នៅថ្ងៃទី២៥ខែកុម្ភៈឆ្នាំ២០១៩ ស្របពេលដែលវត្តប្រាសាទគោកចកស្ថិតក្នុងក្រុងសៀមរាប ខេត្តសៀមរាប រៀបចំឆ្លងពិធីទេសនាព្រះមហាវេសន្តជាតក ឯកឧត្តម អ្នកឧកញ៉ា សៀង ណា តំណាងរាស្ត្រមណ្ឌលសៀមរាប ក៍បានអញ្ជើញចូលរួម អនុមោទនាចាប់មគ្គផល ដោយបានឧបត្ថម្ភបច្ច័យសម្រាប់រៀបពិធីទេសនានេះ ទៅដល់ព្រះចៅអធិការវត្ត ចំនួន៣០០ដុល្លារ។
ឆ្លៀតឱកាសនោះ ឯកឧត្តម សៀងណាំ បានអញ្ជើញទៅពិនិត្យសំណង់ នៃសាលាធម្មសភា នៃវត្តប្រាសាទគោកចកនេះ ដែលទើបដំណើរការចាក់គ្រឺះក្រោម និងបណ្តុះជើងសសរ ទើបតែសម្រេចបានជាង១០% ប៉ុណ្ណោះ និងសន្យាចូលរួមចាប់មគ្គផលក្នុងការចំណាយថ្លៃបេតុងប្លង់សេនៃសាលាធម្មសភា នេះផងដែរ។
ព្រះគ្រូ វិចិត្រវង្សា ញាតិធម្មោ ហែម គឹមសាន ចៅអធិការវត្តប្រសាទគោកចក មានថេរដិកាឱ្យដឹងថា៖សាលាធម្មសភានេះ មានទទឹង៣០ម៉ែត្រ និងបណ្តោយ៤០ម៉ែត្រ កំពស់មួយជាន់១៨ម៉ែត្រ គ្រោងចំណាយថវិកាសាងសង់ប្រមាណជា៣៥ម៉ឺនដុល្លារ ហើយគម្រោងនឹងបញ្ចប់នៅឆ្នាំ២០២១។
ថវិកាសម្រាប់ សាលាធម្មសភានេះបានបច្ច័យជាបន្តបន្ទាប់ពីទឹកចិត្តសប្បុរសធម៌ សទ្ឋាជ្រះថ្លា របស់ប្រជាពុទ្ឋបរិស័ទជិតឆ្ងាយ ជាពិសេសក្រោមការឧបត្ថម្ភរបស់ ឯកឧត្តម អ្នកឧកញ៉ា សៀង ណាំ ក្រោមការដឹកនាំកសាងពី ព្រះគ្រូវិចិត្រវង្សា ញាតិធម្មោ ហែម គឹមសាន ព្រះគ្រូចៅអធិការ និងបានការស្រុះស្រួលឯកភាពពីគណៈកម្មការអាចារ្យវត្តប្រាសាទគោកចកផងដែរ។
ព្រះអង្គបន្តថា៖គម្រោងបេតុងប្លង់សេ ធម្មសាលានេះ បើគិតជាមធ្យមជា១២០០ម៉ែត្រក្រឡាថ្លៃជាងនិងថ្លៃបេតុងគេគិតក្នុងមួយម៉ែត្រត្រីគុណ៦៨ដុល្លារ ឯកឧត្តម សៀង ណាំ រ៉ាប់រងនឹងចេញថ្លៃសម្រាប់បេតុងនេះ។
សូមជំរាបថា៖ វត្តប្រាសាទគោកចកបានបដិសន្ឋិឡើងនៅដើមទស្សវត្សទី៩០ ជាទីអារាមដ៍កំសត់មួយកាលពីអតីតកាល តែបច្ចុប្បន្នវត្តនេះ បាននឹងកំពុងប្រែក្លាយទៅជាទីអារាមដ៍គួរជាទីរីករាយសម្រាប់ប្រជាពុទ្ឋបរិស័ទ ព្រោះក្នុងវត្ត កំពុងតែរៀបចំហេដ្ឋារចនាសម្ពន្ឋ័កសាងកុដិ សាលាឆាន់ រៀបសួនច្បារ កសាងរបងវត្តនិងសាងទីសក្ការៈផ្សេងៗទៀតជាច្រើន ។វត្តមានហេដ្ឋារចានាសម្ព័ន្ឋជាច្រើនដែរហើយ តែនៅខ្វះសាលាធម្មសភា សម្រាប់ប្រជាពុទ្ឋបរិស័ទជិតឆ្ងាយធ្វើបុណ្យទាននានា ដោយហេតុថា សលាធម្មសភាឬសាលាឆាន់មុនរងនូវភាពចាស់ទ្រុឌទ្រោម និងតូចចង្អៀត ការសាងសង់នេះ គឺធ្វើឡើងសម្រាប់បំពេញសេចក្តីត្រូវការចាំបាច់ក្នុងទីអារាម ។
អត្ថបទ និង រូបថត : លោក យូ វង្ស
