះ នឹងធ្វើឱ្យដូចគ្នាការប្រយុទ្ធពីអាកាសទៅអាកាស និងពីអាកាសទៅដី , ការគំរាមកំហែងដោយមីស៊ីលពីដីទៅអាកាសដែលទំនើបនិងសេណារីយ៉ូ ប្រតិបត្តិការផ្សេងៗ នៅក្នុងទឹកដីសត្រូវ ។
សេចក្តីថ្លែងការណ៍នោះបាននិយាយថា គោលបំណងគឺ ដើម្បីពង្រឹងកិច្ចសហប្រតិបត្តិការអន្តរជាតិជាយុទ្ធសាស្ត្រតាមរយៈការរៀនសូត្រ ដែលបានចែករំលែកគ្នាអំពីការធ្វើសមាហរណកម្មយន្តហោះជំនាន់ទី៤ និងទី៥ នៅក្នុងសេណារីយ៉ូ ប្រតិបត្តិការដែលស្មុគស្មាញជាមួយការផ្តោតមួយទៅលើសមត្ថភាព ប្រតិបត្តិការដែលរីកធំ នឹងដែលធ្វើឱ្យប្រសើរឡើង ។
សេចក្តីថ្លែងការណ៍នោះបាននិយាយបន្ថែមថា សមយុទ្ធនេះនឹងផ្តល់ឱកាសមួយដើម្បីធ្វើការហោះ ហើរកលយុទ្ធរួមគ្នាប្រឆាំងនឹងការគំរាមកំហែងផ្សេងៗ ដោយប្រើប្រាស់បច្ចេកវិទ្យាទំនើប ៕
