ប្រជាពលរដ្ឋមួយចំនួនរស់នៅក្នុងខេត្ដសៀមរាប បានសម្ដែងការសប្បាយចិត្ដ និងសាទរចំពោះរាជរដ្ឋាភិបាល ដែលបានសម្រេចដកចេញនូវកាតព្វកិច្ចការពាក់ម៉ាស់ នៅតាមទីសាធារណៈ ដែលការសម្រេចនេះ គឺបានជួយលើកស្ទួយដល់ការចំណាយប្រចាំថ្ងៃនៅក្នុងគ្រួសារ។ ពួកគាត់លើកឡើងថា ការពាក់ម៉ាស គឺជាកតព្វកិច្ចសំខាន់របស់ប្រជាពលរដ្ឋក្នុងការការពារ និងថែរក្សាសុខភាព ដែលមានការឆ្លងពីជំងឺផ្សេងៗ និងការហុយចូលនូវធូរលីដីជាដើម ប៉ុន្ដែក៍មានផលលំបាក់ក្នុងការដកដង្ហើមដែរ។
ពួកគាត់បានបន្ដថា បើរាជរដ្ឋាភិបាលបានដកកតព្វកិច្ចនេះចេញវិញជាការល្អប្រសើរ ដែលអាចជួយឱ្យប្រជាពលរដ្ឋកាត់បន្ថយក្នុងការចំណាយថវិកាប្រចាំថ្ងៃ ក្នុងការទិញម៉ាស់ពាក់ដែរ ខណៈដែលសេដ្ឋកិច្ចគ្រួសាររបស់ពួកគាត់កំពុងងើបឡើងវិញបន្ដិចបន្ទួច។ ពួកគាត់បានសម្ដែងការសប្បាយចិត្ដ នៅពេលរដ្ឋាភិបាលបានលើកលែងពាក់ម៉ាស់ នៅតាមទីសាធារណៈ ព្រោះជំងឺកូវីដ-១៩ មិនសូវមានឆ្លងបន្ដទៀតនោះទេ ដោយសារប្រជាពលរដ្ឋ បានទទួលនូវវ៉ាក់សាំងប្រឆាំងជំងឺសាហាវនេះជាច្រើនដូសស្ទើរគ្រប់គ្នាទៅហើយ។ ពួកគាត់បានថ្លែងអំណរគុណចំពោះប្រមុខរាជរដ្ឋាភិបាល ជាពិសេសសម្ដេចតេជោ ហ៊ុន សែន នាយករដ្ឋមន្ដ្រី ក្នុងការផ្ដល់វ៉ាក់ដល់ប្រជាពលរដ្ឋដោយមិនគិតថ្លៃ។ ប៉ុន្ដែយ៉ាងនេះ ពួកគាត់លើកឡើងថា ការពាក់ម៉ាស់ក៍ជួយដល់សុខភាពផ្លូវដង្ហើមផងដែរ ហើយពួកគាត់ខ្លះ និងបន្ដចូលរួមបីកុំបីការពារ តាមគោលការណ៍ក្រសួងសុខាភិបាលដដែល។
សូមជម្រាប់ថា ការគាំទ្រ និងសាទរនេះ របសើបងប្អូនប្រជាពលរដ្ឋនេះ គឺធ្វើឡើងក្រោយពីប្រមុខរាជរដ្ឋាភិបាលកម្ពុជា បានសម្រេចដកចេញនូវវិធានការពាក់ម៉ាស់ នៅតាមទីសាធារណៈ លើកលែងតែនៅក្នុងបន្ទប់បិទជិត ឬនៅតាមរោងភាពយន្ដដែលមានម៉ាស៊ីនត្រជាក់ កាលពីនៅថ្ងៃទី២៦ ខែមេសា ឆ្នាំ២០២២នេះ។
តាមរយៈសារសំឡេងពិសេសរយៈពេកជាង១៦នាទីនេះដែរ សម្តេចតេជោ ហ៊ុន សែន បានថ្លែងថា ចាប់ពីពេលនេះតទៅបងប្អូនជនរួមជាតិទាំងអស់ នៅទូទាំងប្រទេស មិនចាំបាច់ពាក់ម៉ាស់បន្តទៀតនោះទេ ប៉ុន្តែករណីកន្លែងខ្លះសម្រេចចិត្តជូនដល់បងប្អូនជនរួមជាតិថាខ្លួនឯងត្រូវពាក់ ឬមិនពាក់ គឺអាស្រ័យនៃកាសជ្រើសលើបងប្អូនខ្លួនឯងតែប៉ុណ្ណោះ។ សម្តេចតេជោ ហ៊ុន សែន ក៏បានសម្តែងក្តីរំពឹងថា ភាពស៊ាំក្នុងសហគមន៍នឹងមានការរឹងមាំ ក្រោយពីសម្រេចលុបចោលកតព្វកិច្ចពាក់ម៉ាស់ក្នុងក្របខណ្ឌទូទាំងប្រទេស ប៉ុន្តែរាជរដ្ឋាភិបាលនៅតែបន្តអំពាវនាវយ៉ាងទទួចដល់ជនរួមជាតិ ដែលមិនទាន់បានចាក់វ៉ាក់សាំងទាំងដូសមូលដ្ឋាន និងដូសជំរុញ គប្បីប្រញ៉ាប់ប្រញ៉ាលទៅទទួលឲ្យបានគ្រប់ៗគ្នា ដើម្បីធ្វើយ៉ាងឲ្យវាស៊ាំក្នុងសហគមន៍ឲ្យកាន់តែខ្លាំងក្លាបន្ថែមទៀត៕
អត្ថបទ និង រូបភាព៖ លោក បូ សាវី
កែសម្រួល៖ លោក អ៊ុន ណារាជ្យ
