ក្នុងឱកាសអញ្ជើញចូលជួបពិភាក្សាការងារជាមួយ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន នៅរសៀលថ្ងៃទី ១៤ ខែ មិនា ឆ្នាំ ២០១៩ លោក អូ ស៊ុក គឹន Oh Seok Geun ប្រធានក្រុមប្រឹក្សា ភាពយន្តសាធារណៈរដ្ឋកូរ៉េ បានបញ្ជាក់ ពី គោលបំណងចង់ធ្វើ កិច្ចសហការ រវាងអាស៊ាន និងកូរ៉េ ដើម្បីជម្រុញ ការអភិវឌ្ឍផ្នែកភាពយន្ត នៅកម្ពុជា ក៏ដូចផ្នែកផ្សេងៗទៀត រួមមាន បច្ចេកវិទ្យាវីដេអូ ហ្គេម និងភាពយន្តគ្រប់ប្រភេទ ដែលអាច ពង្រីកនៃកិច្ចសហការជំហ៊ានទី ១ អាស៊ាន និង កូរ៉េ ហើយ ជំហ៊ានទី ២ អាស៊ាន-កូរ៉េ រហូតដល់ឥណ្ឌា អាស៊ី ខាងត្បូង និងអាស៊ី កណ្តាល ដើម្បីក្លាយជាសមាគម វប្បធម៏អន្តរអាស៊ី ។
ដូច្នេះវត្តមានរបស់លោក អូ ស៊ុក គឹន មកកម្ពុជានាឱកាសនេះ ដើម្បីស្វែងរក កិច្ចសហការ ជាមួយរាជរដ្ឋាភិបាល ក៏ដូចជាក្រសួងព៏ត៌មាន ក្នុងការជម្រុញ កិច្ច សហការ ដោយនៅចុងឆ្នាំនេះ នឹងមានជាកិច្ចប្រជុំពិភាក្សាគ្នា រៀបចំធ្វើអោយ សម្រេចនូវកិច្ចការងារខាងលើនេះ ។
ឯកឧត្តម រដ្ឋមន្ត្រី ខៀវ កាញារីទ្ធ បានសំដែងនូវការគាំទ្រចំពោះគោលគំនិត ដែលបានលើកឡើងរបស់លោក ប្រធានក្រុមប្រឹក្សាភាពយន្តកូរ៉េ ហើយការងារ នេះ ប្រមុខនៃរាជរដ្ឋាភិបាលកម្ពុជា តែងតែជម្រុញកិច្ចសហការ ជាមួយប្រទេស កូរ៉េ ហើយអាស៊ានតែងមានការប្រជុំ អាស៊ានបូក បី ដោយក្នុងនោះកូរ៉េ គឺជាតូ អង្គដ៏ សំខាន់នៃកិច្ចសហការ លើការងារនេះផងដែរ ។
ឯកឧត្តម រដ្ឋមន្ត្រី បានលើក ឡើងថាប៉ុន្មានឆ្នាំកន្លងមកនេះ ទូរទស្សន៏ជាតិកម្ពុជា បានធ្វើកិច្ចសហការជាមួយ ក្រុមប្រឹក្សាភាពយន្តកូរ៉េ ដើម្បីធ្វើការផលិតជាភាពយន្ត 3 D និយាយអំពី សម័យ អង្គរ ។ ដូច្នេះ ការងារដែលបានលើកឡើងខាងលើ មិនមែនជារឿងថ្មីនោះទេ ហើយ ក្រសួង ព័ត៌មាន ក្រសួង វប្បធម៏ និងវិចិត្រសិល្បះ ក៏ដូចជា រដ្ឋាភិបាល កម្ពុជាត្រៀមជានិច្ចក្នុងការជម្រុញនៃកិច្ចសហការគ្នាជាមួយ ក្រុមប្រឹក្សាភាពយន្ត កូរ៉េ អោយសម្រេចកិច្ចការងារភាពយន្តនេះ បានជោគជ័យ៕
អត្ថបទ និងរូបភាព៖ ក្រសួងព័ត៌មាន
