ឯកឧត្តមបណ្ឌិត អ្នកឧកញ៉ា សៀង ណាំ តំណាងរាស្រ្តមណ្ឌលសៀមរាបត្រូវបានសភានៃសកលវិទ្យាល័យ BODHISASTRA UNIVERSITY FLORIDA សហរដ្ឋអាមេរិក ធ្វើការប្រគល់ជូនសញ្ញាប័ត្របណ្ឌិតកិត្តិយស កាលពីរសៀលថ្ងៃទី ២៨ ខែ ឧសភា ឆ្នាំ២០២២ នៅសណ្ឋាគារ City Angkor ខេត្តសៀមរាប។ សញ្ញាបត្របណ្ឌិតកិត្តិយសនេះ គឺជាការទទួលស្គាល់របស់សាកលវិទ្យាល័យ BODHISASTRA UNIVERSITY FLORIDA ជូនចំពោះឯកឧត្តមបណ្ឌិត អ្នកឧកញ៉ា សៀង ណាំ ដែលបានបំពេញការងារជាយូរឆ្នាំកន្លងមក ជូនរាជរដ្ឋាភិបាលកម្ពុជា ហើយ បានបំពេញបេសកកម្មរបស់ខ្លួន ចូលរួមវិភាគទានយ៉ាងសំខាន់និងធំធេងបំផុត ក្នុងការពង្រឹងទំនាក់ទំនងទ្វេភាគី និងរឹតចំណងមិត្តភាពរវាងព្រះរាជាណាចក្រថៃ និងព្រះរាជាណាចក្រកម្ពុជា ។
ថ្លែងក្នុងពិធីនោះដែរឯកឧត្តមបណ្ឌិត អ្នកឧកញ៉ា សៀង ណាំ ក៍បានបង្ហាញនូវក្តីរំភើប ដឹងគុណក្រៃលែង ចំពោះសាកលវិទ្យាល័យ BODHISASTRA UNIVERSITY FLORIDA នេះគឺជាកិត្តិយសដ៏ថ្លៃថ្លាបំផុតដែលជាទង្វើល្អដែលបានបម្រើប្រជាជនត្រូវបានសភាសកលវិទ្យាល័យវាយតម្លៃប្រគល់ នូវសញ្ញាប័ត្រកិត្តិបណ្ឌិតដ៏ថ្លៃថ្លានេះហើយគឺមិនត្រឹមតែសម្រាប់ឯកឧត្តមផ្ទាល់និងក្រុមគ្រួសារប៉ុណ្ណោះទេ តែជាការផ្តល់កត្តិយសជូនដល់ប្រជារាស្រ្តកម្ពុជាទាំងមូល ជាពិសេសសម្រាប់សភាជាតិ និងរាជរដ្ឋាភិបាលកម្ពុជាផងដែរ ។
ឯកឧត្តមបណ្ឌិត អ្នកឧកញ៉ា សៀង ណាំ ក៍បានមានប្រសាសន៍បន្តទៀតថាការដែលត្រូវបានសភាសកល វិទ្យាល័យវាយតម្លៃប្រគល់សញ្ញាប័ត្រកិត្តិបណ្ឌិតផ្នែកអភិវឌ្ឍសង្គម ឆ្លងកាត់ការងារជិត៤០ឆ្នាំនេគឺឯកឧត្តមបណ្ឌិតផ្ទាល់ បានបំពេញការងារដើម្បីបម្រើផលប្រយោជន៍ជូនប្រជាជនទាំងនៅក្នុងខេត្តសៀមរាប និងខេត្ត ដទៃទៀតដោយមិនរើសជើងតែដើម្បីលើកគុណភាពជីវិតឲ្យកាត់តែប្រសើរឡើង ដើម្បីចូលរួមជាមួយរាជរដ្ឋ ភិបាល និងកាត់បន្ថយភាពក្រីក្រផ្តល់ការងារជាច្រើនកន្លែងឲ្យក្មួយមកពីគ្រប់ទិសទីមានការងារធ្វើ ផ្តល់ អាហារូបករណ៍ជាច្រើនអាត្រាក្នុងមួយឆ្នាំៗដើម្បីផ្ដល់ឱកាសឲ្យកូនអ្នកក្រីក្រមានលទ្ធភាព បានចូលរួមរៀន សូត្រផ្នែកឧត្តមសិក្សា និងមានឱកាសការងារល្អនាអនាគត់ហើយឯកឧត្តមបណ្ឌិត បានចូលរួមច្រើនផងដែរទាំង វិស័យសាសនា ការស្តារនិងអភិវឌ្ឍសហគមន៍ ការអភិរក្សនិងអភិវឌ្ឍធនធានធម្មជាតិ វប្បធម៌ និងប្រពៃណី ។ល។
ព័ត៌មានជាតិ ថ្មីៗ
ឯកឧត្តមបណ្ឌិត អ្នកឧកញ៉ា សៀង ណាំបានថ្លែងទៀតថា វាជាសក្ខីភាពនៃជីវិត ហើយជាមហាកិត្តិយសសម្រាប់ជីវិតនេះផងដែរ ហើយ សញ្ញាប័ត្រកិត្តិបណ្ឌិតនេះ បានកើតឡើង ពុំមែនពីសកម្មភាពខ្ញុំផ្ទាល់នោះទេ គឺកើតចេញពីគ្រួសារ ក្រុមការងារនិងប្រជាជននៅក្នុង ខេត្តសៀមរាបទាំងមូលដែលបានចូលរួមសហការគ្នា ធ្វើការជាមួយនឹងគ្នា ហើយបានទទួលជោគជ័យ ជាមួយនឹងគ្នា។ ដូច្នេះកិត្តិបណ្ឌិតនេះ សម្រាប់ជូនដល់គ្រួសារនិងប្រជាជននៅក្នុងខេត្តសៀមរាបនិងខេត្ត ដែលនៅជិតបានទទួលត្រេកអរ រីករាយជាមួយគ្នាផងដែរ។
សូមបញ្ជាក់ថាសកលវិទ្យាល័យ BODHISASTRA UNIVERSITY FLORIDA សហរដ្ឋអាមេរិក បានប្រារព្ធធ្វើពិធីប្រគល់សញ្ញាបត្រ បណ្ឌិតកិត្តិយសនិងប្រគល់សញ្ញាបត្រដល់និស្សិតដែលបានបញ្ចប់ថ្នាក់បណ្ឌិត .ថ្នាក់អនុបណ្ឌិត និងថ្នាក់បរិញ្ញាបត្រ កាលពីរសៀលថ្ងៃទី ២៨ ខែ ឧសភា ឆ្នាំ២០២២ នៅសណ្ឋាគារ City Angkor ខេត្តសៀមរាប។
អត្ថបទ និង រូបថត: លោក ទ្រា ពន្លឺ
