នៅក្នុងបរិវេណវត្តស្រែក្រសាំង ស្ថិតនៅភូមិស្រែក្រសាំង ឃុំស្រែក្រសាំង ស្រុកសៀមបូក ខេត្តស្ទឹងត្រែងកាលពីល្ងាចថ្ងៃទី ២៧ ខែកុម្ភៈ ឆ្នាំ២០១៩ កន្លងមកថ្មីៗនេះ មានរៀបចំកម្មវិធី ផ្សព្វផ្សាយបច្ចេកទេសកសិកម្មថ្នាក់ស្រុករបស់គម្រោងផ្សព្វផ្សាយកសិកម្មថ្មីដែលធនទៅនឹងការប្រែប្រួលអាកាសធាតុ(ASPIRE) ជូនដល់ប្រជាពលរដ្ឋស្រុកសៀមបូក។
ការផ្សព្វផ្សាយនេះរៀបចំឡើងដោយមន្ទីរកសិកម្មរុក្ខាប្រមាញ់ និងនេសាទខេត្តស្ទឹងត្រែង ក្នុងគោលបំណងផ្សព្វផ្សាយដល់ប្រជាកសិករដែលមានដាំំណាំកសិកម្មបានយលដឹងអំពីរបច្ចេកទេសថ្មីៗក្នុងការដាំណាំកសិកម្មឲ្យទទួលបានទិន្នផលខ្ពស់ និងស្របតាមស្តង់ដាបច្ចេកទេសកសិកម្ម ព្រមទាំងបានអាចយល់ដឹងអំពីវិធីសាស្ត្រក្នុងរៀបចំដីសម្រាប់ដាំដុះដំណាំកសិកម្មតាមប្រភេទដាំណាំនីមួយៗ ព្រមទាំងធន់និងអាកាសធាតុ។
លោក លាង សេង ប្រធានមន្ទីរកសិកម្មរុក្ខាប្រមាញ់ និងនេសាទ ខេត្តស្ទឹងត្រែងបានឲ្យដឹងថា ការផ្សព្វផ្សាយអំពីបច្ចេកទេសកសិកម្មរបស់គម្រោងផ្សព្វផ្សាយកសិកម្មថ្មីដែលធនទៅនឹងការប្រែប្រួលអាកាសធាតុ(ASPIRE)ជូនប្រជាពលរដ្ឋនេះ គឺជាការរួមចំណែកផ្តល់នូវចំនេះដឹងថ្មីដល់ប្រជាពលរដ្ឋ ដើម្បីឲ្យពួកគាត់អាចយកនូវបច្ចេកទេសដែលគម្រោងបានផ្សព្វផ្សាយ យកទៅអនុវត្តនៅលើដាំណាំជាក់ស្តែងដែលពួកគាត់មាន។
លោកបន្ថែមថា វាមានអត្ថប្រយោជន៍ច្រើនដល់ប្រជាកសិករ ដែលគាត់មិនទាន់យល់ដឹងពីបច្ចេកទេស ព្រោះរាល់បច្ចេកដាំដំណាំ ការរៀបចំដីសម្រាប់ធ្វើកសិកម្ម ដែលបង្ហាញដល់ប្រជាបលរដ្ឋ គឺសុទ្ធតែជាបទពិសោធន៍ល្អៗដែលខាងអ្នកបច្ចេកទេសកសិកម្មធ្លាប់បានអនុវត្តកន្លងមក។ លោកប្រធានមន្ទីរបញ្ជាក់ថា ការផ្សព្វផ្សាយពីបច្ចេកទេសកសិកម្មថ្មីនេះ និងត្រូវធ្វើឡើងជាបន្តបន្ទាប់ជូនប្រជាកសិករក៏ដូចជាប្រជាពលរដ្ឋទូទាំងខេត្តស្ទឹងត្រែង ដើម្បីឲ្យវិស័យកសិកម្មក្នុងខេត្តកាន់តែមានភាពរីកចំរើន។
