ដោយឡែកនៅរសៀលថ្ងៃដដែលនេះដែរ ឯ ឧ រដ្ឋមន្ត្រី ខៀវ កាញារីទ្ធ បានទទួលជួបពិភ្សាការងារជាមួយ លោកស្រី វ៉ាង គួយស៊ារ អគ្គនាយិកា ក្រុមហ៊ុន ផ្កាយរណប ចុងយ៉ាងកុងគូ នៃប្រទេសចិន ។
តាមរយ:ការពិភាក្សាការងារនេះ លោកស្រី អគ្គនាយិកា ក្រុមហ៊ុន បានបញ្ជាក់ ពីគោលបំណងចង់ធ្វើកិច្ចសហការជាមួយ ក្រសួងព័ត៌មានកម្ពុជា ទាក់ទងទៅការ បង្ហោះប្រព័ន្ធផ្កាយរណប ព្រោះបើតាមការដឹងរបស់ លោកស្រី គឺប្រទេសកម្ពុជា គ្រោងធ្វើការបង្ហោះផ្កាយរណប នៅពេលខាងមុខ ដូច្នេះ ក្រុមហ៊ុន ចុងយ៉ាងកុងគូ នៃប្រទេសចិន ចង់មកធ្វើការសហការ ជួយក្នុងកិច្ច ការងារនេះ ព្រោះក្រុមហ៊ុន លោកស្រី មានជំនាញច្បាស់លាស់ ក្នុងការផលិត និងបង្ហោះផ្តាយរណប បានដោយជោគជ័យ ។
ទាក់ទងទៅនិងកិច្ចការងារនេះ ឯ ឧ រដ្ឋមន្ត្រី ខៀវ កាញារីទ្ធ បានបញ្ជាក់ថា កម្ពុជា គឺមានគម្រោងក្នុងការ បង្ហោះផ្កាយរណប ពិតប្រាកដមែន សម្រាប់បំរើ ដល់វិស័យយោធា និង ស៊ីវិល តែគម្រោងនេះស្ថិតក្នុងដំណើរការពិភាក្សាគ្នាផ្ទៃ ក្នុង ដោយមិនទាន់មានកិច្ចសហការជាមួយក្រុមហ៊ុន ផ្កាយរណប បរទេសណា មួយនៅឡើយនោះទេ ។ ទន្ទឹមជាមួយគ្នានេះដែរ ខាងវិស័យ ឯកជន ក៏គេមាន គម្រោងបង្ហោះផ្កាយរណប មួយ ដែរ ដែលបំរើដល់វិស័យ បច្ចេកវិទ្យាព័ត៌មាន វិទ្យា និងប្រព័ន្ធទូរសព្ទ័។
ឯ ឧ រដ្ឋមន្ត្រី បានជម្រាបជូនដែរថា ក្រសួងព័ត៌មាន បច្ចុប្បន្ន ធ្វើការផ្សព្វផ្សាយ តាមប្រព័ន្ធ រលកធាតុ អាកាស ពីអង់តែនមួយ ទៅអង់តែនមួយ ផ្សាយតាម ប្រព័ន្ធខ្សែកាបអុបទិច និង ខ្សែរត់លើដី ហើយក៏មានការ ផ្សាយតាមប្រព័ន្ធផ្កាយ រណបផងដែរ តែជួលពីក្រុមហ៊ុន THAI COM ។ តែទោះ ជាយ៉ាងណា ឯ ឧ បញ្ជាក់ថា នៅពេលខាងមុខ ប្រទេសកម្ពុជា ត្រូវតែមានការ ផ្កាយរណប សម្រាប់ប្រើប្រាស់ ដោយខ្លួនឯង ដោយមិនជួលពី គេទៀតនោះទេ ដើម្បីទទួលទន្និន័យ ធំៗ ពិសេសទៀតនោះ គឺ រក្សាឯករាជ្យភាព នៃប្រព័ន្ធផ្សព្វផ្សាយនៅកម្ពុជា ។
បើតាមការបញ្ជាក់របស់ ក្រុមហ៊ុន ផ្កាយរណប ចុងយ៉ាងកុងគូ នៃ ប្រទេសចិន ដំណើរការនៃការផលិត ផ្កាយរណបមានរយះពេល ២ ឆ្នាំ ហើយ ការបង្ហោះ និងធ្វើ តេស្ត សាកល្បង រយះពេល ១ ឆ្នាំ ទើបអាចដំណើរការ ប្រើប្រាស់ផ្កាយរណប មួយបាន៕
អត្ថបទ និងរូបភាព: ក្រសួងព័ត៌មាន
