ដោយឡែកនៅថ្ងៃដ៏ដែលនេះដែរ ឯកឧត្តម រដ្ឋមន្ត្រី ខៀវ កាញារីទ្ធ បានទទួល ជួប ឯកឧត្តម កុយ ស៊ីឌឿន ទីប្រឹក្សាក្រសួងព័ត៌មាន និងជាអនុប្រធាននាយកដ្ឋាន ផលិតកម្មវិធី នៃអគ្គនាយកដ្ឋានវិទ្យុជាតិកម្ពុជា ដោយក្នុងឱកាសនោះ ឯកឧត្តម កុយ ស៊ីឌឿន បានជម្រាបជូន ពីកាងាររបស់ ក្នុងផលិតកម្មវិធី នាទីជួបជាមួយសិល្បៈ ចាស់ មកធ្វើការសំភាសន៏ ពីបទពិសោធន៏ការងារសិល្បៈ ហើយធ្វើការចាក់ ផ្សាយនៅវិទ្យុជាតិកម្ពុជា ។ ទន្ទឹមនេះ ក្រៅពីការងារសិល្បៈ ឯកឧត្តម កុយ ស៊ីឌឿន ក៏បានជួយក្នុងការងារសង្គម និង សម្មភាព មនុស្សធម៏ ជាមួយ ឯកឧត្តម ខៀវ កាញារីទ្ធ និង លោកជំទាវ ជាបន្តបន្ទាប់មកនេះផងដែរ។
ឯកឧត្តម រដ្ឋមន្ត្រី ខៀវ កាញារីទ្ធ បានកោតសរសើរ ចំពោះលទ្ធផលការងារ សិល្បៈ ដែល ឯកឧត្តម កុយ ស៊ីឌឿន សម្រេចអនុវត្តន៏ក្នុងពេលកន្លង ហើយ ឯកឧត្តម បានជម្រុញលើកទឹកចិត្ត ឲ្យបន្តសកម្មភាពការងារនេះកាន់តែល្អទៅមុខទៀត ជាពិសេស អគ្គនាយកដ្ឋានវិទ្យុជាតិកម្ពុជា ត្រូវធ្វើយ៉ាងណា ផលិតកម្មវិធី ចម្រៀង សម័យ បុរាណ អាយ៉ៃ យីកេ្តរ៏ ក៏ដូចជា ចាប៉ី ដងវែង ដែលពិបាករកអ្នកមានជំនាញ ក្នុងការសម្ដែងណាស់ ប៉ុន្តែ ឯកឧត្តម បាន មើលមាន នារីម្នាក់ នៅវិទ្យុជាតិកម្ពុជា មានទេពកោសល្យ និងជំនាញនេះ ដែល ត្រូវរួមគ្នាជម្រុញ និងលើកតម្កើង ឲ្យកាន់តែរីកចំរើន ក្នុងផ្នែក ចម្រៀង ចាប៉ី ដងវែងនេះ តទៅមុខទៀត៕
អត្ថបទ និង រូបថត ៖ ក្រសួងព័ត៌មាន
