កិច្ចប្រជុំអន្តរក្រសួង ពិនិត្យលើសេចក្តីព្រាងច្បាប់ ស្តីពីសិទ្ធិទទួលព័ត៌មាន ដែលរៀបចំ ឡើងដោយ ក្រសួងព័ត៌មាន បានប្រារព្ធធ្វើនៅព្រឹកថ្ងៃទី០៧ ខែ មិនា ឆ្នាំ ២០១៩ ក្រោមវត្តមានប្រធានអង្គប្រជុំ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌ មាន និងវត្តមានចូលរួមពីសំណាក់ ឯកឧត្តម ជាអ្នកជំនាញផ្នែកច្បាប់ មកពី ក្រសួងគន្លឹះ តំណាង ក្រុមប្រឹក្សាអ្នកច្បាប់ ទីស្តីការគណះរដ្ឋមន្ត្រី និង ក្រុមប្រឹក្សាសេដ្ឋ កិច្ចសង្គម វប្បធម៏ ទីស្តីការគណះរដ្ឋមន្ត្រី ដើម្បីធ្វើការពិនិត្យ ពិភាក្សា ក្នុងការ ចូលរួមផ្តល់ ធាតុផ្សុំ សម្រាប់សេចក្តីព្រាងច្បាប់នេះ អោយមានលក្ខណះ គ្រប់ ជ្រុងជ្រោយ តាមសមត្ថកិច្ចរបស់ក្រសួង ស្ថាប័នពាក់ពន្ធ័នីមួយៗ និងស្របតាម ស្ថានភាព នយោបាយ ច្បាប់ នៃ ព្រះរាជាណាចក្រកម្ពុជា ។
មានប្រសាសន៏បើកកិច្ចប្រជុំ ឯកឧត្តម រដ្ឋមន្ត្រី ខៀវ កាញារីទ្ធ បានគួសបញ្ជាក់ ថា ច្បាប់ស្តីពីសិទ្ធិទទួលព័ត៌មាន នេះត្រូវបានរាជរដ្ឋាភិបាល ប្រគល់ភារកិច្ច អោយក្រសួងព័ត៌មាន កាលពីខែវិច្ឆិកា ឆ្នាំ ២០១៣ ដឹកនាំវេទិកាពិគ្រោះយោបល់ ជាមួយអ្នកសារព័ត៌មាន អង្គការសង្គមស៊ីវិល និងក្រសួងស្ថាប័នពាក់ពន្ធ័ ដើម្បី រៀបចំ តាក់តែងសេចក្តីព្រាងច្បាប់ស្តីពីសិទ្ធិទទួលព័ត៌មាននេះឡើង។ បន្ទាប់មក នៅក្នុងខែកុម្ភះ ឆ្នាំ ២០១៥ ក្រសួងព័ត៌មាន បានសហការ ជាមួយ អង្គការ យូណេស្កូ ប្រចាំកម្ពុជា ដោយបានបង្កើតក្រុមការងារបច្ចេកទេស ហៅកាត់ថា TWG A 2 I ( អេ ធូ អាយ ) ហើយកិច្ចពិភាក្សាកែសម្រួលសេចក្តី ព្រាងច្បាប់នេះ សម្រាប់ក្រុមការងារបច្ចេកទេស ទើបតែបញ្ចប់កាលពីពេល ឆ្នាំកន្លងទៅនេះ។ ប៉ុន្តែបើនិយាយជារួម ច្បាប់ស្តីពីសិទ្ធិទទួលព័ត៌មាន កាលពី មុនដំបូង គឺក្រសួង ទំនាក់ទំនងព្រឹទ្ធសភា រដ្ឋសភា និងអធិការកិច្ច ជាអ្នករៀបចំ តែក្រោយមក រាជរដ្ឋាភិបាលបានប្រគល់មកអោយក្រសួងព័ត៌មាន ជាអ្នករៀបចំ ម្តង ។ សរុបជារួម ច្បាប់នេះ មានរយះពេលជាង ១២ ហើយសម្រាប់ ក្រសួង ព័ត៌មាន បានដំណើរការរៀបចំអស់រយះពេល ២ ឆ្នាំ កន្លះមកហើយ ដោយ មាន ការចូលរួមពីគ្រប់ ផ្នែកពាក់ពន្ធ័ រួមទាំងអង្គការអន្តរជាតិ អង្គការសហ ប្រជាជាតិ ហើយក្នុងនោះអង្គការយូណេសស្កូ បានកំណត់ថា របៀបធ្វើច្បាប់ស្តីពីសិទ្ធិ ទទួលព័ត៌មាន នេះ គួរតែជាគំរូ សម្រាប់បណ្តាប្រទេសក្នុងអាស៊ាន ដែលមាន លក្ខណះបើកទូលាយ ។
ឯកឧត្តម មាស សុភណ្ឌ័ អនុរដ្ឋលេខាធិការ និងប្រធានអនុគណះកម្មការរៀបចំ តាក់តែង សេចក្តីព្រាងច្បាប់ ស្តីពីសិទ្ធិទទួលព័ត៌មាន នៃក្រសួង ព័ត៌មាន បានធ្វើ ការបញ្ជាក់ជូនថា សេចក្តីព្រាងច្បាប់នេះ គឺជាលទ្ធផលនៃការ អភិវឌ្ឍក្របខណ្ឌ គតិយុត្ត របស់រាជរដ្ឋាភិបាលដើម្បីគាំទ្រដល់គោលនយោបាយ នៃការធ្វើ កំណែ ទម្រង់ប្រពន្ធ័រដ្ឋបាល និងអភិបាលកិច្ចល្អ ក្នុងការផ្តល់សេវាជូន ប្តជាពលរដ្ឋប្រកប ដោយប្រសិទ្ធិភាព តម្លាភាព និងគណនេយ្យភាព ស្របតាម យុទ្ធសាស្ត្រ ចតុកោណ ដំណាក់កាលទី៤ របស់រាជរដ្ឋាភិបាលកម្ពុជា។ សេចក្តីព្រាងច្បាប់ នេះមាន ៩ ជំពួក និង ៣៨ មាត្រា ហើយច្បាប់នេះ មិនមានបង្កើតស្នងការ ព័ត៌មាន ដែលជាស្ថាប័នឯករាជ្យ ដើម្បីដោះស្រាយបណ្តឹងស្តីពីការស្នើសុំ ព័ត៌មាន ឬត្រូវជ្រើសរើសបុគ្គលឹកថ្មី សម្រាប់បំរើការងារ ដូចច្បាប់នៅប្រទេស ដ៏ទៃនោះទេ។
ទាក់ទងទៅនិងលទ្ធផល នៃកិច្ចប្រជុំអន្តរក្រសួង ពិនិត្យលើសេចក្តីព្រាង ច្បាប់ស្តីពីសិទ្ធិទទួលព័ត៌មាន នាឱកាសនេះ ឯកឧត្តម រដ្ឋមន្ត្រី ខៀវ កាញារីទ្ធ មានប្រសាសន៏បញ្ជាក់ថា៖
,,,, សំលេងដើម,,,,៕(ក្នុងវីដេអូ)
អត្ថបទ និង រូបថត : ក្រសួងព័ត៌មាន
