យោងតាមរបាយការណ៍ របស់មន្ទីរទេសចរណ៍ខេត្តសៀមរាប បានឲ្យដឹងថា នៅថ្ងៃអាទិត្យ ទី២១ ខែវិច្ឆិកានេះ បន្ទាប់ពីចប់ព្រះរាជពិធីបុណ្យអុំទូក បណ្ដែតប្រទីប អកអំបុក និងសំពះព្រះខែ មានភ្ញៀវទេសចរជាតិ និងអន្តរជាតិ មកទស្សនាកំសាន្ត ក្នុងខេត្តសៀមរាប មានចំនួន ២៣,០៧៣នាក់ ភាគច្រើនធ្វើដំណើរកម្សាន្តជាលក្ខណ:គ្រួសារ ក្នុងនោះ៖
- ភ្ញៀវជាតិ មានប្រមាណ ២៣,០០០នាក់ ក្នុងនោះភ្ញៀវទេសចរមកពីតាមបណ្ដាខេត្តមានប្រមាណពី ២៥ ទៅ៣០ភាគរយ ប្រហែលជា ៦,០០០-៧,០០០នាក់ ដោយរួមមាន៖
– រមណីយដ្ឋានអង្គរ មានចំនួនប្រមាណ ១៤,០០០នាក់
– រមណីយដ្ឋានឧទ្យានជាតិភ្នំគូលែន មានចំនួប្រមាណ ២,៧០០នាក់
– សហគមន៍ទេសចរណ៍-អេកូទេសចរណ៍ និងតំបន់់ផ្សេងៗ មានចំនួនប្រមាណ ៦,៣០០នាក់ ។ - សម្រាបភ្ញៀវទេសចរបរទេសផ្ទៃក្នុង មានចំនួន ៧៣នាក់។
សូមជម្រាបជូនដែរថា សម្រាប់រយ:ពេល ៤ថ្ងៃ គិតចាប់ពីថ្ងៃទី១៨ ដល់២១ ខែ វិច្ឆិកា ឆ្នាំ២០២១ ខេត្តសៀមរាប មានភ្ញៀវទេសចរ មកដើរកម្សាន្តតាមរមណីយដ្ឋាននានាក្នុងខេត្តនេះ មានចំនួន ១៤១,២១៩នាក់ ក្នុងនោះ៖ ភ្ញៀវជាតិមានចំនួនប្រមាណ ១៤០,០០០នាក់ ដែលភ្ញៀវទេសចរមកពីតាមបណ្តាខេត្តនានា មានចំនួនប្រមាណ ៧០-៨០% ដែលជាតួលេខពី ១០០,០០០ ទៅ១១០,០០០នាក់ ពួកគាត់ធ្វើដំណើរកម្សាន្តទៅកាន់រមណីយដ្ឋានអង្គរ មានចំនួនច្រើនជាងគេ ប្រមាណជា ៩៣,០០០នាក់ បន្ទាប់មកសហគមន៍ទេសចរណ៍-អេកូទេសចរណ៍ និងតំបន់ផ្សេងៗ មានចំនួនប្រមាណជា ៣១,៦០០នាក់ និងរមណីយដ្ឋានឧទ្យានជាតិភ្នំគូលែនមានចំនួប្រមាណជា ១៥,៤០០នាក់ ដោយឡែកភ្ញៀវទេសចរបរទេសផ្ទៃក្នុង មានចំនួនសរុប ១,២១៩នាក់៕
ប្រភព និងរូបភាព៖ មន្ទីរទេសចរណ៍ខេត្តសៀមរាប
កែសម្រួល៖ លោក លីវ សុខុន
