រសៀលថ្ងៃទី២៧ ខែកុម្ភ: ឆ្នាំ២០១៩ នៅសាកលវិទ្យល័យ ហេងសំរិន ត្បូងឃ្មុំ បានធ្វើការបណ្តុះបណ្តាលកម្មវិធីសិក្សាអំពី សហគមន៍អាស៊ី និងការអភិវឌ្ឍន៍ធនធានមនុស្សតែមួយ នៃគម្រោង One Asia Foundation ដល់និស្សិតជាង២០០នាក់ ក្រោមអធិបតីភាព លោក ពិន វណ្ណារ៉ូ សកលវិទ្យាធិការ សាកលវិទ្យាល័យហេងសំរិន ត្បូងឃ្មុំ និងលោក Yoji Sato ជាជនជាតិជប៉ុន ដែលជាម្ចាស់ជំនួយនៅក្នុងកម្មវិធីសិក្សានេះ។
លោក Yoji Sato បានឲ្យដឹងថា វគ្គសិក្សានេះ មានការបណ្តុះបណ្តាលធនធានមនុស្សក្នុងតំបន់អាស៊ី ក៍ដូចជានៅអ៊ឺរ៉ុបផងដែរ ដោយផ្តោតសំខាន់លើការបណ្តុះបណ្តាលធនធានមនុស្ស ក្នុងសហគមន៍័អាស៊ីអោយទៅជាអាស៊ីតែមួយ ។
បើតាម លោក ពិន វណ្ណារ៉ូ ឲ្យដឹងដែរថា ក្រោយបញ្ចប់វគ្គសិក្សា និស្សិតនឹងដឹងពីអ្វីដែលខ្លួនត្រូវធ្វើ និងមិនត្រូវធ្វើ ទទួលបានចំណេះដឹងលើការអប់រំទូទៅ ពាក់ព័ន្ធសេដ្ឋកិច្ច ការផ្លាស់ប្តូរវប្បធម៍ពីប្រទេសមួយទៅប្រទេសមួយ បានពង្រឹង ពង្រីកបង្កើនសមត្ថភាព ពិសេសយល់ដឹងពីការងារក្នុងសង្គម នៃសហគមន៍អាស៊ីតែមួយ។
សូមបញ្ជាក់ថា៖ កម្មវិធីសិក្សានេះ ចាប់បើកដំណើរការនៅកាលពីថ្ងៃទី០៣ ខែកុម្ភៈ និងគ្រោងបញ្ចប់នៅ ខែឧសភា ឆ្នាំ២០១៩ ដែលមានរយៈពេល១៥សប្តាហ៍ មកដល់ពេលនេះកម្មវិធីសិក្សានេះ បង្រៀនបានចំនួន៤ប្រធានបទរួចមកហើយក្នុងចំណោម១៥ ប្រធានបទក្នុងនោះ
ប្រធានបទទី១ សិក្សាអំពី ទស្សនវិស័យនិងបញ្ហាប្រឈមនានាក្នុងការកសាងបណ្តាញគ្រប់គ្រងធនធានមនុស្សជាមួយសាកលវិទ្យាល័យនៅទ្វីបអាស៊ី
ទី២៖ ក្រមសីលធម៏ និងការអភិវឌ្ឍយុវជនដោយវិជ្ជមានក្នុងការផ្លាស់ប្តូរសហគមន៏
ទី៣៖ អ៊ិនធ័រណែត, វេបសាយ និង ពាណិជ្ជកម្មអេឡិចត្រូនិច
និងទី៤៖ ស្វែងរកសច្ចភាព បង្រៀនដោយលោក Yoji Sato ដោយផ្ទាល់ផងដែរ។
អត្ថបទ និង រូបថត ៖ មន្ទីរព័ត៌មានត្បូងឃ្មុំ
