តាមការឲ្យដឹងពីលោកវរសេនីយ៏ឯក ម៉ាន់ សុខាត់ អធិការនគរបាលស្រុកអង្គរជុំបានឲ្យដឹងថា នៅវេលាម៉ោង១៩ និង០០នាទី ថ្ងៃទី ១៩ ខែកុម្ភះឆ្នាំ ២០១៩ មានករណីឃាតកម្មមួយ បណ្ដលឲ្យបុរសម្នាក់បានស្លាប់ភ្លាមៗនឹងកន្លែង នៅចំនុចភូមិគោកត្របែក ឃុំ គោកដូង ស្រុក អង្គរជុំ ខេត្ត សៀមរាប។
ជនរងគ្រោះមានឈ្មោះ ផន ប្រេម ភេទប្រុស អាយុ៨៥ឆ្នាំ រស់នៅភូមិឃុំកើតហេតុខាងលើ។ ចំនែកជនសង្ស័យមានឈ្មោះ សាន ចិក ភេទប្រុស អាយុ ៦៥ ឆ្នាំ(ត្រូវជាកូនប្រសារ) បច្ចុប្បន្នស្នាក់នៅជាមួយគ្នា មានស្រុកកំណើតនៅភូមិ ខ្ជាយ ឃុំ សរសរស្ដម្ភ ស្រុកពួក ខេត្ត សៀមរាប មានប្រពន្ធឈ្មោះ សែន អាក់ អាយុ៣៨ឆ្នាំ មានទីលំនៅក្នុងភូមិឃុំកើតហេតុខាងលើ។
លោកវរសេនីយ៏ឯក បានឲ្យដឹងទៀតថា មូលហេតុដែលបណ្តាឲ្យការកាប់សម្លាប់នេះ គឺនៅវេលាម៉ោង១៨ និង៤០នាទី ថ្ងៃទី ១៩ ខែកុម្ភៈ ឆ្នាំ២០១៩ ជនសង្ស័យខាងលើបានទាស់គ្នាជាមួយប្រពន្ធដោយសារការប្រច័ណ្ឌ ហើយក៏បានប្រកែកគ្នាជាមួយប្រពន្ធ នឹងបានចាប់ប្រពន្ធដាក់ក្នុងផ្ទះបិទទ្វាជិត។ ពេលនោះជនរងគ្រោះត្រូវជាឳពុកក្មេក ក៏បានស្ដីបន្ទោសទៅជនសង្ស័យ ស្រាប់តែជនសង្ស័យបានទាញកាំបិតខ្វែវកាប់លើជនរងគ្រោះចំនួន០៣ខ្វែវ ចំក្បាលផ្នែកខាងឆ្វេងមួយខ្វែវ ចំផ្នែកខាងមុខមួយខ្វែវ និង កាប់ចំស្មាខាងស្ដាំមួយខ្វែវទៀត បណ្ដាលឲ្យជនរងគ្រោះដួលស្លាប់ភ្លាមៗនៅនឹងកន្លែងកើតហេតុ ហើយជនសង្ស័យក៏បានរត់គេចខ្លួនទៅទិសខាងត្បូង ឈៀងខាងកើតបាត់ទៅ។
ក្នងករណីនេះកម្លាំងសមត្ថកិច្ចនគរបាល កំពុងស្រាវជ្រាវស៊ើបអង្កេតបន្ត ដើម្បីនាំខ្លួនមកកាត់ទោសទោតាមផ្លូវច្បាប់
និងបានប្រគលសពជនរងគ្រោះឲ្យក្រុមគ្រួសារ យកទៅធ្វើបុណ្យតាមប្រពៃណី ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ អ៊ុន ណារាជ្យ
