ដោយសារកំណើននៃការមកទទួលសេវាព្យាបាលជំងឺនៅមណ្ឌលសុខភាពចេះតែកើនឡើងជារៀងរាល់ឆ្នាំ ហើយឃុំតាសោម ស្រុកអង្គជុំខេត្តសៀមរាបនៅមិនទាន់មានមណ្ឌលសុខភាព ប្រជាពលរដ្ឋក្នុងឃុំនេះកន្លងមក បានទៅទទួលសេវាសុខភាពនៅមណ្ឌលសុខភាពអង្គរជុំមានចម្ងាយឆ្ងាយ ដែលធ្វើឱ្យស្ត្រីមានផ្ទៃពោះ ចាស់ជរា ជនពិការ ពិបាកក្នុងការទៅទទួលសេវា ពិគ្រោះ ព្យាបាលជំងឺ និងដោយមានការស្នើសុំរបស់អាជ្ញាធរមូលដ្ឋាន ទើបមានការសាងសង់អគារមណ្ឌលសុខភាព ក្លោងទ្វារ របងនិងបន្ទប់ទឹក ចំណាយថវិកាសរុបចំនួន៥ម៉ឺន៥ពាន់ដុល្លារអាមេរិកដែលជាអំណោយរបស់ លោក សាលា អង់រីកូ និងសប្បុរសជនជនជាតិស្វីស ដែលអគារនិងសមិទ្ឋផលទាំងនេះ ចាប់កសាងពីខែសីហាឆ្នាំ២០១៨ និងរួចរាល់ដាក់សម្ពោធដាក់ឱ្យប្រើប្រាស់ជាផ្លូវការ នៅថ្ងៃទី១៤ខែមីនាឆ្នាំ២០១៩។ នេះបើតាមរបាយការណ៍របស់លោក លុក ផុស អភិបាលស្រុកអង្គរជុំ។
លោក សាលាអង់រីកូ តំណាងសប្បុរសជនជាតិស្វីស បានសម្ដែងនូវក្ដីរីករាយ ចំពោះសមិទ្ធិផលថ្មី ដែលជាអំណោយរបស់លោក និងសប្បុរសជនជនជាតិស្វីស ដែលបានកសាងរួចរាល់ និងសម្ពោធដាក់អោយប្រើប្រាស់ សំរាប់ជាប្រយោជន៍សាធារណៈជួយកាត់បន្ថយការធ្វើដំណើររបស់ប្រជាពលរដ្ឋក្នុងមូលដ្ឋាននេះ ដើម្បីធ្វើឲ្យការផ្ដល់សេវាសុខភាពនៅកៀកជិតពួកគាត់ មួយវិញទៀត វាបានជួយសម្រួលការលំបាករបស់ប្រជាពលរដ្ឋពាក់ព័ន្ឋទៅនឹងសុខភពាផ្ទាល់ខ្លួន និងក្រុមគ្រួសារ។
លោក សាលាអង់រីកូ បានបង្ហាញរបាយការណ៍ថា៖ នៅដើមឆ្នាំ២០១៩ នេះសប្បុរសជនជនជាតិស្វីស បានចូលរួមវិភាគទានថវិកាជួយស្ថាបនាបានសមិទ្ឋផលជាច្រើនក្នុងខេត្តសៀមរាប ដូចជា កសាងអគារសិក្សាមួយខ្នងមាន៥បន្ទប់នៅវិទ្យាល័យហ៊ុន សែនសៀមរាប ក្នុងសង្កាត់គោចកក្រុងសៀមរាប កសាងអគាររោងជាង និងបណ្ណាល័យនៅវិទ្យាល័យស្រុកពួកសាងសង់អគារសម្ភព ១ខ្នងនៅមណ្ឌលសុខភាពអង្គរធំ សង់អគារសម្ភព១ខ្នងនៅមណ្ឌលសុខភាពរំចេកស្រុកបន្ទាយស្រី និងសង់មណ្ឌលសុខភាពតាសោមក្នុងស្រុកអង្គរជុំ សរុបថវិកាចំនួន២១០.៣២០ដុល្លារអាមេរិក។
លោក ពិន ប្រាកដ អភិបាលរងខេត្តសៀមរាប មានប្រសាសន៍ថ្លែងអំណរគុណយ៉ាងជ្រាលជ្រៅបំផុតចំពោះ សមាគមជនរួមជាតិស្វីស ពិសេសលោក អង់រីកូ សាលា និងសហការីទាំងអស់ ដែលបានផ្តល់នូវជំនួយ មនុស្សធម៌ដ៏ថ្លែថ្លានេះ សម្រាប់ប្រជាជនកម្ពុជា ហើយក៏ជាការចូលរួមចំណែកមួយក្នុងការលើកកម្ពស់វិស័យ សុខាភិបាលក្នុងខេត្តសៀមរាបផងដែរ។លោក ពិនប្រាកដមានប្រសាសន៍ចាត់ទុកមណ្ឌលសុខភាពតាសោមនេះ ថាគឺជាសមិទ្ធផល ថ្មីមួយថែមទៀត