“ព្រឹត្តិការណ៍កីឡាបាល់ទាត់មិត្តភាពវ័យចំណាស់មេគង្គ” នៅខេត្ដសៀមរាប មានកីឡាករជាតិ និងអន្តរជាតិចូលរួមចំនួន១៥១នាក់

ក្រសួងទេសចរណ៍ រៀបចំ “ព្រឹត្តិការណ៍កីឡាបាល់ទាត់មិត្តភាពវ័យចំណាស់មេគង្គ” ចាប់ពីថ្ងៃទី០៤ ដល់ថ្ងៃទី០៧ ខែសីហា ឆ្នាំ២០២២ នៅកីឡដ្ឋានខេត្តសៀមរាប ដែលមានកីឡាករវ័យចំណាស់សរុបចំនួន ១៥១នាក់ មកពីប្រទេសកម្ពុជា ថៃ ឡាវ និងវៀតណាម ក្នុងគោលបំណងពង្រីកនូវផលិតផលទេសចរណ៍ និងបង្កើនកិច្ចសហប្រតិបត្តិការអន្តរជាតិនៅបណ្ដាប្រទេសតាមដងទន្លេមេគង្គ។

ឯកឧត្តម ឯកឧត្ដម តុប សុភ័ក រដ្ឋលេខាធិការក្រសួងទេសចរណ៍ មានប្រសាសន៍ថា ព្រឹត្តិការណ៍បាល់ទាត់វ័យចំណាស់មេគង្គនាពេលនេះ បានបង្កើនកិច្ចសហប្រតិបត្តិការ អន្តរជាតិ នៅបណ្តាប្រទេសតាមដងទន្លេមេគង្គ ជាពិសេសបានចូលរួមចំណែកអភិវឌ្ឍន៍ទេសចរណ៍សៀមរាប-អង្គរ ស្របតាម ផែនទីបង្ហាញផ្លូវ (Road Map) និងផែនការសកម្មភាពឆ្នាំ ២០២២-២០២៣ នៃផែនការមេអភិវឌ្ឍន៍ទេសចរណ៍ខេត្ត សៀមរាប ២០២១-២០៣៥ ដែលទើបប្រកាសដាក់ឱ្យអនុវត្តកាលពីថ្ងៃទី១ខែសីហា ឆ្នាំ២០២២នេះ។

ព័ត៌មានជាតិ ថ្មីៗ

កិច្ចប្រជុំណែនាំពីការធ្វើបច្ចុប្បន្នភាពទិន្នន័យសហគមន៍ ឆ្នាំ២០២២ របស់មន្ទីរផែនការខេត្តសៀមរាប

16/08/2022

កិច្ចប្រជុំស្តីពីការចុះធ្វើអត្តសញ្ញាណប្រជាពលរដ្ឋដែលបានសាងសង់ និងកាន់កាប់ដីធី្លក្នុងតំបន់រមណីយដ្ឋានអង្គរ

16/08/2022

ឯកឧត្ដមរដ្ឋលេខាធិការបន្ដថា ក្រៅពីគោលបំណងផ្សព្វផ្សាយសក្តានុពលទេសចរណ៍តំបន់សៀមរាប-អង្គរ ជំរុញកំណើនភ្ញៀវទេសចរ អភិវឌ្ឍន៍ធនធានមនុស្សក្នុងវិស័យកីឡាទេសចរណ៍ ទាក់ទាញចំណាប់អារម្មណ៍ ពីសំណាក់អ្នកស្នេហាវិស័យ កីឡាជាតិនិងអន្តរជាតិ ជាពិសេសព្រឹត្តិការណ៍នេះ រៀបចំឡើងស្របតាមយុទ្ធសាស្ត្រផ្សព្វផ្សាយទាក់ទាញភ្ញៀវទេសចរជាតិ និងអន្តរជាតិឆ្នាំ២០២៣ “Visit Cambodia Next 2023”។ ព្រឹត្តិការណ៍នេះដែរ ក៏នឹងចូលរួមលើកស្ទួយវិស័យកីឡាទេសចរណ៍នៅកម្ពុជា ដើម្បីអបអរសាទរដំណើរឆ្ពោះទៅការប្រកួតកីឡា SEA GAMES – ASEAN PARA GAMES 2023 ដែលកម្ពុជា ធ្វើជាម្ចាស់ផ្ទះផងដែរ។

ឯកឧត្ដមរដ្ឋលេខាធិការ ក៏បានបញ្ជាក់ដែរថា បច្ចុប្បន្ន រាជរដ្ឋាភិបាលបានផ្សព្វផ្សាយនូវយុទ្ធនាការ “កីឡាដើម្បីទាំងអស់គ្នា” ឬ “Sport for All” ដែលទទួលបានការគាំទ្រពីអង្គការសាមគ្គីអូឡាំពិកអន្តរជាតិ (OS) ដែលមានគោលបំណងបំផុសយុទ្ធនាការ “ប្រជាជនម្នាក់ លេងកីឡាមួយមុខ ឆ្ពោះទៅម្ចាស់ផ្ទះស៊ីហ្គេម២០២៣ និងបណ្តុះនូវស្មារតីកីឡាជូនដល់ មហាជនទូទៅមិនថាពួកគាត់ជាអត្តពលិកអាជីព ឬអ្នកលេងកីឡា ដើម្បីសុខភាពនោះទេ ពោលគឺបញ្ជ្រាបនូវ ស្មារតីកីឡា ចំណេះដឹង ចលនាអូឡាំពិក ទៅដល់ស្រទាប់មហាជននានា ជាពិសេសកីឡាបាល់ទាត់វ័យចំណាស់ គឺជាប្រភេទកីឡា ដែលមានប្រជាប្រិយភាព និងពេញនិយម ជាប្រភេទកីឡាទេសចរណ៍កម្សាន្តលក្ខណៈមហាជន ក្នុងគោលបំណង បង្កើតភាពសប្បាយរីករាយ សុខភាពផ្លូវកាយ និងផ្លូវចិត្ត។

អញ្ជើញជាអធិបតី និងចូលរួមលេងក្នុងកីឡាបាល់ទាត់មិត្តភាពក្នុងឱកាសនោះ ឯកឧត្ដម ទៀ សីហា អភិបាលខេត្ដសៀមរាប មានប្រសាសន៍ថា ការរៀបចំព្រឹត្តិការណ៍បាល់ទាត់វ័យចំណាស់មេគង្គកម្ពុជា ថៃ ឡាវ វៀតណាម បានបង្ហាញឱ្យឃើញថា កម្ពុជាមានសុខសន្តិភាពពេញលេញ និងជាគោលដៅទេសចរណ៍គុណភាព សុវត្ថិភាព និងបរិយាប័ន្ន ក្នុងការអភិវឌ្ឍលើគ្រប់វិស័យ ជាពិសេសការជួបគ្នាក្នុងវិស័យកីឡានេះ ជាចំណងមិត្ដភាពយូរអង្វែងនៃប្រទេស ក្នុងតំបន់ទន្លេមេគង្គ។ ឯកឧត្ដមបន្ថែមថា ការលេងកីឡាបាននំាមកនូវសុខភាពល្អ និងកាយសម្បទារឹងមាំ នាំមកនូវសាមគ្គីភាព មិត្តភាព វិន័យ និងភាពឈ្លាសវៃរហ័សរហួន៕

អត្ថបទ និង វីដេអូ ៖ លោក បូ សាវី