នៅថ្ងៃទី១១ខែមិនាឆ្នាំ២០១៩វេលាម៉ោង១៣.៤០នាទីរសៀលមានករណីឆេះព្រៃ របស់រដ្ឋបាលព្រៃឈើមួយកន្លែងស្ថិតនៅភូមិត្រពាំងថ្ម ឃុំ ឃុនរាម ស្រុកបន្ទាយស្រី ខេត្តសៀមរាប។
លោកវរៈសេនីយ៏ឯក ឡុង សំណាង អធិការនគរបាល ស្រុកបន្ទាយស្រីបានឲ្យដឹងថា៖ ក្នុងហេតុការអគ្គិភ័យនេះបានរាលដាលឆេះខូចខាតផ្ទៃដីព្រៃអស់ប្រហែល២០០ហិចតា គ្រឿងចក្រ ១គ្រឿង ផ្ទះតៀម ១ ទំហំ ៥ម៉ែត្រគុណនឹង ៦ម៉ែត្រប្រក់សង្ហ័សីជាកម្មសិទ្ធិរបស់លោក ស៊ុន ប៊ុនទាវ អាយុ៤០ឆ្នាំរស់នៅភូមិខ្នារឃុំកន្ទួត ស្រុកស្វាយលើ ខេត្តសៀមរាប។
លោកបានបន្តទៀតថា ក្នុងករណីអគ្គិភ័យនេះរថយន្តពន្លត់អគ្គិភ័យរបស់អធិការដ្ឋាននគរបាលស្រុកបន្ទាយស្រីបានចេញពន្លត់ចំនួន១គ្រឿង និងរថយន្តរបស់អធិការដ្ឋាននគរបាលស្រុកវ៉ារិនចំនួន១គ្រឿង សរុបពីរគ្រឿង ប្រើប្រាស់ទឹកពន្លត់ជាស្ថាពរអស់៣ឡាន និងពុំបណ្តាឲ្យឆេះរាលដល់ផ្ទះប្រជាពលរដ្ឋឡើយ។
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក សេង ផល្លី
