នៅថ្ងៃទី១៩ ខែកុម្ភៈ ឆ្នាំ២០១៩ កំលាំងការិយាល័យប្រឆាំងគ្រឿងញៀន បានសហការជាមួយកំលាំអធិការនគរបាលក្រុងសៀមរាប កម្លាំងនគរបាលចរាចរណ៍ និងកម្លាំងនគរបាលអន្តរាគមន៍នៃស្នងការដ្ឋាននគរបាលខេត្ត បានចុះបង្ក្រាបករណី រក្សាទុក ជួញដូរ និងចាត់ចែងឲ្យប្រើប្រាស់ដោយខុសច្បាប់នូវសារធាតុញៀន ចំនួន០៣កន្លែង ស្ថិតនៅភូមិស្ទឹងថ្មី ភូមិមណ្ឌល២ និងភូមិសាលាកន្សែង សង្កាត់ស្វាយដង្គំ ក្រុងខេត្តសៀមរាប ដោយបានឃាត់ខ្លួនជនសង្ស័យចំនួន១៦នាក់ ក្នុងនោះស្រីចំនួន០២នាក់។
ក្នុងកិច្ចប្រតិបត្តិការបង្ក្រាបនេះ កម្លាំងនគរបាលជំនាញបានដកហូតវត្ថុតាងបានមួយចំនួនរួមមាន ៖ ម្សៅមេតំហ្វេតាមីនប្រភេទទឹកកក ចំនួន១១កញ្ចប់ ស្មើនឹងទំងន់២,៤ក្រាម(ទាំងសំបក) , ទូរស័ព្ទដៃចំនួន១៥គ្រឿង, ឧបករណ៍ប្រើប្រាស់គ្រឿងញៀន និងសំភារៈវេចខ្ចប់គ្រឿងញៀនមួយចំនួន។
ក្នុងករណីនេះដែរ កម្លាំងនគរបាលជំនាញបានបញ្ជូនខ្លួនជនសង្ស័យទាំង១៦នាក់នេះ ទៅសាលាដំបូងខេត្ត កាលពីថ្ងៃទី ២០ ខែកុម្ភៈ ឆ្នាំ២០១៩ ម្សិលមិញ ដើម្បីចាត់ការទៅតាមនីតិវិធីច្បាប់។
ព័ត៌មានជាតិ ថ្មីៗ
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ អ៊ុន ណារាជ្យ
