លោកវរសេនីយ៍ឯក ណុប សារៈ អធិការនគរបាលក្រុងសៀមរាប បានឲ្យដឹងថា នៅវេលាម៉ោង១៧និង១០នាទី ថ្ងៃទី១០ ខែមីនា ឆ្នាំ២០១៩នេះ មានករណីដោយធ្វើអត្តឃាតដោយអារ-កខ្លួនឯង ស្ថិតនៅចំណុចក្នុងវត្តព្រះព្រហ្មរ័ត្ន ស្ថិតនៅក្នុងភូមិមណ្ឌល១ សង្កាត់ស្វាយដង្គំ ក្រុងសៀមរាប ដែលជនរងគ្រោះ មានឈ្មោះ ពេជ្រ សុខសម្បត្តិ ភេទប្រុស អាយុ៣៦ឆ្នាំ មុខរបរគ្មាន មានទីលំនៅបច្ចុប្បន្ន ភូមិសាលាកន្សែង សង្កាត់ស្វាយដង្គំ ក្រុងសៀមរាប ខណៈពេលមុនពេលកើតហេតុ ជនរងគ្រោះបានដើរចូលទៅក្នុងវត្ត ដោយមានកាន់កាំបិតចុងស្រួច ដងដែក ហើយបានធ្វើសកម្មភាពអារ-កខ្លួនឯង ដែលមានស្នាមអារដាច់បំពង់-ក ប្រវែង ០,២៥ សង្ទីម៉ែត្រ ហើយសាកសពជនរងគ្រោះ ត្រូវបានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី ។
លោកវរសេនីយ៍ឯក ណុប សារៈ បានឲ្យដឹងទៀតថា ក្រោយពេលកើតហេតុ កម្លាំងនគរបាលនៃអធិការក្រុងសៀមរាបសហការជាមួយកម្លាំងការិយាល័យជំនាញវិទ្យាសាស្ត្រនិងបច្ចេកទេស បានចុះទៅពិនិត្យដល់កន្លែងកើតហេតុភ្លាមៗដែរ ហើយតាមការបញ្ជាក់ពីលោកវរសេនីយ៍ឯក ផេង ពេជ្រ នាយការិយាល័យវិទ្យាសាស្ត្រនិងបច្ចេកទេស បានឲ្យដឹងថា ការស្លាប់របស់ជនរងគ្រោះ ពុំមានពាក់ព័ន្ធនឹងបទល្មើសឃាតកម្មអី្វឡើយ គឺជនរងគ្រោះបានធ្វើអត្តឃាតដោយខ្លួនឯងពិប្រាកដមែន និង ផ្អែកតាមការឲ្យដឹងពីប្រជាពលរដ្ឋ គឺជនរងគ្រោះធ្លាប់ប្រើប្រាស់គ្រឿងញៀន និងជាមនុស្សផឹកស្រាជាប្រចាំផងដែរ ៕
អត្ថបទ និង រូបថត ៖ លោក គឿន វេត និង លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
