តាមការបញ្ជាក់របស់លោកវរៈសេនីយ៏ឯក ផេង ពេជ្រ នាយការិយាល័យវិទ្យាសាស្ត្របច្ចេកទេស នៃស្នងការដ្ឋាននគរបាលខេត្ត បានឲ្យដឹងថា កាលពីវេលាម៉ោង១៨ និង១៨នាទី ថ្ងៃទី១៩ ខែកុម្ភៈ ឆ្នាំ២០១៩ មានជនបរទេសម្នាក់ស្លាប់នៅក្នុងផ្ទះជួលមួយកន្លែង ស្ថិតនៅភូមិ សាលាកំរើក សង្កាត់ សាលាកំរើក ក្រុងខេត្តសៀមរាប មានឈ្មោះ OBILTSCHNI GFRANZ ភេទប្រុស កើតថ្ងៃទី១២ ខែមិថុនា ឆ្នាំ១៩៥០ ជនជាតិអូទ្រីស កាន់លិខិតឆ្លងដែនលេខU៣៣៣៦៧៨១ ទិដ្ឋាការស្នាក់នៅប្រភេទទេសចរណ៍ បានចូលមកព្រះរាជាណាចក្រកម្ពុជាកាលពីថ្ងៃទី១២ ខែកុម្ភៈ ឆ្នាំ២០១៩ តាមច្រកព្រលានយន្តនោះអន្តរជាតិសៀមរាប ហើយបានស្នាក់នៅផ្ទះជួលកើតហេតុខាងលើ។
តាមការពិនិត្យ និងធ្វើកោសល្យវិច័យរបស់លោកវេជ្ជបណ្ឌិត អ៊ិត ឆបឆរ័ត្ន គ្រូពេទ្យអមតុលាការខេត្ត ឃើញថាពុំមានស្លាកស្នាមអ្វីគួរឲ្យកត់សម្គាល់ពាក់ព័ន្ធទៅនឹងឃាតកម្មឡើយ ហើយលោកវេជ្ជបណ្ឌិតបានសន្និដ្ឋានថា ៖ជនរងគ្រោះស្លាប់ដោយសារសំពាធឈាមឡើងគំហុកបណ្តាលឲ្យដាច់សរសៃឈាមខួរក្បាល។ចំណែកសាកសពជនរងគ្រោះត្រូវបានបញ្ជូនទៅតម្កល់ទុកបណ្តោះអាសន្ននៅមន្ទីរពេទ្យមិត្តភាពខ្មែរសូវៀតរាជធានីភ្នំពេញ ដើម្បីរង់ចាំក្រុមគ្រួសារមកទទួលយក។
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ អ៊ុន ណារាជ្យ
