សមត្ថកិច្ចនគរបាលខេត្តសៀមរាប បានឲ្យដឹងថា បុរសម្នាក់ឈ្មោះ លី ម៉េងហ៊ម ភេទប្រុស ឆ្នាំកំណើត១៩៩៤ ជនជាតិខ្មែរ មានទីលំនៅភូមិថ្លុកស្មាច់ ឃុំគោកធ្លកលើ ស្រុកជីក្រែង ជាប់សង្ស័យពាក់ព័ន្ធនឹងករណីរក្សាទុកជួញដូរនិងប្រើប្រាស់ដោយខុសច្បាប់នូវសារធាតុញៀន ហើយមានសារធាតុញៀនក្នុងខ្លួន ត្រូវបានមន្ត្រីការិយាល័យជំនាញប្រឆាំងគ្រឿងញៀន នៃស្នងការដ្ឋាននគរបាលខេត្តសៀមរាប បញ្ជូនខ្លួនទៅសាលាដំបូងខេត្ត កាលពីថ្ងៃទី១២ ខែមីនា ឆ្នាំ២០១៩ បន្ទាប់ពីកម្លាំងអធិការដ្ឋាននគរបាលស្រុកជីក្រែង ឃាត់ខ្លួនបានក្នុងប្រតិបត្តិការមួយ ចុះបង្ក្រាបករណីរក្សាទុក ជួញដូរ សំរួល និងប្រើប្រាស់ដោយខុសច្បាប់នូវសារធាតុញៀន នៅចំនុចភូមិស្លែងកោង ឃុំគោកធ្លកលើ ស្រុកជីក្រែង កាលពីវេលាអាធ្រាត្រ ថ្ងៃទី១១ ខែមីនា ឆ្នាំ ២០១៩កន្លងទៅថ្មីៗនេះ ។
សមត្ថកិច្ចនគរបាលខេត្តសៀមរាប បានឲ្យដឹងថា ក្នុងប្រតិបត្តិការនេះ សមត្ថកិច្ចបានដកហូតវត្ថុតាង រួមមាន៖ម្សៅមេតំហ្វេតាមីន ប្រភេទទឹកកកចំនួន ១២កព្ចាប់ ស្មើនឹងទម្ងន់៣ក្រាមទាំងសំបក , ទូរស័ព្ទដៃចំនួន ០១គ្រឿង និងម៉ូតូចំនួន០១គ្រឿង ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
