ក្នុងឱកាសអញ្ជើញមកសំណេះសំណាល សាកសួរសុខទុក្ខ កុមារពិការ ភ្នែក កុមារ គថ្លង់ និងលោកគ្រូ អ្នកគ្រូ នៅក្នុងវិទ្យាល័យអប់រំពិសេសកំពង់ចាម ឯកឧត្តម ហោ ណាំហុង ឧបនាយករដ្ឋមន្ត្រី នៃព្រះរាជាណាចក្រកម្ពុជា និងលោក ជំទាវ បាននាំយកនូវ មូលនិធិ ហោ ណាំហុង បូរី ហោ មកផ្តល់ ការឧបត្តម ដល់ កុមារទាំងអស់ខាងលើនេះ ដែលកំពុងសិក្សារៀនសូត្រ និង ស្នាក់នៅក្នុងសាលា។
ពិធីនេះបានប្រារព្ធធ្វើ នៅព្រឹកថ្ងៃទី ២៤ ខែ កុម្ភះ ឆ្នាំ ២០១៩ នាបរិវេណ វិទ្យាល័យអប់រំពិសេសកំពង់ចាម ស្ថិតនៅទីរួមខេត្ត កំពង់ចាម ដោយ មានវត្តមានអញ្ជើញចូលរួមពីសំណាក់ ឯកឧត្តម ខៀវ កាញារីទ្ធ រដ្ឋមន្ត្រី ក្រសួង ព័ត៌មាន និងលោកជំទាវ ឯកឧត្តម គួច ចំរើន អភិបាល នៃគណៈអភិបាលខេត្ត កំពង់ចាម ឯកឧត្តម ខ្លួត ផន ប្រធានក្រុមប្រឹក្សា ខេត្តកំពង់ចាម ។
តាមរបាយការណ៏លើកឡើងរបស់ លោក កែវ ផល្លី នាយកវិទ្យាល័យអប់រំ ពិសេសកំពង់ចាម បានជម្រាបជូន ពីចំនួនសិស្សដែលបានសិក្សា ក្នុងសាលានេះ សរុប ១៦៥ នាក់ ស្រី ៦៨នាក់ ក្នុងនោះ សិស្ស ពិការភ្នែក ៦១ នាក់ សិស្ស គ ថ្លង់ ១០៤ នាក់ ។ បុគ្គលិក រួមជាមួយនាយក នាយករង លោកគ្រូ អ្នកគ្រូ ទាំងអស់ ៣៥ នាក់។ ចំពោះសកម្មភាពសិក្សា នៅក្នុងវិទ្យាល័យ មាន សិស្សរៀន ពីថ្នាក់បឋម ដល់វិទ្យាល័យ ហើយសម្រាប់សិស្សពិការភ្នែក ចំនួន ១២ ថ្នាក់ ចាប់ពីថ្នាក់ទី ១ ដល់ទី ១២ សិស្ស គ ថ្លង់ ១៣ ថ្នាក់ ចាប់ពីថ្នាក់ទី ១ ទាប ទី ១ ខ្ពស់ ដល់ទី ១២ ។ សាលាបានបង្រៀន ទៅតាមកម្មវិធីសិក្សា របស់ ក្រសួងអប់រំ យុវជន និងកីឡា ហើយក៏មានបង្រៀន កំព្យូទ័រ ភ្លេង របាំ និងបង្ហាត់ និយាយដល់ សិស្ស ។
ឯកឧត្តម ឧបនាយករដ្ឋមន្ត្រី ហោ ណាំហុង បានសម្ដែងនូវក្ដីអាណិតផង រំភើបផង ដែលបានមកជួបផ្ទាល់ចៅៗជាកុមារពិការភ្នែក និងគថ្លង់ នាវិទ្យាល័យអប់រំ ពិសេសកំពង់ចាម ហើយក៏បាននាំនូវថវិកា ជាមូលនិធិ ហោ ណាំហុង បូរី ហោ យកមកជូនដល់សាលា ដើម្បីទុកផ្តត់ផ្គង់ជីវភាព សិស្សានុសិស្ស និងប្រើប្រាស់ ជាផលប្រយោជន៏ក្នុងសាលា។
ឯកឧត្តម ឧបនាយករដ្ឋមន្ត្រី បានជម្រាបជូនពីការ ដែលបង្កើតអោយមានជាមូលនិធិ ហោ ណាំហុង បូរី ហោ នេះឡើង ដោយសារ កាលពីពេលកន្លងទៅ ឯកឧត្តម បានទៅ បុរីទារក និងកុមារជាតិ នៅភ្នំពេញ ហើយ បានជួបជាមួយ កុមារពិការ ដៃ ជើង និងពិការខួរក្បាល ចំនួន ១៤០ នាក់ ហើយ មានអ្នកមើលថែ ប្រមាណ ៨០ នាក់ រស់នៅមើលកុមារទាំងអស់នោះជាប់ជា ប្រចាំដោយគ្មាន ថ្ងៃឈប់សម្រាកនោះទេ ។ ដោយមើលឃើញពីការលំបាក និង ក្តីអាណិតចំពោះកុមារ ទាំងអស់នោះ ទើបបង្កើតជាមូលនិធិ ហោ ណាំហុង បូរី ហោ នេះឡើង ដោយប្រមូលបានថវិកា ពីក្រុមគ្រួសារ និងនណ្តាសប្បុរសជន នានា យកមកជួយដល់កុមារ ដែលកំពុងរស់នៅក្នុង បុរីទារក និងកុមារជាតិ ក្នុង ១ឆ្នាំ ថវិកា ៤៨០ លានរៀល ។
