ក្នុងឱកាសនៃកិច្ចប្រជុំសាមញ្ញ ប្រចាំសប្តាហ៏ជាមួយថ្នាក់ដឹកនាំ ក្រសួង ព៏ត៌មាន នាព្រឹកថ្ងៃទី ១៨ ខែមីនា ឆ្នាំ ២០១៩ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព៏ត៌មាន បានជម្រុញដល់ថ្នាក់ដឹកនាំ ទូរទស្សន៏ជាតិកម្ពុជា ត្រូវធ្វើយ៉ាង សហការជាមួយ វិទ្យុសំលេងវៀតណាម VOV តាមរយះការចុះហត្ថលេខាជា មួយគ្នា ដើម្បីទទួលសិទ្ធិធ្វើការផ្សាយបន្តផ្ទាល់ កម្មវិធីនៃការប្រកួត កីឡាបាល់ ទាត់ ហ្វូតសាល់ អាស៊ាន ដែលនឹងប្រព្រឹត្តទៅខាខែ តុលា ឆ្នាំ ២០១៩ ខាង មុខ នេះ។
ការប្រកួតកីឡាបាល់ទាត់ ហ្វូតសាល់ នេះ VOV ជាអ្នកទទួលសិទ្ធផ្តាច់មុខ ក្នុងការផ្សាយផ្ទាល់ ហើយ VOV បានក៏បានផ្តល់សិទ្ធិ ឲ្យទូរទស្សន៏ជាតិ កម្ពុជា តែមួយគត់ ផ្សាយបន្តនៅក្នុងប្រទេសកម្ពុជា ។ ដូច្នេះ ឯកឧត្តម រដ្ឋមន្ត្រី បាន ជម្រុញធ្វើយ៉ាងណា សហការជាមួយ VOV ឲ្យបានល្អ មិនត្រឹមតែការផ្សាយ កីឡាបាល់ទាត់នេះទេ ក៏នៅមានកីឡាជាលក្ខណះអន្តរជាតិជាច្រើនទៀត ដែល VOV ទទួលសិទ្ធិធ្វើការផ្សាយផ្ទាល់។
នៅក្នុងកិច្ចប្រជុំប្រចាំសប្តាហ៏នោះដែរ ថ្នាក់ដឹកនាំ តាមបណ្តាអគ្គនាយក ដ្ឋានចំណុះឲ្យក្រសួងព័ត៌មាន ឯកឧត្តម លោកជំទាវ ជារដ្ឋលេខាធិការ អនុរដ្ឋ លេខធិការ ទទួលបន្ទុកការងារតាមជំនាញនីមួយៗ បានធ្វើរបាយការណ៏ជម្រាប ជូនពីលទ្ធផលការងារ ដែលសម្រេចអនុវត្តន៏បាន នាពេលកន្លងមក ក៏ដូចជា បញ្ហាប្រឈមនានា ដែលត្រូវធ្វើការដោះស្រាយ ហើយធ្វើការរួមគ្នាដើម្បីសម្រេច បានលទ្ធផលការងារថ្មីៗបន្ថែមទៀត ដែលមានផលប្រយោជន៏ធ្វើឲ្យវិស័យ ព័តមាន និងសោតទស្សន៏នៅកម្ពុជា កាន់តែមានការវិវឌ្ឍឈានទៅមុខជាបន្ត ទៀត។ សមាជិកនៃកិច្ចប្រជុំនោះដែរ ក៏បានលើកឡើងនូវចំណុចគួរឲ្យចាប់ អារម្មណ៏នានាជាច្រើន ទាក់ទងទៅបញ្ហាក្នុងប្រពន្ធ័ផ្សព្វផ្សាយសង្គម នាពេល បច្ចុប្បន្ន ហើយចំណុចសំខាន់ គឺក្រុមដែលតែងតែធ្វើការផ្សាយ ដំណឹងក្លែង ក្លាយ FAKE NEWS នៅក្នុង Face book នាពេលកន្លងមក បានងាកទៅ ផ្សាយ នៅក្នុង ប្រពន្ធ័ YouTube ដោយគេបានធ្វើជា វីដេអូខ្លី ៗ ដាក់ចូលដែលមានភាព ងាយស្រួលឲ្យគេបើកមើល ដែលបញ្ហានេះ គឺគ្រប់ផ្នែកពាក់ពន្ធ័ ត្រូវរួមគ្នា ពិនិត្យ ឆ្លើយតបទៅនឹងការផ្សាយ ព័ត៌មាន ក្លែងក្លាយ នៅក្នុងប្រពន្ធ័ YouTube នេះ ដើម្បី កុំឲ្យមានការយល់ច្រឡំ ។
តាមរយះបញ្ហានេះ ឯកឧត្តម រដ្ឋមន្ត្រី ខៀវ កាញារីទ្ធ បានជម្រុញដល់ថ្នាក់ ដឹកនាំ និងមន្ត្រីជំនាញគ្រប់ផ្នែក ក្នុងក្រសួងព័ត៌មាន ត្រូវដាក់បញ្ចូលនូវរាល់ ព័ត៌មាន និងដំណឹងទាំងអស់រួមទាំង វីដេអូ និងរូបថត ល្អៗ ចូលទៅក្នុងប្រព័ន្ធ YouTube ក៏ដូចជានៅក្នុងបណ្តាញផ្សព្វផ្សាយសង្គមទាំងអស់ ដើម្បីរួមគ្នាបន្សាប នូវព័ត៌មានមិនពិត ក្លែងក្លាយ ទាំងអស់នោះ ។ ជាមួយគ្នានេះដែរ ឯកឧត្តម រដ្ឋមន្ត្រី បានជម្រុញ ដល់មន្ត្រីជំនាញផ្នែកព័ត៌មានវិទ្យា នៃក្រសួងព័ត៌មាន ត្រូវបង្កើតនូវ ប្រសិទ្ធភាពក្នុងការបំពេញការងារ តាមរយះកិច្ចសហការជាមួយ ក្រុមការងារ App ក្រសួងព័ត៌មាន ដើម្បីរួមគ្នាពិនិត្យតាមដាន នូវបណ្តាញផ្សព្វផ្សាយនានា ក៏ដូចជាគេហទំព័រ ដែលផ្សាយដំណឹងមិនពិត ក្លែងក្លាយ ដើម្បីមានវិធានការ ឆ្លើយតប និងទប់ស្កាត់ កុំឲ្យមានការបំពុលដល់សង្គម។
អត្ថបទ និងរូបភាព៖ ក្រសួងព័ត៌មាន
