អ្នកទេសចរជាតិ និងអន្ដរជាតិទៅទស្សនានៅតាមរណីយដ្ឋាននានាក្នុងខេត្ដសៀមរាប នៃព្រះរាជពិធីបុណ្យអុំទូក អកអំបុក និងសំពះព្រះខែ ក្នុងរយៈពេល២ថ្ងៃ មានចំនួនជាង ៦ម៉ឺនាក់ ដែលក្នុងនោះអ្នកទេសចរអន្ដរជាតិជិត ១ម៉ឺនាក់។ បន្ទាប់ពីការបើកទេសចរណ៍ពេញលេញកន្លងមកនេះ បានធ្វើឱ្យប្រជាពលរដ្ឋខ្មែរ ក៍ដូចជាមគ្គុទេសក៍ទេសចរណ៍ បានសម្ដែងការសប្បាយចិត្ដ និងសំដែងក្ដីរំភើប ដោយពួកគាត់លើកឡើងថា ការបើកទេសចរនេះ នឹងធ្វើឱ្យសេដ្ឋកិច្ចប្រជាពលរដ្ឋមានជីវិតរស់ឡើង ក្រោយពេលមានផលវិបាកជិត ២ឆ្នាំកន្លងមក ដោយសារជំងឺកូវីដ-១៩។
តាមរបាយការណ៍របស់មន្ទីរទេសចរណ៍ខេត្ដសៀមរាប បានឱ្យដឹងនៅថ្ងៃទី២០ ខែវិច្ឆិកា ឆ្នាំ២០២១នេះ ក្នុតរយៈពេល ២ថ្ងៃ គឺចាប់ពីថ្ងៃទី១៨ ដល់ថ្ងៃទី១៩ ខែវិច្ឆិកានេះនេះ មានអ្នកទេសចរជាតិមានចំនួនប្រមាណ ៦២,០០០នាក់ (មកពីតាមបណ្តាខេត្តមានប្រមាណពី ៧០ ទៅ ៨០ភាគរយ) ក្នុងនោះភ្ញៀវទេសចរណ៍ជាលក្ខណៈគ្រួសារ ដែលចូលទស្សនានៅរមណីយដ្ឋានអង្គរ មានចំនួនប្រមាណជា ៤០,០០០នាក់ ,រមណីយដ្ឋានឧទ្យានជាតិភ្នំគូលែន មានចំនួប្រមាណ ៧,៧០០នាក់ ,សហគមន៍ទេសចរណ៍-អេកូទេសចរណ៍ និងតំបន់ផ្សេងៗ មានចំនួនប្រមាណជា ១៤,៣០០នាក់។ ជាមួយគ្នានោះសម្រាប់ភ្ញៀវទេសចរបរទេសផ្ទៃក្នុង មានចំនួន ៩៦២នាក់ផងដែរ។
បើតាមមគ្គុទេសទេសចរណ៍ពីររូបបានលើកឡើងថា ពួកគាត់បានត្រៀមខ្លួនជាស្រេច ដើម្បីទទួលទេសចរមកកាន់ខេត្ដសៀមរាប។ ពួកគាត់ក៍បានថ្លែងអំណរគុណ ដល់រាជរដ្ឋាភិបាលកម្ពុជាផងដែរ ដែលបានយកចិត្ដទុក្ខលើបើកទូលាយឱ្យទេសចរអន្ដរជាតិ និងអ្នកដំណើរដែលបានចាក់វ៉ាក់សាំងកូវីដ-១៩ ពេញលេញចូល ក្នុងប្រទេសកម្ពុជា ហើយមានក្ដីរំពឹងថា វិស័យសសេដ្ឋកិច្ចផ្នែកទេសចរណ៍ នឹងមានជីវិតរស់ឡើងវិញនាពេលដ៍ខ្លីខាងមុខនេះ៕
អត្ថបទ និង រូបភាព៖ លោក ឈិត សាវី
