ព័ត៌មានជាតិ ថ្មីៗ
នៅថ្ងៃទី១៤ខែមីនាឆ្នាំ២០១៩វេលាម៉ោង៧ និង៤០នាទីព្រឹក មានករណីគ្រោះថ្នាក់ចរាចរណ៏គោយន្តកែច្នៃក្រឡាប់ដោយខ្លួនឯងនៅចំណុចកើតហេតុផ្លូវជាតិលេខ៦ ស្ថិតក្នុងភូមិទួលរវៀង ឃុំល្វា ស្រុកពួក ខេត្តសៀមរាប ។
បើតាមការឲ្យដឹងពី លោកវរសេនីយ៏ឯកទេពពុំសែន អធិការនគរបាលស្រុកបានឲ្យដឹងថា ៖គោយន្តកែច្នៃ ដោយខ្លួនឯងគ្មានផ្លាកលេខបើកបរដោយឈ្មោះ ស្រី ឧត្តម ភេទប្រុស អាយុ១៨ឆ្នាំ មុខរបរជាអ្នកបើកបរ ស្នាក់នៅក្នុងភូមិវត្តស្វាយជុំ ឃុំតាសោម ស្រុកអង្គរជុំមូលហេតុដែលមានគ្រោះថ្នាក់នេះកើតឡើងគឺបណ្ដាលមកពីបើកថយក្រោយខ្វះការប្រុងប្រយ័ត្នបណ្តាលឲ្យក្រឡាប់សង្កត់ស្លាប់ភ្លាមៗនៅនិងកន្លែងកើត ។
ក្រោយពេលកើតហេតុកំលាំងជំនាញនគរបាលស្រុកបានចុះអន្តរាគន៍ស្ទូចគោយន្តនិងដកហូតវត្ថុតាងពាក់ព័ន្ធរក្សាទុកនៅអធិការដ្ឋាននគរបាលស្រុកនិងបានបញ្ជូនសាកសពជនរងគ្រោះឲ្យក្រុមគ្រួសារដើម្បីធ្វើបុណ្យតាមប្រពៃណី។
អត្ថបទ និងរូបភាព៖ លោក ថាច់ ពិសុទ្ធ
កែសម្រួលអត្ថបទ៖ លោក ហាំ ម៉េងហួត
