នៅថ្ងៃទី២៩ ខែវិច្ឆិកា ឆ្នាំ២០២១ម្សិលមិញនេះ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន ទទួលជួបពិភាក្សាការងារ ទទួលអំណោយ និងផ្ដល់បទសម្ភាស៍ ជាមួយក្រុមហ៊ុន Mango Cultural Media ដែលជាសារព័ត៌មានរបស់ចិន ស្តីពី “វឌ្ឍនភាព និងសមទ្ធិផលផ្សេងៗ ដែលក្រសួងព័ត៌មានសម្រេចបាន ក្នុងអណត្តិទី៦ និងព័ត៌មានស្តីពីការប្រយុទ្ធប្រឆាំងនឹងការរីករាលដាលនៃជំងឺកូវីដ-១៩” ។
ក្នុងឱកាសនោះឯកឧត្តម រដ្ឋមន្រ្តី ខៀវ កាញារីទ្ធ បានសំដែងនូវការអរគុណ ចំពោះក្រុមហ៊ុន Mango Cultural Media ដែលបាននាំយកនូវ អាកុល ៤កាន ស្មើ ១២០លីត្រ ,ម៉ាស់ KN95 ២ពាន់ម៉ាស់ និងម៉ាស់ ក្រុមហ៊ុន PE ចំនួន ៧.៥០០ម៉ាស់ ទឹកបរិសុទ្ធ ៤០កេស និងមីចិនជួរហិល ចំនួន ៥០កេសស្មើ ៦០០កំប៉ុង យកមកជូនដល់ ក្រសួងព័ត៌មាន ដើម្បីទុកជូនមន្រ្តីរាជការប្រើប្រាស់ប្រចាំថ្ងៃក្នុងក្រសួង ពិសេសសម្រាប់មន្ត្រីព័ត៌មាន និងក្រុមផលិតកម្មវិធី ដែលតែងតែចេញយកព័ត៌មាន និងថតកម្មវិធី ផ្សេងៗប្រចាំថ្ងៃ ដែលត្រូវប្រើប្រាស់នូវម៉ាស់ និងអាកុលច្រើនជាងគេ។ ឆ្លៀតក្នុងឱកាសនោះ ឯកឧត្តម រដ្ឋមន្ត្រី បានជូនពរដល់ក្រុមហ៊ុន Mango Cultural Media និងក្រុមការងារទទួលបានជោគជ័យគ្រប់ភារកិច្ច និងប្រកបដោយសុខភាពល្អ។
តមកនៅថ្ងៃដដែលនេះដែរ ឯកឧត្តមរដ្ឋមន្ត្រី បានបន្តអញ្ជើញទៅពិនិត្យមើល សំភារ:ឧបករណ៍ ម៉ាស៊ីនផ្សាយដែលបំរើអោយការផ្សាយ ទូរទស្សន៍ជាតិកម្ពុជា ទទក២ ដែលត្រូវបំពាក់សំភារ:ថ្មីៗបន្ថែមទៀត ក្នុងនោះក៏មានការជួយគាំទ្រឧបត្តម្ភបន្ថែមជាបន្តបន្ទាប់ពី ឯកឧត្តមរដ្ឋមន្រ្តីផងដែរ។
ព័ត៌មានជាតិ ថ្មីៗ
តាមការបញ្ជាក់របស់ ឯកឧត្តម ឃឹម វុទ្ធី អគ្គនាយកទូរទស្សន៍ជាតិកម្ពុជា បានអោយដឹងថា ក្នុងរយ:ពេលកន្លងមកនេះ ទទក២ បានផ្សាយនូវកម្មវិធីអប់រំ កម្មវិធីនៃការបង្រៀន របស់ក្រសួងអប់រំយុវជន និងកីឡា ក្នុងពេលនៃការឆ្លងរីករាលនៃជំងឺកូវីដ-១៩ ដែលសិស្សានុសិស្សមិនអាចទៅសិក្សានៅសាលាបាន ដោយសិក្សានៅផ្ទះតាមរយ:ការបង្រៀន ផ្សាយនៅប៉ុស្តីទូរទស្សន៏ជាតិ ទទក២ ។ សម្រាប់ឱកាសនេះ បន្ទប់ផ្សាយរបស់ ទទក២ ត្រូវបានធ្វើបច្ចុប្បន្នភាព ដើម្បីធ្វើអោយការផ្សាយបានកាន់តែល្អ សម្រាប់កម្មវិធីថ្មីៗជាច្រើនទៀតត្រូវដាក់ បញ្ជូលនៅក្នុងការផ្សាយរបស់ប៉ុស្តី ទទក២ ក្រៅពីកម្មវិធីអប់រំ៕
ប្រភព៖ ទូរទស្សន៍ជាតិកម្ពុជា
