ដោយឡែក ក្នុងកិច្ចពិភាក្សាការងារ នៅព្រឹកថ្ងៃទី ១១ ខែ មីនា ឆ្នាំ ២០១៩ នេះដែរ ជាមួយ លោក ប៉ាទ្រិច ឌូពារ (Patrick Dupireទីប្រឹក្សា ក្រសួងព័ត៌មាន ទទួលបន្ទុកធ្វើការ បោះពុម្ពសៀវភៅ ជា ៤ ភាសាស្តីពីកម្ពុជា ឯកឧត្តម រដ្ឋមន្ត្រី ខៀវ កាញារីទ្ធ លើកពី គម្រោងនៃការបោះពុម្ពជាសៀវភៅស្តីពីប្រទេសកម្ពុជា ជា ៤ ភាសា ខ្មែរ ចិន អង់គ្លេស និងបារាំង ហើយឈានទៅបន្ថែមជាភាសាកូរ៉េ ១ ទៀតបើអាចធ្វើទៅ បាន។
សៀវភៅដែលគ្រោងបោះពុម្ព ជា ៤ ភាសានេះ គឺដើម្បីបង្ហាញ និង ពន្យល់ ឲ្យ បរទេស និងបងប្អូនខ្មែរ មួយចំនួន បានដឹងពីមិទ្ធិផល ទាំងឡាយ របស់រាជរដ្ឋាភិបាលកម្ពុជា ក៏ដូចជាសក្តានុពលនៃសេដ្ឋកិច្ច នៅក្នុងប្រទេសនេះ ដែលកំពុងមានការរីកចំរើន ហើយសៀវនេះ មិនមែនជាសៀវភៅ ទេសចរណ៏ នោះទេ ប៉ុន្តែការបោះពុម្ពនូវសៀវភៅនេះឡើង សម្រាប់ទុកជូនជា អនុស្សាវរីយ៏ ដល់ គណះប្រតិភូ បរទេស និងអាចដាក់លក់នៅក្នុងសណ្ឋាគារ ផ្សេងៗផង ដែរ។
បើតាមការបញ្ជាក់របស់លោក ប៉ាទ្រិច ឌូពារ បានឲ្យដឹងថា កន្លងមក លោកធ្លាប់បាន បោះពុម្ពជាសៀវភៅ មួយនៅប្រទេស មីយ៉ាន់ម៉ា ដោយទទួល បានជោគជ័យ ហើយការបោះពុម្ពសៀវដែលនិយាយពីប្រទេសមីយ៉ាន់ម៉ា គឺត្រូវ បានធ្វើការបោះពុម្ភ នៅក្នុងប្រទេសកម្ពុជា ព្រោះលោកយល់ថា បច្ចេកទេស រោងពុម្ពនៅក្នុង ប្រទេសកម្ពុជា នាពេលបច្ចុប្បន្ន មានកំរិតគុណភាពខ្ពស់ ដែលអាចទទួលយកបាន រួចហើយដឹកទៅប្រទេស មីយ៉ានម៉ា វិញ។ ដូច្នេះការ បោះពុម្ភសៀវភៅស្តីពី ប្រទេសកម្ពុជា គឺកាន់តែមានភាពងាយស្រួល ព្រោះការ បោពុម្ព នៅទីនេះតែម្តង ។ តាមរយះកិច្ចការងារនេះ ឯកឧត្តម ខៀវ កាញារីទ្ធ និងលោក ប៉ាទ្រិច ឌូពារ បានឯកភាពគ្នា ដោយមានការសហការ ជាមួយទីភ្នាក់ងារ សារព័ត៌មានកម្ពុជា AKP និងអគ្គនាយកដ្ឋានព័ត៌មាន និងសោតទស្សន៏ នៃ ក្រសួងព័ត៌មាន ដើម្បីធ្វើការបោះពុម្ភជាសៀវភៅនេះឡើងឲ្យបានរួចរាល់ នៅ ចុងឆ្នាំ ២០១៩ នេះ ។
អត្ថបទ និង រូបថត ៖ ក្រសួងព័ត៌មាន