ក្នុងឱកាសអញ្ជើញជាអធិបតីភាពផ្សព្វផ្សាយបច្ចេកទេសកសិកម្មដល់ប្រជាពលរដ្ឋនេះដែរ ឯកឧត្តម ឡូយ សុផាត អ្នកតំណាងរាស្ត្រមណ្ឌលស្ទឹងត្រែង បានគូសបញ្ជាក់ការធ្ចើដំណាំកសិកម្មពិតជាអាចផ្តល់នូវជីវភាពល្អប្រសើយ៉ាងពិតប្រាកដ ដល់ប្រជាពលរដ្ឋ និងកសិករ ហើយរិតតែល្អថែមទៀតដែលប្រជាពលរដ្ឋអាចយលដឹងអំពីបច្ចេកទេសកសិកម្ម ព្រោះកាលណាយើងបានយលដឹងពីបច្ចេកទេស នោះយើងនិងរៀបចំដំណាំកសិកម្មស្របតាមបច្ចេកទេសត្រឹមត្រូវ និងទទួលបានទិន្នផលខ្ពស់ ព្រមទាំងទីផ្សារអាចទទួលយកបាន។
ឯកឧត្តមអ្នកតំណាងរាស្ត្រមណ្ឌលស្ទឹងត្រែងបានបន្ថែមថា ប្រជាពលរដ្ឋគួតែយកចិត្តទុកដាក់ឲ្យបានខ្ពស់បង្កបង្កើនផលក្នុងដីរបស់ខ្លួនឲ្យបានច្រើន ដើម្បីបានជាផលិតផលនាំចេញទៅទីផ្សារ ដោយបច្ចប្បន្ននេះ ទីផ្សារកសិកម្មនេះហើយកំពុងទទួលបានការយកចិត្តទុកដាក់ពីអាជ្ញាធរ និងមានតម្រូវនៅទីផ្សានានា។
ឯកឧត្តមបានគូសបញ្ជាក់ថា ប្រជាពលរដ្ឋភាគច្រើនក្នុងខេត្តស្ទឹងត្រែងជាកសិករដែលចូលចិត្តដាំដុះដំណាំផ្សេងៗ ហើយស្របជាមួយផ្ទៃដីតំបន់នេះអំណោយផលផងនោះទើបប្រជាពលរដ្ឋខេត្តមានការប្រែប្រួលផ្នែកជីវភាពពីលំបាក់មកមានជីវភាពល្អប្រសើរ ដោយមើលឃើញពីជីវភាពល្អប្រសើនេះហើយទើបឯកឧត្តម ចាត់ទុកថា (ដីគឺជាមាស ទឹកជាប្រាក់)។
គួបញ្ជាក់ផងដែរថា ចំពោះគម្រោងផ្សព្វផ្សាយបច្ចេកទេសកសិកម្មថ្មី ASPIRE នេះបានចាប់ផ្តើមអនុវត្តក្នុងស្រុកសៀមបូកចាប់តាំងពីឆ្នាំ២០១៧មកហើយ ដោយបានអនុវត្តលើឃុំគោលដៅចំនួន០៣ រួមមានឃុំស្រែក្រសាំង ឃុំសៀមអូម្រះ និងឃុំអូឬស្សីកណ្តាល ដោយមានសមាជិកចំនួនជាង៥០០នាក់ ក្នុងនោះមានក្រុមបណ្តុះដាំណាំម្នាស់ ដំណាំស្វាយចន្ទី ក្រុមចិញ្ជិមមាន់ ក្រុមដំណាំបន្លែ ក្រុមដាំណាំស្រូវសេរីរាង្គ ក្រុមដាំណាំក្រូច និងក្រុមទ្រទ្រងសហគមអភិវឌ្ឍន៍ដំណាំកសិកម្ម និងក្រុមអាជីវកម្ម។
អត្ថបទ និង រូបថត ៖ មន្ទីរព័ត៌មានស្ទឹងត្រែង