ទន្ទឹមជាមួយគ្នានេះដែរ កាលពីពេលថ្មីៗ កន្លងទៅ ឯកឧត្តម ឧបនាយករដ្ឋមន្ត្រី បានទៅមន្ទីរពេទ្យ គុន្ធបុប្ផា នៅ ភ្នំពេញ ហើយ បានជួបកុមារ ៥ នាក់ ផ្ទុកមេរោគអេដស៏ ត្រូវបាន ឱ ពុក ម្តាយ បោះ បង់ចោល ហើយ ឯកឧត្តម ក៏បានយកមកអោយរស់នៅក្នុង បុរី ទារក និងកុមារ ជាតិ នោះផង ដែរ ។ ដោយឡែកសម្រាប់ វិទ្យាល័យអប់រំពិសេសកំពង់ចាម នេះ មូលនិធិ ហោ ណាំហុង បុរី ហោ ក៏បានផ្តល់ជូន នូវថវិកា ចំនួន ៤៨០ លានរៀលដូចគ្នាដែរ ។ ដូច្នេះហើយ ឯកឧត្តម ហោ ណាំហុង បានបញ្ជាក់ថា ការ បង្កើតមូលនិធិនេះឡើង គឺដើម្បីជួយដល់ កុមារពិការ គ ថ្លង់ ដែលជាសកម្មភាព មនុស្សធម៏ ចូលរួម ចំណែកជាមួយរាជរដ្ឋាភិបាលកម្ពុជា ដែលមានសម្តេច តេជោ នាយករដ្ឋមន្ត្រី ហ៊ុន សែន ជាប្រមុខដឹកនាំ ដែលជានិច្ចកាលតែងតែបានយកចិត្ត ទុកដាក់ គិត គួរខ្ពស់ចំពោះសុខទុក្ខ និងជីវភាព រស់នៅរបស់បងប្អូនជនពិការ ទាំងអស់ ទាំង ចាស់ ទាំងក្មេង អោយមានតំលៃនិងសិទ្ធិសេរីភាព ដូចប្រជា ពលរដ្ឋ ទូទៅ នៅ ក្នុងសង្គមជាតិ។ ឯកឧត្តម ឧបនាយករដ្ឋមន្ត្រី បានបញ្ជាក់ដែរថា ជាជំហ៊ាន ទៅមុខ ទៀត មូលនិធិ ហោ ណាំហុង បូរី ហោ នឹងប្រមូលជាថវិកា យកទៅ ជួយ ដល់ កុមារ ពិការ ខ្សោយបញ្ញា នៅក្រុងតាខ្មៅ ខេត្តកណ្តាល នៅ ពេលខាងមុខ នេះ ទៀត។
នៅក្នុឱកាសនោះ ថ្នាក់ដឹកនាំ មន្ត្រី បុគ្គលិក លោកគ្រូ អ្នកគ្រូ សិស្សានុ សិស្សទាំងអស់ ក្នុងវិទ្យាលយ័អប់រំពិសេសកំពង់ចាម បានសំដែងនូវការអរគុណ យ៉ាងជ្រាលជ្រៅ ចំពោះ ឯកឧត្តម ឧបនាយករដ្ឋមន្ត្រី ហោ ណាំហុង និងលោកជំទាវ ដែលបានផ្តល់មូលនិធិ ហោ ណាំហុងបូរី ហោ ដល់សាលានាឱកាសនេះ ដើម្បី មានលទ្ធភាព ផ្គត់ផ្គង់ដល់ដំណើរការសិក្សា រៀនសូត្រ របស់សិស្ស ដែលជា កុមារ ពិការភ្នែក កុមារ គ ថ្លង់ កំពង់ចាម។
គួរបញ្ជាក់ដែរថា សម្រាប់សាលាកុមារ ពិការភ្នែក កុមារ គ ថ្លង់ ខេត្ត កំពង់ចាម ជានិច្ចកាលតែងតែ មានការជួយឧបត្តម្ភ គាំទ្រ ពីសំណាក់ សម្តេច តេជោ ហ៊ុន សែន និង សម្តេចកិត្តិ ព្រឹទ្ធបណ្ឌិត ប៊ុន រ៉ានី ហ៊ុន សែន ឯកឧត្តម រដ្ឋមន្ត្រី ខៀវ កាញារីទ្ធ និងលោកជំទាវ កាកបាទក្រហមកម្ពុជា សាខាកាកបាទក្រហម កម្ពុជាខេត្តកំពង់ចាម ក្រសួងអប់រំ និងកីឡា រួមទាំងសប្បុរសជន នានាជាច្រើន ទៀត ពិសេសក្នុងឱកាសនេះ ទទួលបានការគាំទ្រ និង ផ្តល់នូវថវិកា ជាច្រើនពី មូលនិធិ ហោ ណាំហុង បូរី ហោ រួមជាមួយការរៀបចំអាហារ ១ ពេល សម្រាប់ កុមារពិការភ្នែក និងកុមារ គ ថ្លង់ ទាំងអស់ក្នុងសាលានេះផងដែរ៕
អត្ថបទ និង រូបថត : ក្រសួងព័ត៌មាន
