នៅក្នុងឱកាសអញ្ជើញចូលជួបសំដែងការគួរសម ជាមួយឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន នៅព្រឹកថ្ងៃទី៤ ខែវិច្ឆិកា ឆ្នាំ២O២១ លោក លី សុខឆាយ អគ្គនាយកក្រុមហ៊ុន អចលនទ្រព្យ LSCG REAL ESTATE នៅកម្ពុជា បានជម្រាបជូនពីគោលបំណងមួយចំនួនដែលក្រុមហ៊ុន គឺចង់ជួយ ដល់និសិ្សតកម្ពុជាខាងផ្នែក អាស៊ីទិក តាមរយ:ការផ្តល់ជាអាហារូបករណ៏ បានទៅ សិក្សានៅក្រៅប្រទេស។
ដូច្នេះសម្រាប់ឱកាសនេះ ក្រុមហ៊ុន LSCG REAL ESTATE មានការចុះ ហត្ថលេខាជាមួយ ក្រុម AGENT21 GLOBAL សហការជាមួយ Master Club ក្នុងការផ្តល់អាហារូបករណ៏និស្សិតកម្ពុជា នៅសាលារចនាផ្នែកអាស៊ីតិច ដែលមានជំនាញគូរគំនូសប្លង់គ្រប់ប្រភេទមានជាអគារ ខុនដូ សណ្ឋាគារ អាផាតមេន ការរចនាអគារនានា អោយមានសោភណ្ឌភាពស្រស់ស្អាត។ សម្រាប់អាហាររូបករណ៏ ដែលក្រុមហ៊ុនមាន គឺអាចអោយនិស្សិតបានទៅសិក្សាបន្ត ដូចជានៅសហរដ្ឋអាមេរិក ជប៉ុន ចិន និងប្រទេសថៃ។ កិច្ចការងារទាំងនេះ គឺដោយសារក្រុមហ៊ុ បានពិនិត្យឃើញថា កូនខ្មែរបច្ចុប្បន្នមានឆ្លាតវ៉ៃក្នុងវិស័យនេះច្រើន ដូចនេះហើយទើបក្រុមហ៊ុនទាំងពីរ បានចាប់ដៃគ្នាសហការជាមួយសាលារចនា ក្នុងការជ្រើសនិសិ្សតដែលមានសមត្ថភាព និងទេពកោសល្យខ្ពស់ជាងគេ គឺក្រុមហ៊ុនជាអាហារូបករណ៏បានទៅសិក្សានៅក្រៅប្រទេសដោយឥតបង់ថ្លៃ ដើម្បីទទួលបានចំណេះ និងជំនាញថ្មីៗបន្ថែមទៀត មកចូលរួមធ្វើការអភិវឌ្ឍប្រទេសជាតិវិញ ដែលកំពុងមានការរីកចំរើនលើវិស័យអចលនទ្រព្យ សំណង់អាគារនានាជាច្រីន បានកំពុងដំណើរការសាងសង់ ។
ឯកឧត្តម រដ្ឋមន្រ្តី ខៀវ កាញារីទ្ធ បានសំដែងនូវការរីករាយ ដោយបានឃើញក្រុមហ៊ុន LSCG REAL ESTATE និង ក្រុម AGENT21 GLOBAL សហការគ្នា ជួយដល់និស្សិតកម្ពុជា អោយបានទៅសិក្សានៅក្រៅប្រទេស តាមរយៈអាហារូបករណ៏ ក្នុងផ្នែកអាស៊ីតិចនេះ អោយមានជំនាញកាន់តែច្បាស់លាស់បន្ថែមទៀត ព្រោះយុវជន គឺជាទំពាំងស្នងឬស្សីនៃប្រទេសជាតិ នៅពេលដែលមានចំណេះដឹង និងជំនាញពិតប្រាកដសម្រាប់ចូលរួមអភិវឌ្ឍប្រទេសជាតិ បានកាន់តែរីកចំរើនបន្ថែមទៅមុខទៀត។
ព័ត៌មានជាតិ ថ្មីៗ
នៅក្នុងកាសនោះដែរ លោក អោម សេងបូរ៉ា ស្ថាបនិក CEO Master Club បានជូនសៀវភៅចំនួន ១០០ច្បាប់ មានចំណងជើងថា “ពង្រឹងគុណភាព ភាពជាមនុស្សជោគជ័យ និងភាពជាអ្នកដឹកនាំ” ចំណេះដឹងខ្មែរ ដើម្បីពិភពលោក ដល់ក្រសួងព័ត៌មាន ដើម្បីទុកជាការស្រាវជ្រាវដល់យុវជនឯទៀត៕
អត្តបទនិងរូបភាព៖ទូរទស្សន៍ជាតិកម្ពុជា
