រថយន្តតាកូម៉ាមួយគ្រឿង ផ្ទុះកង់មុខធ្លាក់ផ្លូវ បណ្តាលឲ្យបុកបុរសម្នាក់ស្លាប់ភ្លាមៗនៅនឹងកន្លែង ស្ថិតចំណុចផ្លូវជាតិលេខ៦ ព្រំប្រទល់ឃុំសសរស្តម្ភ និងភូមិព្រៃជ្រូក ឃុំព្រៃជ្រូក ស្រុកពួក ខេត្តសៀមរាប។
តាមការឲ្យដឹងពី លោកវរសេនីយ៏ឯក ទេព ពុំសែន អធិការនគរបាលស្រុកពួក បានឲ្យដឹថា៖ ករណីគ្រោះថ្នាក់ចរាចរណ៏នេះ បង្កឡើងដោយរថយន្តតាកូម៉ា មួយគ្រឿង ពាក់ផ្លាកលេខពោធិ៍សាត់ ២B.៦៦៦៩ បានផ្ទុះកង់មុខខាងឆ្វេង បណ្ដាលឲ្យរេចង្កូតធ្លាក់ផ្លូវ ហើយក្រឡាប់ទៅបុករុញជនរងគ្រោះឈ្មោះ ស៊ុង ស៊ីណា ភេទប្រុស អាយុ៤៨ឆ្នាំ មានទីលំនៅភូមិស្វាយ ឃុំសសរស្ដម្ភ ស្រុកពួកខេត្តសៀមរាប មុខរបរ កម្មករសំណង់ដែលកំពុងដាក់អង្គប់កណ្តុរ នៅក្បែរផ្លូវជាតិ។
ក្រោយពេលកើតហេតុកម្លាំងជំនាញ បានចុះវាស់វែងកន្លែងកើតហេតុ កសាងសំណុំរឿង និងដកហូតរថយន្តបង្កទៅរក្សាទុកនៅអធិការដ្ឋាននគរបាលស្រុក រីឯសាកសពជនរងគ្រោះ បានប្រគល់ជូនក្រុមគ្រួសារធ្វើបុណ្យតាមប្រពៃណី។
ព័ត៌មានជាតិ ថ្មីៗ
អត្ថបទ និងរូបភាព៖ លោក ថាច់ ពិសុទ្ធ
កែសម្រួលអត្ថបទ៖ លោក សេង ផល្លី