ដែលស្ថិតនៅជិតបំផុតសម្រាប់បងប្អូនប្រជាពលរដ្ឋយើង។ ក្នុងនាមថ្នាក់ដឹកនាំខេត្ត លោក ពិន ប្រាកដ បានផ្តាំផ្ញើដល់បងប្អូនប្រជាពលរដ្ឋ អាជ្ញាធរភូមិ ឃុំ និងមន្ត្រីសុខាភិបាលដែលនៅទីនេះ មេត្តាចូល រួមថែករក្សាអាគារមណ្ឌលសុខភាពនេះឱ្យបានគង់វង្សយូរអង្វែងតទៅ ព្រោះវាជាទ្រព្យសម្បត្តិរួមរបស់យើង ទាំងអស់គ្នា ។
ឯកឧត្តម អ្នកឧកញ៉ា សៀង ណាំ បានមានប្រសាសន៏ថាកាលពីឆ្នាំ២០១៥លោកអង់រីកូសាលាបាន កសាងអគារសិក្សា១ខ្នង៤បន្ទប់នៅសាលាបឋមសិក្សាថ្នល់ចែកក្នុងឃុំកៀនសង្កែស្រុកសូទ្រនិគមនេះនិងបានធ្វើពិធីសម្ភោធឲ្យប្រើប្រាស់រួចម្តងហើយ។ដោយសិស្សមានចំនួនកើនឡើងលោកគ្រូអ្នកគ្រូនិង មាតា បិតាសិស្សបានធ្វើសំណើរសុំអគារ១ខ្នងទៀតលោកសាលាអង់រីកូក៏បានសម្រេចផ្តល់អគារសិក្សា១ខ្នង ទៀតនៅទីនេះនិងបានសម្ពោធដាក់អោយប្រើប្រាស់ជាលើកទី២នាថ្ងៃនេះ ។ ឯកឧត្តម បានអោយដឹងទៀតថាឯកឧត្តមផ្ទាល់និងលោកសាលាអង់រីកូ បានមានទំនាក់ទំនងរាប់អានគ្នា តាំងពីឆ្នាំ២០០១មក។ ក្នុងនោះឯកឧត្តមបានជំរាបលោកអង់រីកូសាលាពីការលំបាកខ្វៈខាតរបស់ប្រជាជនកម្ពុជាដោយមូលហេតុប្រទេសជាតិមានសង្គ្រាម អូសបន្លាយពីឆ្នាំ១៩៧០មកទើបតែក្នុងឆ្នាំ១៩៩៨ទេដែលកម្ពុជាមានសន្តិភាពអាស្រ័យដោយ មានការ ដឹកនាំដ៏ឈ្លាសវៃរបស់សម្តេចតេជោ ហ៊ុន សែន ជាមួយនិងគោលនយោបាយឈ្នះៗទើបកម្ពុជាទទួលបាន សុខសន្តិភាពពេញលេញ។
ឯ.ឧ រំលេចនូវរបាយការណ៍ អស់រយៈពេល២៦ឆ្នាំពីឆ្នាំ១៩៩៤ដល់ឆ្នាំ២០១៩ ដែលសប្បុរសជនជប៉ុនផ្តល់តាមរយៈ លោក អង់រីកូ ជាក់ស្តែងសមិទ្ធផលដែលបានកសាងរួមមាន៖-អណ្តូងទឹកស្នប់ចំនួន៩៤១អណ្តូង ,អង្ករ១០០តោន សង់ផ្ទះជូនប្រជាពលរដ្ឋក្រីក្រ ៥ខ្នង -ផ្តល់សំលៀកបំពាក់ចំនួន៩៤៥០កំប្លេរ ស្ថាបនាសាលារៀន បាន៤៣ខ្នង និងជួសជុល៥ខ្នង ធ្វើបង្គន់អនាម័យចំនួន៨ ស្ថាបនាបណ្ណាល័យ អគារមត្តេយ្យសិក្សា រោងជាង សរុប១៣ខ្នង ស្ថាបនាមណ្ឌលសុខភាព១៦មណ្ឌល ស្ថាបនាមន្ទីរពេទ្យបង្អែកអង្គរជុំ៨អគារ,ស្ថាបនាអគារពេទ្យចំនួន១៣អគារ ជួសជុលអគារពេទ្យនិងមណ្ឌលសុខភាពផ្សេងៗ ធ្វើផ្លូវថ្នល់ ស្ពាន ប្រព័ន្ឋទឹកស្អាត ផ្ទះបាយ ឡដុតសំរាម អាងទឹក សរុបទឹកប្រាក់ចំណាយទាំងអស់ចំនួន៣.៦៩១.៦៨២ដុល្លារ
។
នាឱកាសនោះផងដែរ ឯកឧត្តម អ្នកឧកញ៉ា សៀង ណាំ ក៏បានថ្លែងអំណរគុណយ៉ាងធំធេងចំពោះលោកសាលាអង់រីកូនិងបានផ្តាំផ្ញើរជំពោះប្រជាពលរដ្ឋទាំងអស់ត្រូវយកចិត្តទុកដាក់ជួយថែរក្សាសមិទ្ធិផលទាំងអស់អោយបានល្អគង់វង្សយូរអង្វែង៕
អត្ថបទ និងរូបភាព៖ លោក យូ វង្ស
